राजनीति

कमल थापालाई बम्पर अफर !

काठमाडौं– नेकपा माओवादी केन्द्रका अध्यक्ष पुष्पकमल दाहाल प्रचण्डले राप्रपा नेपाललाई ओली सरकारमा पाए जति भाग लिएर सरकारमा सहभागी हुन फेरि पनि आग्रह गर्नुभएको छ । दाहालले मंगलबार थापालाई टेलिफोन गरी ओली सरकारमा पाएको जति हैसियत लिएर आफ्नो नेतृत्वमा बन्ने सरकारमा पनि सहभागी हुन आग्रह गर्नुभएको सहप्रवक्ता मोहन श्रेष्ठले जानकारी दिनुभयो ।

केही दिनअघि पनि प्रचण्डले थापालाई भेटेरै सरकारमा सहभागी हुन आग्रह गर्नुभएको थियो । संसदमा २५ सिट भएको राप्रपा नेपालले ओली सरकारमा उप्रधानसहित तीन मन्त्रालय, तीन सहायक र तीन राज्यमन्त्री लिएको थियो । राप्रपा नेपाल सरकारमा सहभागी भए सत्ता पक्षसँग दुई तीहाइ बहुमत पुग्ने भएकाले प्रचण्डले थापालाई सरकारमा सहभागी हुन जोड गर्नुभएको हो ।

प्रचण्डले सम्मानजनक उपस्थिति लिएर सरकारमा सहभागी हुन आग्रह गरे पनि राप्रपा नेपालभित्र भने सरकारमा जाने नजाने विषय अन्यौल रहेको छ ।
मंगलबार बसेको संसदीय दल र कार्य सम्पादन समितिको बैठकमा नेताहरु सरकारका जाने विषयमा विभाजित भएका हुन् । बैठकमा बोल्ने २४ मध्ये १५ जना सरकारमा सहभागी हुनुपर्ने पक्षमा रहेको सहप्रवक्ता श्रेष्ठले जानकारी दिनुभयो । बैठकमा निरञ्जन थापा, दिनेश श्रेष्ठ, गिताभक्त जोशी, कुन्तीकुमारी शाही, प्रल्हाद साह, टंक ढकाल, राजिव पराजुलीलगायतले प्रचण्डको नेतृत्वको सरकारमा सहभागी हुनुपर्ने धारणा राखेका थिए । दिलनाथ गिरी, सुशीलकुमार श्रेष्ठ, रामकुमार सुब्बालगायतले सरकारमा जान नहुने बताएका थिए । सरकारमा जाने नजानेबारे निर्णय लिन बुधबार बिहान ९ बजे बैठक बोलाइएको छ ।

Comments

उस्तै उस्तै खबरहरु

‘नेकपा’ बन्याे इतिहासकै शक्तिशाली पार्टी

काठमाडौं, ४ जेठ । नेकपा एमाले र माओवादीकेन्द्र मिलेर बनेको नयाँ पार्टी ‘नेपाल कम्युनिष्ट पार्टी’ इतिहासकै शक्तिशाली पार्टी बनेको छ । टुटफुटको इतिहास बोकेका दुई ठूला कम्युनिष्ट पार्टीको ऐतिहासिक एकीकरणले जन्मिएको नेकपा दक्षिण एसियाकै ठूलो कम्युनिष्ट पार्टी बनेको छ ।
एमाले–माओवादी मिलेर ‘नेपाल कम्युनिष्ट पार्टी’ घोषणा

काठमाडौं, जेठ । एमाले–माओवादी पार्टीबीच एकता भएको छ । बिहीबार अपरान्ह राष्ट्रिय सभागृहमा भएको घोषणा सभामा दुवै पार्टी एकीकरण गरी नयाँ ‘नेपाल कम्युनिष्ट पार्टी’ घोषणा गरिएको हो । एकतापछि नयाँ पार्टीमा ४४१ सदस्यीय केन्द्रीय समिति बनाइएको छ ।
‘मोदीको नेपाल भ्रमण ऐतिहासिक’

काठमाडौं, ३० बैशाख । सरकारले भारतीय प्रधानमन्त्री नरेन्द्र मोदीको नेपाल भ्रमण सफल र ऐतिहासिक भएको बताएको छ । दुई दिने राजकिय भ्रमण सकेर शनिबार भारतीय प्रधानमन्त्री नरेन्द्र मोदी स्वदेश फर्किए लगत्तै अन्तराष्ट्रिय विमानस्थलमा सञ्चारकर्मीलाई प्रतिक्रिया दिँदै
राष्ट्रपति भण्डारी र मोदीबीच भेट

काठमाडौं, २८ बैशाख । नेपालको दुई दिने राजकीय भ्रमणमा रहेका भारतका प्रधानमन्त्री नरेन्द्र मोदीले राष्ट्रपति विद्या भण्डारीलाई भेटेका छन्। राष्ट्रपति कार्यालय शीतल निवास पुगेर प्रधानमन्त्री मोदीले राष्ट्रपति भण्डारीसँग भेटवार्ता गरेका हुन्। यस अघि उनले उपराष्ट्रपति नन्दबहादुर पुनलाई भेटेका थिए।
टुँडिखेलमा मोदीलाई गार्ड अफ अनर

काठमाडाैं, २८ बैशाख । नेपालको दुईदिने धार्मिक भ्रमणमा आएका भारतीय प्रधानमन्त्री नरेन्द्र मोदी काठमाडौं आइपुगेसँगै राजनीतिक भेटवार्तामा सक्रिय भएका छन् । भारतबाट एयर इन्डियाको विशेष विमानमार्फत जनकपुर आइपुगेका मोदी केहीबेर दिउँसाे काठमाडाैं अाएका हुन् ।
भारतीय प्रधानमन्त्रीकाे नेपाल भ्रमण (LIVE)

जनकपुर, २८ बैशाख । नेपालको दुई दिने राजकीय भ्रमणमा रहेका भारतीय प्रधानमन्त्री नरेन्द्र मोदीलाई जनकपुरमा भव्य स्वागत गरिएको छ । जानकी मन्दिरमा पूजा आरधना र रामायण सर्किटको उद्घाटनपछि माेदीलार्इ