मनोरंजन

पूर्व मिस नेपाल मलिना लागिन् अमेरिकातिर

काठमाडौं, २२ असोज । पूर्व मिस नेपालसमेत रहेकी मलिना जोशीले चलचित्रमा एक पछि अर्को गर्दै असफलता व्यहोरेपछि अन्ततः उनी अमेरिका हानिएकी छन् । झण्डै आधा दर्जन फिल्म गरेरपनि चर्चामा आउन नसकेकी मलिना ‘वुमन इन कन्सर्ट युएस यात्रा’का अमेरिका उडेकी हुन् । 
अक्टोबर ७ देखि अक्टोबर २९ सम्म अमेरिका हुने यो कार्यक्रममा मलिनाले आफ्नो विशेष प्रस्तुती दिनेछिन् । पूर्वमिस नेपाल समेत रहेकी मलिनाको फिल्म यात्रा सोचे जसरी अगाडि बढ्न सकेको देखिदैन । डेब्यूदेखि उनी अभिनित फिल्म कुनैपनि हिट भएका छैनन् । यस वर्ष उनी अभिनित दुई फिल्म प्रदर्शनमा आए ‘संरक्षण’ र ‘लिला’ । तर, यी दुवै फिल्मले नेपाली बक्स अफिसमा खासै राम्रो व्यापार गर्न सकेनन् । लगातार आफू अभिनित फिल्मबाट असफलता हात पार्दै आइरहेकी मलिना अभिनित नयाँ फिल्म ‘रानी’ यही कात्तिक २ गतेबाट देशव्यापी प्रदर्शनमा आउँदैछ । यो फिल्ममा मलिना मुख्य भूमिकामा छिन् । तर, ‘रानी’ प्रदर्शनमा आउन एक हप्तको समय रहेकै बेला मलिना भने चलचित्रको प्रमोसन गर्नुभन्दा अमेरिकाको कार्यक्रमलाई प्राथमिकतामा राख्दै अमेरिका लागेकी हुन् । 
‘रानी’को निर्माण टिमले कात्तिक २ गतेलाई प्रदर्शन मिति घोषणा गरेपछि केहीदिन फिल्मको प्रचार–प्रसारमा देखिए पनि उनले पर्याप्त समय भने दिन सकिनन् । अब उनी फिल्म रिलिज भएपछि मात्र नेपाल फर्किनेछिन् । मलिनाको अनुपस्थितिले फिल्मको प्रचारमा कमी हुने पक्का छ । मलिना मात्र होइन फिल्मका अर्का मुख्य कलाकार अनुप विक्रम शाही पनि अहिले यूकेमा छन् । फिल्मका दुई मुख्य कलाकार नै विदेश भ्रमणमा रहेपछि अहिले निर्माण पक्ष तनाबमा देखिएको छ । मलिना जोशी, सारुक ताम्राकार र मनिष सुन्दर श्रेष्ठको अभिनय रहेको यो फिल्ममा नायक अनुप बिक्रम शाहि नेगेटिभ भूमिकामा छन् । त्रिकोणात्मक प्रेम कथामा अवरोध निम्त्याउने पात्रको अभिनय अनुपले गरेका छन् । फिल्मलाई दयाराम दाहालले निर्देशन गरेका हुन् ।  

 

उस्तै उस्तै खबरहरु

  • बक्स अफिस म्यूजिक भिडियो अवार्ड ३० विधामा, तयारी धमाधम

    बक्स अफिस म्यूजिक भिडियो अवार्ड ३० विधामा, तयारी धमाधम काठमाडाैं, जेठ । नेशनल बक्स अफिस म्यूजिक भिडियो अवार्डको तयारी तीव्र पारिएको छ । गत वर्षदेखि यो वर्षको बैशाखसम्म सार्वजनिक भएको विभिन्न गीत संगीतहरुलाई छनोट गरी बक्स अफिस म्यूजिक भिडियो अवार्ड प्रदान गर्न लागिएको आयोजक संस्था बक्स अफिस इन्टरनेशनल ग्रुपका अध्यक्ष रामबहादुर सुवेदी (आर.के.)ले बताए ।

  • नायक शिवले बनाउने भए ‘एउटा यस्तो प्रेम कहानी’

    नायक शिवले बनाउने भए ‘एउटा यस्तो प्रेम कहानी’ काठमाडौं, २ बैशाख । पुराना नायक शिव श्रेष्ठ पनि चलचित्र निर्माणमा जुटेका छन् । हालै काठमाडौंमा भएको एक कार्यक्रममा उपराष्ट्रपति नन्दकिशोर पुनको उपस्थितिमा चलचित्र ‘एउटा यस्तो प्रेम कहानी’को शुभ मुहूर्त गरिएको हो ।

  • ब्लकबस्टर अवार्ड भव्यरूपमा सम्पन्न

    ब्लकबस्टर अवार्ड भव्यरूपमा सम्पन्न काठमाडौं, ३० चैत । बक्स अफिस फिल्मी क्लब नेपालको आयोजनामा ‘ब्लक बस्टर अवार्ड’ भव्यरुपमा सम्पन्न भएको छ । नयाँ वर्ष २०७५ सालको शुभकामना आदानप्रदानसँगै यो वर्षभरी प्रदर्शनमा आएका सफल चलचित्रका निर्माता तथा निर्देशकहरुलाई अवार्ड प्रदान गरिएको हो ।

  • बेलतायबाटै समाजसेवामा नेपाली चेली प्रसुना

    बेलतायबाटै समाजसेवामा नेपाली चेली प्रसुना काठमाडौं, चैत । लामो समयदेखि बेलायत बसेर आफ्नो छुट्टै पहिचान बनाएकी नेपाली चेली प्रसुना कँडेल पेशाले नर्स हुन् । नेपाल नर्सिङ एसोशिएसन यूकेकी अध्यक्ष समेत रहेकी उनी विरामीहरुको सेवामा अहोरात्र खटिन्छिन् । त्यतिमात्र नभएर उनी बहुमुखी प्रतिभाकी धनी छिन् ।

  • राधे औसत चलचित्रः निर्माता सुशील पोखरेल

    राधे औसत चलचित्रः निर्माता सुशील पोखरेल काठमाडौं, १२ चैत । नयाँ वर्ष २०७५ को अवसर पारेर आयोजना हुन लागेको ब्लक बस्टर अवार्डको मनोनयनमा छनोट भएका एक दर्जन बढी चलचित्रभित्र पर्न सफल चलचित्र हो– राधे । वि.स. २०७४ सालमा प्रदर्शनमा आएका चलचित्रहरुको व्यावसायिक सफलतालाई मध्यनजर गरेर ब्लकबस्टर अवार्ड प्रदान गर्न लागिएको हो ।

  • ‘उल्झन’को बेल्जियम र बेलायत प्रिमियर भव्य

    ‘उल्झन’को बेल्जियम र बेलायत प्रिमियर भव्य काठमाडौं, चैत । आफ्नो मातृभूमि छोडेर विगत लामो समयदेखि बेल्जियममा कर्म थलो बनाएका नायक बेनीज्योति ढुंगाना र निर्माता तेजेन्द्र कँडेलले पछिल्लो पटक निर्माण गरेको चलचित्र उल्झनले बेल्जियम र बेलायतमा प्रिमियर शो सम्पन्न गरेको छ ।