राजनीति

चीन पुगेरका काम थाले पौडेलले

काठमाडौं– झण्डै ६ महिनाको रिक्ततापछि बेइजिङस्थित नेपाली राजदूतावासले नयाँ राजदूत पाएको छ। पूर्व राजदूत महेश मास्के कार्यकाल सकेर फर्केको यति लामो रिक्ततापछि चीनका लागि नवनियुक्त नेपाली राजदूत लीलामणि पौडेलले बिहिबादेखि बेइजिङमा कार्यभार सम्हालेका हुन्।

चिनियाँ परराष्ट्र मन्त्रालयमा शुक्रबार ओहदाको प्रमाणपत्रको प्रति बुझाएपछि उनलाई औपचारिक रुपमा राजदूतको हैसियतले काम गर्न बाटो खुलेको हो। शुक्रबार बिहान पौडेलले आफ्नो ओहदाको प्रमाणपत्रको एक प्रति चिफ अफ दि फरेन मिसन इन बेइजिङका प्रमुख समक्ष हस्तान्तरण गरेका हुन्। ओहदाको प्रमाणपत्र बुझाउने निश्चित अवधि भएकाले राजदूत पौडेलले आगामी डिसेम्बरको मध्यतिर मात्रै चिनियाँ राष्ट्रपति समक्ष ओहदाको प्रमाणपत्र पेश गर्नेछन्।

‘विभिन्न मुलुकमा राजदूतले ओहदाको प्रमाणपत्र पेश गर्ने समय फरक फरक हुने गर्दछ’, शुक्रबार प्रमाणपत्रको प्रति बुझाइसकेपछि राजदूत पौडेलले भने, ‘राष्ट्रपतिलाई ओहदाको प्रमाणपत्र बुझाउने समय आउन बाँकी भएकाले होला, हाललाई परराष्ट्रमा पेश गरेपछि अब राजदूतकै हैसियतमा काम गर्ने बाटो खुल्यो।’

मन्त्री स्तरीय दर्जासहित चीनको राजदूत नियुक्त भएर बुधबार राती बेइजिङ ओर्लिएका पूर्व मुख्यसचिव पौडेलले बिहिबार दूताबास पुगी कार्यभार ग्रहण गरेका हुन्। शुक्रबारदेखि उनलाई बेइजिङमा राजदूतको हैसियतले काम गर्न मार्ग प्रशस्त भएको छ।

३ मंसिर २०७३ ।

Comments

उस्तै उस्तै खबरहरु

‘नेकपा’ बन्याे इतिहासकै शक्तिशाली पार्टी

काठमाडौं, ४ जेठ । नेकपा एमाले र माओवादीकेन्द्र मिलेर बनेको नयाँ पार्टी ‘नेपाल कम्युनिष्ट पार्टी’ इतिहासकै शक्तिशाली पार्टी बनेको छ । टुटफुटको इतिहास बोकेका दुई ठूला कम्युनिष्ट पार्टीको ऐतिहासिक एकीकरणले जन्मिएको नेकपा दक्षिण एसियाकै ठूलो कम्युनिष्ट पार्टी बनेको छ ।
एमाले–माओवादी मिलेर ‘नेपाल कम्युनिष्ट पार्टी’ घोषणा

काठमाडौं, जेठ । एमाले–माओवादी पार्टीबीच एकता भएको छ । बिहीबार अपरान्ह राष्ट्रिय सभागृहमा भएको घोषणा सभामा दुवै पार्टी एकीकरण गरी नयाँ ‘नेपाल कम्युनिष्ट पार्टी’ घोषणा गरिएको हो । एकतापछि नयाँ पार्टीमा ४४१ सदस्यीय केन्द्रीय समिति बनाइएको छ ।
‘मोदीको नेपाल भ्रमण ऐतिहासिक’

काठमाडौं, ३० बैशाख । सरकारले भारतीय प्रधानमन्त्री नरेन्द्र मोदीको नेपाल भ्रमण सफल र ऐतिहासिक भएको बताएको छ । दुई दिने राजकिय भ्रमण सकेर शनिबार भारतीय प्रधानमन्त्री नरेन्द्र मोदी स्वदेश फर्किए लगत्तै अन्तराष्ट्रिय विमानस्थलमा सञ्चारकर्मीलाई प्रतिक्रिया दिँदै
राष्ट्रपति भण्डारी र मोदीबीच भेट

काठमाडौं, २८ बैशाख । नेपालको दुई दिने राजकीय भ्रमणमा रहेका भारतका प्रधानमन्त्री नरेन्द्र मोदीले राष्ट्रपति विद्या भण्डारीलाई भेटेका छन्। राष्ट्रपति कार्यालय शीतल निवास पुगेर प्रधानमन्त्री मोदीले राष्ट्रपति भण्डारीसँग भेटवार्ता गरेका हुन्। यस अघि उनले उपराष्ट्रपति नन्दबहादुर पुनलाई भेटेका थिए।
टुँडिखेलमा मोदीलाई गार्ड अफ अनर

काठमाडाैं, २८ बैशाख । नेपालको दुईदिने धार्मिक भ्रमणमा आएका भारतीय प्रधानमन्त्री नरेन्द्र मोदी काठमाडौं आइपुगेसँगै राजनीतिक भेटवार्तामा सक्रिय भएका छन् । भारतबाट एयर इन्डियाको विशेष विमानमार्फत जनकपुर आइपुगेका मोदी केहीबेर दिउँसाे काठमाडाैं अाएका हुन् ।
भारतीय प्रधानमन्त्रीकाे नेपाल भ्रमण (LIVE)

जनकपुर, २८ बैशाख । नेपालको दुई दिने राजकीय भ्रमणमा रहेका भारतीय प्रधानमन्त्री नरेन्द्र मोदीलाई जनकपुरमा भव्य स्वागत गरिएको छ । जानकी मन्दिरमा पूजा आरधना र रामायण सर्किटको उद्घाटनपछि माेदीलार्इ