खेलकुद

व्याकुल माइला गोल्ड कप अाजबाट

काठमाडौं, १९ असोज । व्याकुल माइला गोल्ड कपको सातौं संस्करण यही असोज १९ गते बिहीबार कोजाग्रत पूर्णिमाको दिन सुरु हुने भएको छ । ओखलढुंगाको मानेभञ्ज्याङ गाउँपालिका–६, हिलेपानी–सोक्माटारस्थित दूधकोसी किनारमा प्रतियोगिता सञ्चालन हुने गोल्ड कप मूल समारोह समितिले जनाएको छ । प्रतियोगिताको समापन आगामी २७ गते शुक्रबार हुनेछ ।
समितिका अनुसार अनुसार राष्ट्रिय गान रचनाकार व्याकुल माइलाको नामबाट उनकै जन्मथलोमा विकासमुखी सामाजिक अभियान सञ्चालन गरी पिछडिएको गाउँको समुन्नतिमा योगदान पुर्याउन २०६८ सालदेखि बर्सेनि फुटबल प्रतियोगिता हुँदै आएको हो । प्रतियोगितामा यसपटक २० देखि २२ टिम सहभागी हुँदै छन् ।
उपाधि विजेतालाई चाँदीको कप, मेडल र प्रमाणपत्रका साथै नगद पुरस्कार १ लाख, उपविजेतालाई ५० हजार र तेस्रोलाई २५ हजार प्रदान गरिनेछ । चाँदीको कप प्रथमलाई १०१ तोला, द्वितीयलाई ८५ र तृतीयलाई ६५ तोलाको छ । सबैभन्दा अनुशासित टिमलाई १० हजार नगद राशिको ‘दिल–कर्ण बेस्ट टिम अवार्ड’ प्रदान गरिनेछ । उत्कृष्ट खेलाडी, गोलरक्षक र सर्वाधिक गोलकर्ताले पदक र प्रमाणपत्रसहित.५÷५ हजार नगद पुरस्कार पाउनेछन् ।
कपको व्यवस्था बेलायत बस्दै आएका भूतपूर्व ब्रिटिस गोर्खा सैनिक अमृतबहादुर राई, डिल्लीबहादुर राई, नवल राई र श्रीमती गौतामाया राई, कर्णबहादुर राई र श्रीमती दिलकुमारी राईले गरिदिएका हुन् ।
‘खेलकुदको माध्यमबाट विकासको अभियान. भन्ने नाराका साथ आयोजना हुँदै आएको यस खेलकुद प्रतियोगिताको मुख्य उद्देश्य सामाजिक परिवर्तन, रूपान्तरण र विकास रहेको छ’, आयोजक संस्थाले जारी गरेको प्रेस नोटमा लेखिएको छ, ‘व्याकुल माइला जन्मिएको हिलेपानी–सोक्माटार गाउँ एक कुना–कन्दरा हो, विकास निर्माणको दृष्टिकोणले ओझेलमा परेको छ ।’
फुटबल खेलका अतिरिक्त विकास निर्माणको पहल, निःशुल्क स्वास्थ्य शिविर, फुटबल प्रशिक्षण, शैक्षिक सामग्री वितरण, स्थानीय विद्यार्थीका लागि छात्रवृत्तिकोसमन्वय, लोकनृत्य प्रशिक्षण, कृषि तालिम, बायोब्रिकेट तालिम, र्याफ्टिङ, लोकनाचको प्रस्तुति, सांगीतिक कार्यक्रम आदि पनि हुँदै आएको जनाइएको छ । यसपटक लोकसांस्कृतिक नाचको प्रस्तुति, निःशुल्क स्वास्थ्य शिविर, महिला फुटबल प्रतियोगिता र सामाजिक तथा सांस्कृतिक चेतनामूलक चलचित्र प्रदर्शन गरिने भएको छ । प्रतियोगिता आयोजकमा मूल समितिसहित दूधकौशिका प्रावि, नयाँ नेपाल सरोकार समाज र हिलेपानी फुटबल क्लब छन् ।

Comments

उस्तै उस्तै खबरहरु

डीपीएलको उपाधि कस्को पोल्टामा, काठमाडौं कि धनगढी ?

काठमाडौं, ३० चैत । धनगढीमा जारी दोस्रो संस्करणको धनगढी प्रिमियर लिग (डीपीएल) क्रिकेटको उपाधि भिडन्त आज हुँदैछ । उपाधिका लागि काठमाडौं गोल्डेन्सल र टिम चौराहा धनगढी भिड्दैछन् ।
डिपिएल क्रिकेटमा सुनको जुत्ता पुरस्कार !

काठमाडौं, १२ चैत । आगामी चैत १७ गतेबाट हुने दोस्रो संस्करणको धनगढी प्रिमियर लिग (डिपिएल–२) को मोष्ट भ्यालुएबल खेलाडीले नेपाली जुत्ताको ब्राण्ड गोल्डस्टारको सुनको जुत्ता पाउने भएका छन् । डिपिएल आयोजक धनगढी क्रिकेट एकेडेमी (डीसीए) र गोल्डस्टार जुत्ताको किरन सुज
कुन कुन देशले खेल्ने भए विश्वकप क्रिकेट ?

काठमाडौं, १० चैत । आईसीसी विश्वकप क्रिकेट छनोट खेलमा सुपर सिक्स चरणका खेल समाप्तीसँगै विश्वकपमा खेल्ने १० राष्ट्रको टुंगो लागेको छ । सुपरसिक्सको अन्तिम खेलमा अफगानिस्तानले आयरल्याण्डलाई पराजित गरेसँगै उसले विश्वकपमा स्थान बनाएको हो ।
ब्राजिल, अर्जेन्टिना र पोर्चुगल विजयी

काठमाडौं, १० चैत । विश्वकप तयारी स्वरुप शुक्रबार राति भएको अन्तर्राष्ट्रिय मैत्रीपूर्ण फुटबल खेलमा ब्राजिल, अर्जेन्टिना र पोर्चुगल विजयी भएका छन् । खेलमा साविक विश्वकप विजेता जर्मनी स्पेनसँग १–१ को बराबरीमा रोकिएको छ । स्पेनका रोड्रिगो मोरेनोले टोलीलाई
बडी बिल्डिङको अध्यक्षमा विक र महासचिवमा बज्राचार्य

काठमाडौं, ३ चैत । हिमालय किङडम नेप्लिज फेडेरेसन अफ बडी बिल्डिङ एन्ड फिट्नेसको अध्यक्षमा शिव लामिछाने विक निर्विरोध निर्वाचित भएका छन् । संघको पहिलो साधारणसभाले विकको अध्यक्षतामा २६ सदस्यीय केन्द्रीय कार्यसमिति समेत निर्विरोध चयन गरेको हो ।
नेपाललाई ऐतिहासिक उपलब्धि, क्रिकेटमा एक दिवसीय मान्यता

काठमाडौं, चैत । नेपाली क्रिकेट टोलीले इतिहास रच्दै पहिलो पटक अन्तर्राष्ट्रिय एक दिवसीय क्रिकेटको मान्यता पाएको छ । विश्वकप यात्रा टुंगिए पनि आईसीसी विश्वकप छनोटको पहिलो प्लेअफ खेलमा नेपालले पपुवा न्यूगिनीविरुद्ध शानदार जित हात पार्दै अन्तर्राष्ट्रिय एक दिवसीय क्रिकेटको मान्यता पाउन सफल भएको हो