समाचार

सहयोगी हातलाई सामाजिक संस्थाको सम्मान

काठमाडौं, ७ माघ । जेष्ठ नागरिकको क्षेत्रमा सक्रिय रहँदै आएको न्हापांगु पलाः नामक संस्थाले मध्यपुर थिमिका संचारकर्मी केके मानन्धरलाई सम्मान गरेको छ । संस्थाले काठमाडौंमा आयोजना गरेको दोस्रो वार्षिक कार्यक्रममा संचारकर्मी मानन्धरलाई सम्मान गरेको हो । पत्रकारितामार्फत जेष्ठ नागरिकहरुको मुद्दालाई सम्बन्धित क्षेत्रसम्म प्रचार गर्न तथा समाज चित्रणमा सकारात्मक भूमिका निर्वाह गरेकोलाई मूल्यांकन गरी उहाँलाई सम्मान गरेको हो । 
कार्यक्रमलाई सम्बोधन गर्दै काठमाडौं क्षेत्र ८ का प्रतिनिधि सभासद् जीवनराम श्रेष्ठले नयाँ बन्ने संघीय संरचना अनुरुपको संसद्मा जेष्ठ नागरिकको मुद्दालाई जोड दिइने बताउनुभयो । “म र मेरो पार्टीले निर्वाचन अघि पनि सामाजिक सुरक्षा भत्ताको सवाल उठाएका छौं । चुनावी एजेन्डा नै भएकोले अबको दिनमा यसलाई कार्यान्वयन गर्नेछौं । सभासद् श्रेष्ठको भनाइ थियो । त्यस्तै कार्यक्रममा अन्य वक्ताहरुले पनि देवतुल्य मानव जीवनको मूख्य आधारको रुपमा रहेका जेष्ठ नागरिकलाई उच्च सम्मान गर्नुपर्ने धारणा राखे । 

हुन पनि व्यस्त शहरी दैनिकीसँग बच्चा देखि अन्य पारिवारिक सदस्य आ–आफ्ना काममा लाग्नु पर्ने बाध्यताले कतिपय जेष्ठ नागरिक सदस्य परिवारभित्र रहेर पनि एक्लो हुने गरेका छन् । दिनभर एक्लोपनको महसुससँगै उनीहरुमा नैरास्यता छाउने देखि रोगव्याधीले चाँडो आक्रमण गर्ने उदाहरण अधिक छ । समाजभित्रका यी आधाररुपी जेष्ठ सदस्यहरुको समस्यालाई निराकरण गर्ने क्षेत्रमा काठमाडौंको जैसिदेवलस्थित न्हापांगु पलाः नामक संस्थाले काम गर्दै आएको छ । संस्थाले संयुक्त परिवारभित्र पनि एक्लो महसुस गर्ने जेष्ठ सदस्यहरुलाई दिवासेवा दिँदै आएको छ । 

“हामीले जेष्ठ नागरिक सदस्यलाई दिनभर भेला गराएर उहाँहरुको अदृश्य दुःख भुलाउने काम गर्छौं ।” संस्थाका अध्यक्ष शिला सायमिले बताए । उच्च आदर गर्नुपर्ने व्यक्तिलाई सुखी तुल्याउनु संस्थाको प्रधान उद्देश्य रहेको विषयमा समेत सायमिले प्रष्ट पारे । संस्थाले हाल काठमाडौंको भित्री शहरका चार दर्जन जेष्ठ नागरिक सदस्यलाई कोहिटीको बिहारमा दिनभर भेला गराएर जेष्ठ नागरिकको इच्छा बमोजिमका गतिविधि सञ्चालन गर्न दिइरहेको छ ।
विगत केहि वर्ष यतादेखि जेष्ठ नागरिकको क्षेत्रमा काम गर्दै आएको संस्थालाई दुई वर्ष अघि मात्र दर्ता गरेको थियो । सोही अनुरुप दोस्रो वार्षिक कार्यक्रम गरेको हो । कार्यक्रममा विभिन्न क्षेत्रबाट सहयोग गरेकाहरुलाई सम्मान तथा गत मंसीरमा निर्वाचित प्रतिनिधि र प्रदेश सदस्यलाई बधाई तथा शुभकामना दिएको थियो । कार्यक्रममा नेपाः राष्ट्रिय पार्टीका अध्यक्ष डा. विजय सैंजु, प्रा. डा. दुर्गालाल श्रेष्ठ, संस्कृतिविद् चुन्दा बज्राचार्य, वरिष्ठ पत्रकार सुरेशकिरण मानन्धर, गोरखा पत्र दैनिकका पूर्व प्रधान सम्पादक पुष्करभक्त माथेमा, नेपालभाषा क्लबका अध्यक्ष कमला मानन्धर लगायतको सहभागिता थियो ।

उस्तै उस्तै खबरहरु

  • वासिंटन डिसीमा नेजाको अन्तरक्रिया, नेपाली दुतावासमा कर्मचारी अभाव भएको गुनासो

    वासिंटन डिसीमा नेजाको अन्तरक्रिया, नेपाली दुतावासमा कर्मचारी अभाव भएको गुनासो विश्व प्रेस स्वतन्त्रता दिवस मे ३ मा अमेरिकाको डीसी मट्रो क्षेत्रमा अवस्थित अमेरिकाका लागि नेपाली दूतावासको कार्यालयमा राजदूत प्रा. श्रीधर खत्रीसँग नेपाल अमेरिका पत्रकार संघ (नेजा) ले अन्तरक्रिया गरेको छ । सो अन्तरक्रियामा राजदूत प्रा‍. खत्रीले दूतावासले आफ्नो स्रोत र साधनले भ्याएसम्म सेवा प्रवाहमा विशेष ध्यान दिइरहेको बताउनुभयो ।

