राजनीति

राप्रपा अधिवेशनः नयाँ नेतृत्वका लागि आज मतदान

काठमाडौं, ९ फागुन । राष्ट्रिय प्रजातन्त्र पार्टीको जारी एकता महाधिवेशनअन्तर्गत आज नेतृत्वका लागि निर्वाचन हुँदैछ । आइतरबादेखि सुरु भएको निर्वाचन प्रक्रियाअन्तर्गत एक अध्यक्ष र ९८ केन्द्रीय सदस्यका लागि आज निर्वाचन हुन लागेको हो ।

अध्यक्षलाई सर्वसम्मत बनाउने प्रयास असफल भएपछि निर्वाचन गर्न लागिएको राप्रपाले जनाएको छ । अध्यक्षका लागि निवर्तमान अध्यक्ष कमल थापा र काठमाडौंका जिल्ला नेता प्रदीपविक्रम राणाले उम्मेदवारी दर्ता गराएका छन् । त्यस्तै ९८ केन्द्रीय सदस्यका लागि तीन सय ६३ जनाको उम्मेदवारी परेको छ ।
अधिवेशनबाट पारित नयाँ विधानअनुसार २७ पदाधिकारी मनोनिन हुनेछन् । बाँकी ४० प्रतिशत केन्द्रीय सदस्य पनि मनोनित हुनेछन् ।

थापालाई टक्कर दिने राणा को हुन् ?
थापाविरुद्ध उम्मेदवारी दिने राणा काठमाडौं क्षेत्र नम्बर ७ का अध्यक्ष हुन् । लोहनी, राणा पक्षका केही नेता–कार्यकर्ताको साथ र सहयोग भने उम्मेदवार राणालाई भएको बुझिएको छ । शनिबारको बन्दसत्रमा अध्यक्ष थापाले आदेश दिएर बन्दसत्रबाटै निकाल्न लगाएपछि प्रतिशोधमा उनले उम्मेदवारी दर्ता गराएको राप्रपाका एक नेताले बताए ।

राप्रपाले छिटो स्थानीय चुनाव गर्न माग गरेको छ । चुनाव संविधान कार्यान्वयनसँग जोडिएको भन्दै यथाशक्य छिटो चुनाव घोषणा गर्न सरकारसँग माग गरिएको प्रवक्ता राजाराम श्रेष्ठले जानकारी दिए । ६ फागुनमा महाधिवेशन उद्घाटन कार्यक्रममा पनि अध्यक्ष थापालगायतका शीर्ष नेताले छिटो चुनाव घोषणा गर्न सरकारको ध्यानाकर्षण गराएका थिए । चुनाव घोषणाको पहिलो स्वागत राप्रपाले गर्ने अध्यक्ष थापाको भनाइ थियो ।

Comments

उस्तै उस्तै खबरहरु

‘नेकपा’ बन्याे इतिहासकै शक्तिशाली पार्टी

काठमाडौं, ४ जेठ । नेकपा एमाले र माओवादीकेन्द्र मिलेर बनेको नयाँ पार्टी ‘नेपाल कम्युनिष्ट पार्टी’ इतिहासकै शक्तिशाली पार्टी बनेको छ । टुटफुटको इतिहास बोकेका दुई ठूला कम्युनिष्ट पार्टीको ऐतिहासिक एकीकरणले जन्मिएको नेकपा दक्षिण एसियाकै ठूलो कम्युनिष्ट पार्टी बनेको छ ।
एमाले–माओवादी मिलेर ‘नेपाल कम्युनिष्ट पार्टी’ घोषणा

काठमाडौं, जेठ । एमाले–माओवादी पार्टीबीच एकता भएको छ । बिहीबार अपरान्ह राष्ट्रिय सभागृहमा भएको घोषणा सभामा दुवै पार्टी एकीकरण गरी नयाँ ‘नेपाल कम्युनिष्ट पार्टी’ घोषणा गरिएको हो । एकतापछि नयाँ पार्टीमा ४४१ सदस्यीय केन्द्रीय समिति बनाइएको छ ।
‘मोदीको नेपाल भ्रमण ऐतिहासिक’

काठमाडौं, ३० बैशाख । सरकारले भारतीय प्रधानमन्त्री नरेन्द्र मोदीको नेपाल भ्रमण सफल र ऐतिहासिक भएको बताएको छ । दुई दिने राजकिय भ्रमण सकेर शनिबार भारतीय प्रधानमन्त्री नरेन्द्र मोदी स्वदेश फर्किए लगत्तै अन्तराष्ट्रिय विमानस्थलमा सञ्चारकर्मीलाई प्रतिक्रिया दिँदै
राष्ट्रपति भण्डारी र मोदीबीच भेट

काठमाडौं, २८ बैशाख । नेपालको दुई दिने राजकीय भ्रमणमा रहेका भारतका प्रधानमन्त्री नरेन्द्र मोदीले राष्ट्रपति विद्या भण्डारीलाई भेटेका छन्। राष्ट्रपति कार्यालय शीतल निवास पुगेर प्रधानमन्त्री मोदीले राष्ट्रपति भण्डारीसँग भेटवार्ता गरेका हुन्। यस अघि उनले उपराष्ट्रपति नन्दबहादुर पुनलाई भेटेका थिए।
टुँडिखेलमा मोदीलाई गार्ड अफ अनर

काठमाडाैं, २८ बैशाख । नेपालको दुईदिने धार्मिक भ्रमणमा आएका भारतीय प्रधानमन्त्री नरेन्द्र मोदी काठमाडौं आइपुगेसँगै राजनीतिक भेटवार्तामा सक्रिय भएका छन् । भारतबाट एयर इन्डियाको विशेष विमानमार्फत जनकपुर आइपुगेका मोदी केहीबेर दिउँसाे काठमाडाैं अाएका हुन् ।
भारतीय प्रधानमन्त्रीकाे नेपाल भ्रमण (LIVE)

जनकपुर, २८ बैशाख । नेपालको दुई दिने राजकीय भ्रमणमा रहेका भारतीय प्रधानमन्त्री नरेन्द्र मोदीलाई जनकपुरमा भव्य स्वागत गरिएको छ । जानकी मन्दिरमा पूजा आरधना र रामायण सर्किटको उद्घाटनपछि माेदीलार्इ