न्युयोर्क

फिप्नाको केन्द्रीय सल्लाहकार समितिमा ७ जना मनोनयन

न्यूयोर्क । नेपाल आदिवासी जनजाति महासंघ (फिप्ना) को केन्द्रीय सल्लाहकार समितिमा ७ जनालाई मनोनयन गरिएको छ । फिप्नाको केन्द्रीय कार्यसमितिको बैठकले महासंघको ११ सदस्यीय सल्लाहकार समितिमध्ये ७ जना सल्लाहकारलाई मनोनयन गरेको हो । महासंघले समिर महर्जन, अर्जुन गुरुङ, दिपेश लिम्बु, मानबहादुर राना मगर, भरत मोक्तान तामाङ, छेपक दोर्जे गुरुङ र निमा शेर्पालाई सल्लाहकारमा मनोनयन गरेको हो । महासंघले अमेरिकामा रहेर आदिवासी जनजातिको अधिकारको पक्षमा अभियान चलाएका व्यक्तित्वहरुलाई सल्लाहकारमा मनोनयन गरेको हो ।

मनोनित समिर महर्जन फिप्नाका निवर्तमान उपाध्यक्ष हुनुहुन्छ भने नेवाः गुठी न्यूयोर्कका वर्तमान अध्यक्ष हुनुहुन्छ । उहाँ लामो समयदेखि आदिवासी जनजातिको अधिकार रक्षाका लागि योगदान दिइरहनु भएको छ । त्यस्तै अर्जुन गुरुङ फिप्नाको भूतपूर्व महासचिव हुनुहुन्छ भने आदिवासी जनजाति महासंघको अभियानमा उल्लेख्य योगदान पु¥याएको व्यक्तित्व हुनुहुन्छ । हाल उहाँ आर्थिक क्षेत्रमा क्रियाशिल हुनुहुन्छ । त्यस्तै दिपेश लिम्बु फिप्ना र किरात याक्थुम चुम्लुङको भूतपूर्व महासचिव हुनुहुन्छ । हाल उहाँ आदिवासी जनजातिको अधिकार रक्षाका लागि क्रियाशिल व्यक्तित्व हो ।

त्यस्तै मानबहादुर राना मगर फिप्नाको निवर्तमान महासचिव हुनुहुन्छ भने मगर संघ अमेरिकाको वर्तमान महासचिव हुनुहुन्छ । उहाँ लामो समयदेखि आदिवासी जनजातिको अधिकार रक्षा र संगठन विस्तारमा क्रियाशिल व्यक्तित्व हो । त्यस्तै भरत मोक्तान तामाङ लामो समयदेखि आदिवासी जनजातिको अधिकार रक्षाका लागि क्रियाशिल व्यक्तित्व हुनुहुन्छ ।

उहाँ तामाङ सोसाईटी अमेरिकाको पूर्वअध्यक्ष हुनुहुन्छ । फिप्नाले मनोनयन गरेका अर्का सल्लाहकार छेपक दोर्जे गुरुङ फिप्नाको भूतपूर्व कोषाध्यक्ष हुनुहुन्छ भने मुस्ताङ किदुकको अध्यक्ष भईसकेको व्यक्तित्व हो । त्यस्तै निमा शेर्पा ब्लड डोनर्स अमेरिकाको उपाध्यक्ष हुनुहुन्छ भने आदिवासी जनजातिको पक्षमा अभियान चलाउने व्यक्तित्व हो ।

उस्तै उस्तै खबरहरु

  • घ्याल्सुम्दो सेवा संस्था, अमेरिकाको अधिवेशन सेप्टेम्बर २ मा

    घ्याल्सुम्दो सेवा संस्था, अमेरिकाको अधिवेशन सेप्टेम्बर २ मा न्यूयोर्क । घ्याल्सुम्दो सेवा संस्था, अमेरिकाको अधिवेशन सेप्टेम्बर २ मा अमेरिकाको न्यूयोर्कमा हुने भएको छ । संस्था स्थापनाको १५ औं वार्षिकोत्सव मनाउन लागेको संस्थाले यो अधिवेशनबाट नयाँ नेतृत्व पनि चयन गर्ने भएको छ । १५ औं वार्षिकोत्सव कार्यक्रमलाई विशेष रुपमा मनाउन लागेको संस्थाले यो वर्ष स्मारिका प्रकाशन गर्न लागेको छ । गत वर्ष विधान संशोधन गरी नेतृत्व चयनलाई सहज बनाएको संस्थाले यो वर्षबाट भने सहजरुपमा नेतृत्व पाउने संस्थाका अध्यक्ष छिरिङ्ग राप्के लामाले जानकारी दिनु भयो ।