  • ग्रेटर न्यूयोर्क नेपाली चेम्बर अफ कमर्शको अध्यक्षमा प्रदीप श्रेष्ठ

    ग्रेटर न्यूयोर्क नेपाली चेम्बर अफ कमर्शको अध्यक्षमा प्रदीप श्रेष्ठ न्यूयोर्क । अमेरिकाको न्यूयोर्क आसपासमा व्यवसाय गरिरहेका नेपाली एवं नेपाली मूलका अमेरिकी व्यवसायीहरु संगठित भएका छन् । उनीहरुले ग्रेटर न्यूयोर्क नेपाली चेम्बर अफ कमर्श गठन गरेका हुन् । न्यूयोर्क, न्यूजर्सी र कनेक्टिकट राज्यमा व्यवसाय गर्ने नेपाली एवं नेपाली भाषी व्यवसायीहरु संलग्न रहेको यो संस्थामा ७४ वटा व्यवसायिक कम्पनी आवद्ध भएका छन् । एक वर्षसम्मको तयारीपछि गरिएको साधारणसभाले प्रदीप श्रेष्ठको अध्यक्षतामा सात सदस्यीय कार्यसमिति निर्वाचित गरेको छ ।

  • नेवाः गुठी न्यूयोर्कले मनायो विश्व नेवाः दिवस

    नेवाः गुठी न्यूयोर्कले मनायो विश्व नेवाः दिवस न्यूयोर्क । नेवाः गुठी न्यूयोर्कले सातौं विश्व नेवाः दिवस विशेष कार्यक्रम गरी मनाएको छ । गुठीका अध्यक्ष विजयमान सिं को अध्यक्षतामा भएको उक्त कार्यक्रममा विभिन्न संघसंस्थाका प्रतिनिधिहरुले शुभकामना मन्तव्य व्यक्त गरेका थिए । कार्यक्रममा नेपाली महावाणिज्य दुतावासकी उपवाणिज्य दुत संगिता न्यौपाने, न्यूयोर्कका लागि पर्यटन प्रबर्द्धक एवं पत्रकार गोकुल श्रेष्ठ, आदिवासी जनजाति महासंघ, अमेरिकाका अध्यक्ष तोरण गुरुंग, हिमालयन बुद्धिष्ट कम्युनिटीका अध्यक्ष हृदय तुलाधर, नेवाः गुठीका संस्थापक एवं सल्लाहकार विके नेवाः र गुठीका संस्थापक अध्यक्ष, सल्लाहकार एवं विश्व नेवाः अर्गनाईजेशनका सल्लाहकार आदित्य महर्जनले विश्व नेवाः दिवसको उपलक्षमा शुभकामना मन्तव्य व्यक्त गर्नु भएको थियो ।

  • ललितपुरका मयेर चिरिबाबुलाई न्यूयोर्कमा स्वागत

    ललितपुरका मयेर चिरिबाबुलाई न्यूयोर्कमा स्वागत न्यूयोर्क । अमेरिका भ्रमणमा रहनुभएका ललितपुर महानगरपालिकाका मेयर चिरिबाबु महर्जनलाई नेवाः गुठी न्यूयोर्कले स्वागत गरेको छ । न्यूयोर्कमा आयोजना गरिएको कार्यक्रममा गुठीले मेयर महर्जनलाई स्वागत तथा सम्मान गरेको हो ।

  • नेजाको साधारण सभा बोस्टनमा

    नेजाको साधारण सभा बोस्टनमा नेपाल अमेरिका पत्रकार संघ (नेजा) ले आफ्नो १७औं साधारण सभा म्यासाच्युसेट्स राज्यको बोस्टन सहरमा गर्ने भएको छ । टेक्सासको अस्टिनमा भएको नेजाको बैठकले आगामी मे २५ र २६ मा आफ्नो १७औं साधारण सभा गर्ने निर्णय गरेको जनाएको छ । साधारण सभाका लागि नेजाका क्षेत्रीय संयोजक (उत्तर–पूर्व) सुपेन्द्र बस्नेतलाई संयोजक चयन गरिएको महासचिव बाबुराम दाहालले जारी गरेको बक्तव्यमा उल्लेख छ ।

  • तेश्रो लगानी सम्मेलनका लागि अमेरिकी लागनीकर्तालाई महावाणिज्य दुतावासको आव्हान

    तेश्रो लगानी सम्मेलनका लागि अमेरिकी लागनीकर्तालाई महावाणिज्य दुतावासको आव्हान अमेरिकी व्यवसायी एवं लगानीकर्तालाई नेपालमा हुन लागेको तेश्रो लगानी सम्मेलनमा सहभागि हुन नेपाली महावाणिज्य दुतावास न्यूयोर्कले आव्हान गरेको छ । न्यूयोर्कस्थित महावाणिज्य दुतावासमा हिजो आयोजना गरिएको “नेपालमा व्यापार, पर्यटन र लगानीका अवसरहरू“ विषयक गोलमेच छलफलमा कार्यवहाक महावाणिज्य दुत विष्णु प्रसाद गौतमले यस्तो आग्रह गर्नु भएको हो ।