मनोरंजन

‘रुपै मोहनी’ भन्दै दीपासँग कम्मर मर्काए हरिवंशले

काठमाडौं, १५ पुस । मह सञ्चारको प्रस्तुती र हाँस्य कलाकार किरण केसीको निर्माणमा बनेको चलचित्र ‘शत्रु गते’को पहिलो गीत ‘रुपै मोहनी’ सार्वजनिक भएको छ । सार्बजनिक गीतमा हरिवंश आचार्य, दीपकराज गिरी, दीपाश्री निरौला, पल शाह, आँचल शर्मा र प्रियंका कार्कीले नृत्य गरेका छन् । 
गीतमा नायक पलले आँचल र कलाकार हरिबंशले दिपाश्रीलाई रुपै मोहनी भन्दै नाचेका छन् । गीतमा टंक बुढाथोकी र मीना निरौलाको स्वर र कबिराज गहतराजको नृत्य निर्देशन रहेको छ । गीत सार्वजानिक भएको केहि घण्टामा नै दर्शकको नजरमा बस्न सफल भएको छ । प्रदीप भट्टराई निर्देशित चलचित्र ‘शत्रु गते’ चैत्र ९ गतेबाट अलनेपाल रिलिज हुनेछ ।
अंग्रेजी नयाँ वर्षको अवसर पारेर नेपाली फिल्म ‘शत्रु गते’को पहिलो गीत सार्वजनिक गरिएको निर्माण पक्षले जनाएको छ । केहीदिन अगाडि मात्र बौद्धस्थित समता अस्पतालमा यो गीतको  छायांकन गरिएको थियो ।  लोक फ्लेवरको ‘रुपै मोहनी’ बोलको गीतमा शब्द लोकराज अधिकारीको रहेको छ भने संगीत टंक बुढाथोकीले दिएका हुन् ।  गीतलाई टंक र मीना निरौलाले संयुक्त रुपमा गाएका छन् । कविराज गहतराजको नृत्य निर्देशनमा तयार भएको गीतलाई दिर्घ गुरुङले खिचेका हुन् । गीतमा हरिवंश र दीपा, दीपक र प्रियंका तथा पल र आँचलको जोडीलाई देख्न पाइन्छ ।
चलचित्र तराई र काठमाडौंका विभिन्न रमणीय स्थलमा छायांकन गरिएको हो । चलचित्र मह सञ्चारको प्रस्तुती र किरण केसीको निर्माणमा बनेको हो । ‘शत्रु गते’लाई जात्रा फेम निर्देशक प्रदीप भट्टराईले निर्देशन गरेका हुन् । फिल्ममा हरिवंश आचार्यको कथा, दीपकराज गिरी र प्रदीप भट्टराईको पटकथा, हरिवंश आचार्य र प्रदीप भट्टराईको संवाद छ । ‘शत्रु गते’मा मदन कृष्ण श्रेष्ठ, हरिवंश आचार्य, दीपकराज गिरी, दीपाश्री निरौला, शिवहरि पौड्याल, किरण केसी, प्रियंका कार्की, पल शाह, आँचल शर्मा, बसुन्धरा भुषाल, राजाराम पौड्याल, अन्जु महर्जन राजु भुजु, मोहितवंश आचार्य, रवि शर्मा, नरेन्द्र कंशाकार लगायतका कलाकारहरुको मुख्य भूमिका रहेको छ । 

 

उस्तै उस्तै खबरहरु

  • बक्स अफिस म्यूजिक भिडियो अवार्ड ३० विधामा, तयारी धमाधम

    बक्स अफिस म्यूजिक भिडियो अवार्ड ३० विधामा, तयारी धमाधम काठमाडाैं, जेठ । नेशनल बक्स अफिस म्यूजिक भिडियो अवार्डको तयारी तीव्र पारिएको छ । गत वर्षदेखि यो वर्षको बैशाखसम्म सार्वजनिक भएको विभिन्न गीत संगीतहरुलाई छनोट गरी बक्स अफिस म्यूजिक भिडियो अवार्ड प्रदान गर्न लागिएको आयोजक संस्था बक्स अफिस इन्टरनेशनल ग्रुपका अध्यक्ष रामबहादुर सुवेदी (आर.के.)ले बताए ।

  • नायक शिवले बनाउने भए ‘एउटा यस्तो प्रेम कहानी’

    नायक शिवले बनाउने भए ‘एउटा यस्तो प्रेम कहानी’ काठमाडौं, २ बैशाख । पुराना नायक शिव श्रेष्ठ पनि चलचित्र निर्माणमा जुटेका छन् । हालै काठमाडौंमा भएको एक कार्यक्रममा उपराष्ट्रपति नन्दकिशोर पुनको उपस्थितिमा चलचित्र ‘एउटा यस्तो प्रेम कहानी’को शुभ मुहूर्त गरिएको हो ।

  • ब्लकबस्टर अवार्ड भव्यरूपमा सम्पन्न

    ब्लकबस्टर अवार्ड भव्यरूपमा सम्पन्न काठमाडौं, ३० चैत । बक्स अफिस फिल्मी क्लब नेपालको आयोजनामा ‘ब्लक बस्टर अवार्ड’ भव्यरुपमा सम्पन्न भएको छ । नयाँ वर्ष २०७५ सालको शुभकामना आदानप्रदानसँगै यो वर्षभरी प्रदर्शनमा आएका सफल चलचित्रका निर्माता तथा निर्देशकहरुलाई अवार्ड प्रदान गरिएको हो ।

  • बेलतायबाटै समाजसेवामा नेपाली चेली प्रसुना

    बेलतायबाटै समाजसेवामा नेपाली चेली प्रसुना काठमाडौं, चैत । लामो समयदेखि बेलायत बसेर आफ्नो छुट्टै पहिचान बनाएकी नेपाली चेली प्रसुना कँडेल पेशाले नर्स हुन् । नेपाल नर्सिङ एसोशिएसन यूकेकी अध्यक्ष समेत रहेकी उनी विरामीहरुको सेवामा अहोरात्र खटिन्छिन् । त्यतिमात्र नभएर उनी बहुमुखी प्रतिभाकी धनी छिन् ।

  • राधे औसत चलचित्रः निर्माता सुशील पोखरेल

    राधे औसत चलचित्रः निर्माता सुशील पोखरेल काठमाडौं, १२ चैत । नयाँ वर्ष २०७५ को अवसर पारेर आयोजना हुन लागेको ब्लक बस्टर अवार्डको मनोनयनमा छनोट भएका एक दर्जन बढी चलचित्रभित्र पर्न सफल चलचित्र हो– राधे । वि.स. २०७४ सालमा प्रदर्शनमा आएका चलचित्रहरुको व्यावसायिक सफलतालाई मध्यनजर गरेर ब्लकबस्टर अवार्ड प्रदान गर्न लागिएको हो ।

  • ‘उल्झन’को बेल्जियम र बेलायत प्रिमियर भव्य

    ‘उल्झन’को बेल्जियम र बेलायत प्रिमियर भव्य काठमाडौं, चैत । आफ्नो मातृभूमि छोडेर विगत लामो समयदेखि बेल्जियममा कर्म थलो बनाएका नायक बेनीज्योति ढुंगाना र निर्माता तेजेन्द्र कँडेलले पछिल्लो पटक निर्माण गरेको चलचित्र उल्झनले बेल्जियम र बेलायतमा प्रिमियर शो सम्पन्न गरेको छ ।