  • न्यूयोर्कमा नेपाली लायन्स क्लवको समन्वयमा आँखा परिक्षण

    न्यूयोर्कमा नेपाली लायन्स क्लवको समन्वयमा आँखा परिक्षण बालबालिकालाई लक्षित उक्त आँखा परिक्षण कार्यक्रममा करिव ४० जना बालकालिका सहभागि भएका थिए । अप्रिल २० तारिख शनिबारका दिन सम्पन्न भएको उक्त कार्यक्रमको सभापतित्व क्लवका अध्यक्ष पुरुषोत्तम पन्थीले गर्नु भएको थियो भने कार्यक्रमको सञ्चालन रुपा भण्डारीले गर्नु भएको थियो । कार्यक्रममा अध्यक्ष पन्थीले सहभागिहरुलाई धन्यवाद दिंदै थप सहयोगका लागि आग्रह गर्नु भएको थियो ।

  • नेवाः नखः को अध्यक्षमा विष्णुमान प्रधान निर्वाचित

    नेवाः नखः को अध्यक्षमा विष्णुमान प्रधान निर्वाचित न्यूयोर्क । नेवाः नखः को अध्यक्षमा विष्णुमान प्रधान निर्वाचित भएका छन् । यहिं अक्टोबर १३ तारिखमा न्यूयोर्कमा सम्पन्न भएको अधिवेशनले प्रथम उपाध्यक्षमा महेन्द्र बीर बज्राचार्य, द्वितीय उपाध्यक्षमा बिमला श्रेष्ठ, महासचिवमा डा. नरेशमान शाक्य, सचिवमा संगीता मुखिया छोंचू, कोषाध्यक्षमा दीपक कुमार प्रधान र सहकोषाध्याक्षमा सुजन श्रेष्ठ निर्वाचित भएका छन् । त्यस्तै सदस्यहरुमा नम्रता प्रधान, गणेश श्रेष्ठ, कुमार भक्त श्रेष्ठ, भरत शाक्य, महेन्द्र कुमार बज्राचार्य र गौतम कर्माचार्य चयन भएका छन् ।

  • न्यूयोर्कमा वसन्तपुरको झल्को, पहिलो पटक मनाईयो इन्द्रजात्रा

    न्यूयोर्कमा वसन्तपुरको झल्को, पहिलो पटक मनाईयो इन्द्रजात्रा न्यूयोर्क । अमेरिकाको न्यूयोर्कस्थित ज्याक्सन हाईट्समा पहिलो पटक यन्या पुन्ही अर्थात इन्द्रजात्रा मनाईएको छ । सेप्टेम्बर २९ तारिख शनिबार नेवाः गुठी न्यूयोर्कले आयोजना गरेको इन्द्रजात्रा परम्परागत शैलीमा मनाईएको हो । पूर्ण परम्परागत शैली र विधिपूर्वक मनाईएको इन्द्रजात्राले ज्याक्सन हाईट्सको डाइभर्सिटी प्लाजाले काठमाडौंको बसन्तपुरको झल्को दिईरहेको थियो ।

  • तामाङ समाज अमेरिकाको अध्यक्षमा सानुमाया निर्वाचित

    तामाङ समाज अमेरिकाको अध्यक्षमा सानुमाया निर्वाचित न्यूयोर्क । तामाङ समाज अमेरिकाको प्रथम अधिबेसनबाट सानु माया तामाङ अध्यक्षमा निर्वाचित भएकी छिन् । त्यस्तै अधिवेशनले बरिष्ठ उपाध्याक्षमा ब्रजेश मोक्तान, उपाध्याक्षमा सुमित्र योन्जन , महासचिवमा बुद्धिमान तामाङ र सचिवमा बिनिता तामाङलाई चयन गरेको छ ।

  • आदिवासी चलचित्र महोत्सव तथा निफ्फ अवार्डको तयारी पूरा

    आदिवासी चलचित्र महोत्सव तथा निफ्फ अवार्डको तयारी पूरा न्यूयोर्क । नेपाल आदिबासी चलचित्र महोत्सव तथा निफ्फ अवार्ड २०१८, को सम्पुर्ण तयारी पूरा भएको छ । नेपाल आदिवासी जनजाति महासंघ, अमेरिका फिप्नाले न्यूयोर्कको ज्याक्सन हाईटमा पत्रकार सम्मेलन गरी महोत्सव तथा अवार्ड कार्यक्रमको तयारी पूरा भएको जानकारी दिएको हो ।