राजनीति

महाभियोग प्रस्तावमाथि पुनः आजबाट छलफल

काठमाडौं- अख्तियार दुरुपयोग अनुसन्धान आयोगका निलम्बित प्रमुख आयुक्त लोकमानसिंह कार्कीविरुद्ध संसद्मा विचाराधीन महाभियोग प्रस्तावमाथि शुक्रबारबाट पुनः छलफल हुने भएको छ । कात्तिक ९ गते संसद्मा पेस भई सैद्धान्तिक छलफल सुरु भए पनि तिहार र छठपछि छलफल अगाडि बढाउने दलीय निर्णय अनुसार छलफल स्थगित भएको थियो ।
सैद्धान्तिक छलफललाई बढीमा तीन दिन निरन्तरता दिई प्रस्ताव समितिमा पठाउने तयारी छ । संसद् सचिवालयले शुक्रबारको सम्भावित कार्यसूचीमा महाभियोग प्रस्ताव छलफलको निरन्तरतालाई राखेको छ । प्रस्तावमा छलफलअघि राष्ट्रिय महिला आयोग गठनसम्बन्धी विधेयक संसद्मा पेस गर्ने सम्भावित कार्यसूची रहेको सचिवालयका सहायक प्रवक्ता सुदर्शन कुइँकेलले बताउनुभयो ।

कुइँकेलले भन्नुभयो, “अख्तियार प्रमुख कार्कीविरुद्ध दर्ता भएको महाभियोगको प्रस्तावमा यसअघि निरन्तरता दिने गरी स्थगित भएको छलफलले निरन्तरता पाउँछ । महिला आयोगको विधेयक पेस गर्ने पनि सम्भावित कार्यसूची छ । ”

कात्तिक ९ गतेबाट सुरु भएको छलफलमा सोही दिन १५ जना सांसदले प्रस्तावमाथि आफ्नो धारणा राखिसक्नुभएको छ । कात्तिक ९ गते नै छलफलमा भाग लिन नाम टिपाउनुभएका ३८ जनाले अझै बोल्न बाँकी छ । यस्तै शुक्रबार पनि छलफलमा भाग लिनका लागि नाम टिपाउन सकिने व्यवस्था संसद् सचिवालयले गरेको छ ।

यसअघि विहीबार मात्रै अख्तियारका निलम्वित प्रमुख आयुक्त लोकमानसिंह कार्कीले सर्वोच्च अदालतको तारेख बुझेका थिए । तारेख बुझेपछि उनलाई आगामी १६ गतका लागि पेशी तोकिएको छ। उनलाई सर्वोच्च अदालतले आफैं उपस्थित जवाफ दिन आदेश दिएको थियो।

न्यायाधीश आनन्दप्रसाद भट्टराईको एकल इजलासले कार्कीलाई सात दिनभित्र जवाफ दिन आदेश दिएपछि उनले तारेख बुझेका थिए । सर्वोच्चको म्याद बुझ्न नमानेको र अवरोध गरेकोमा कार्कीसहित चार जनाविरुद्ध कार्बाहीको माग गर्दै अधिवक्ता ओमप्रकाश अर्यालले दायर गरेको रीटमाथि सुनुवाई गर्दै सर्वोच्चले जवाफ दिन आदेश दिएको थियो।
२६ कार्तिक २०७३ ।

Comments

उस्तै उस्तै खबरहरु

‘नेकपा’ बन्याे इतिहासकै शक्तिशाली पार्टी

काठमाडौं, ४ जेठ । नेकपा एमाले र माओवादीकेन्द्र मिलेर बनेको नयाँ पार्टी ‘नेपाल कम्युनिष्ट पार्टी’ इतिहासकै शक्तिशाली पार्टी बनेको छ । टुटफुटको इतिहास बोकेका दुई ठूला कम्युनिष्ट पार्टीको ऐतिहासिक एकीकरणले जन्मिएको नेकपा दक्षिण एसियाकै ठूलो कम्युनिष्ट पार्टी बनेको छ ।
एमाले–माओवादी मिलेर ‘नेपाल कम्युनिष्ट पार्टी’ घोषणा

काठमाडौं, जेठ । एमाले–माओवादी पार्टीबीच एकता भएको छ । बिहीबार अपरान्ह राष्ट्रिय सभागृहमा भएको घोषणा सभामा दुवै पार्टी एकीकरण गरी नयाँ ‘नेपाल कम्युनिष्ट पार्टी’ घोषणा गरिएको हो । एकतापछि नयाँ पार्टीमा ४४१ सदस्यीय केन्द्रीय समिति बनाइएको छ ।
‘मोदीको नेपाल भ्रमण ऐतिहासिक’

काठमाडौं, ३० बैशाख । सरकारले भारतीय प्रधानमन्त्री नरेन्द्र मोदीको नेपाल भ्रमण सफल र ऐतिहासिक भएको बताएको छ । दुई दिने राजकिय भ्रमण सकेर शनिबार भारतीय प्रधानमन्त्री नरेन्द्र मोदी स्वदेश फर्किए लगत्तै अन्तराष्ट्रिय विमानस्थलमा सञ्चारकर्मीलाई प्रतिक्रिया दिँदै
राष्ट्रपति भण्डारी र मोदीबीच भेट

काठमाडौं, २८ बैशाख । नेपालको दुई दिने राजकीय भ्रमणमा रहेका भारतका प्रधानमन्त्री नरेन्द्र मोदीले राष्ट्रपति विद्या भण्डारीलाई भेटेका छन्। राष्ट्रपति कार्यालय शीतल निवास पुगेर प्रधानमन्त्री मोदीले राष्ट्रपति भण्डारीसँग भेटवार्ता गरेका हुन्। यस अघि उनले उपराष्ट्रपति नन्दबहादुर पुनलाई भेटेका थिए।
टुँडिखेलमा मोदीलाई गार्ड अफ अनर

काठमाडाैं, २८ बैशाख । नेपालको दुईदिने धार्मिक भ्रमणमा आएका भारतीय प्रधानमन्त्री नरेन्द्र मोदी काठमाडौं आइपुगेसँगै राजनीतिक भेटवार्तामा सक्रिय भएका छन् । भारतबाट एयर इन्डियाको विशेष विमानमार्फत जनकपुर आइपुगेका मोदी केहीबेर दिउँसाे काठमाडाैं अाएका हुन् ।
भारतीय प्रधानमन्त्रीकाे नेपाल भ्रमण (LIVE)

जनकपुर, २८ बैशाख । नेपालको दुई दिने राजकीय भ्रमणमा रहेका भारतीय प्रधानमन्त्री नरेन्द्र मोदीलाई जनकपुरमा भव्य स्वागत गरिएको छ । जानकी मन्दिरमा पूजा आरधना र रामायण सर्किटको उद्घाटनपछि माेदीलार्इ