न्युयोर्क

न्यूयोर्कमा वसन्तपुरको झल्को, पहिलो पटक मनाईयो इन्द्रजात्रा

न्यूयोर्क । अमेरिकाको न्यूयोर्कस्थित ज्याक्सन हाईट्समा पहिलो पटक यन्या पुन्ही अर्थात इन्द्रजात्रा मनाईएको छ । सेप्टेम्बर २९ तारिख शनिबार नेवाः गुठी न्यूयोर्कले आयोजना गरेको इन्द्रजात्रा परम्परागत शैलीमा मनाईएको हो ।
पूर्ण परम्परागत शैली र विधिपूर्वक मनाईएको इन्द्रजात्राले ज्याक्सन हाईट्सको डाइभर्सिटी प्लाजाले काठमाडौंको बसन्तपुरको झल्को दिईरहेको थियो । जात्रामा जीवित देवी कुमारी, पुलुकिसी र लाखे नाच प्रस्तुत गरिएको थियो । ढोल र झ्याम्टाको धुनसँगैको लाखे नाचले इन्द्रजात्रालाई भव्य बनाएको थियो ।

खास गरी काठमाडौंमा बसोबास गर्ने नेवारी समुदायको विशेष पर्वको रुपमा रहेको इन्द्रजात्रा नेवाः गुठी न्यूयोर्कले पहिलो पटक आयोजना गरेको हो । परम्परा र संस्कृतिको जगेर्ना गर्दै भावी पुस्तालाई पनि जात्राको महत्वको बारेमा जानकारी दिन यस्तो पर्व आयोजना गरिएको हो । नेवारी समूदायमा धान काटिसकेपछि किसानहरुले भैरव र कुमारीको पूजा गरी आपसमा विभिन्न परिकार खाएर रमाइलो गरी मनाउने यो पर्व अहिले मुख्य पर्वको रुपमा मनाउने गरिएको छ ।

जात्रामा नेवारी पहिरनमा सजिएका महिला तथा पुरुषहरुको नृत्य पनि विशेष आकर्षणको रुपमा रहेको थियो । विभिन्न खानाका परिकारलाई सजाईएको दृष्य पनि जात्रामा हेर्न लायक थियो । जात्रा हेर्नका लागि विभिन्न मुलुकका मानिसहरुको घुईचो लागेको थियो । निकै मौलिक र फरक शैलीको पर्व भएका कारण पनि उनीहरुले चाखपूर्वक हेरेका थिए ।

 

उस्तै उस्तै खबरहरु

  • घ्याल्सुम्दो सेवा संस्था, अमेरिकाको अधिवेशन सेप्टेम्बर २ मा

    घ्याल्सुम्दो सेवा संस्था, अमेरिकाको अधिवेशन सेप्टेम्बर २ मा न्यूयोर्क । घ्याल्सुम्दो सेवा संस्था, अमेरिकाको अधिवेशन सेप्टेम्बर २ मा अमेरिकाको न्यूयोर्कमा हुने भएको छ । संस्था स्थापनाको १५ औं वार्षिकोत्सव मनाउन लागेको संस्थाले यो अधिवेशनबाट नयाँ नेतृत्व पनि चयन गर्ने भएको छ । १५ औं वार्षिकोत्सव कार्यक्रमलाई विशेष रुपमा मनाउन लागेको संस्थाले यो वर्ष स्मारिका प्रकाशन गर्न लागेको छ । गत वर्ष विधान संशोधन गरी नेतृत्व चयनलाई सहज बनाएको संस्थाले यो वर्षबाट भने सहजरुपमा नेतृत्व पाउने संस्थाका अध्यक्ष छिरिङ्ग राप्के लामाले जानकारी दिनु भयो ।

  • न्यूयोर्कमा नेपाली लायन्स क्लवको समन्वयमा आँखा परिक्षण

    न्यूयोर्कमा नेपाली लायन्स क्लवको समन्वयमा आँखा परिक्षण बालबालिकालाई लक्षित उक्त आँखा परिक्षण कार्यक्रममा करिव ४० जना बालकालिका सहभागि भएका थिए । अप्रिल २० तारिख शनिबारका दिन सम्पन्न भएको उक्त कार्यक्रमको सभापतित्व क्लवका अध्यक्ष पुरुषोत्तम पन्थीले गर्नु भएको थियो भने कार्यक्रमको सञ्चालन रुपा भण्डारीले गर्नु भएको थियो । कार्यक्रममा अध्यक्ष पन्थीले सहभागिहरुलाई धन्यवाद दिंदै थप सहयोगका लागि आग्रह गर्नु भएको थियो ।

  • नेवाः नखः को अध्यक्षमा विष्णुमान प्रधान निर्वाचित

    नेवाः नखः को अध्यक्षमा विष्णुमान प्रधान निर्वाचित न्यूयोर्क । नेवाः नखः को अध्यक्षमा विष्णुमान प्रधान निर्वाचित भएका छन् । यहिं अक्टोबर १३ तारिखमा न्यूयोर्कमा सम्पन्न भएको अधिवेशनले प्रथम उपाध्यक्षमा महेन्द्र बीर बज्राचार्य, द्वितीय उपाध्यक्षमा बिमला श्रेष्ठ, महासचिवमा डा. नरेशमान शाक्य, सचिवमा संगीता मुखिया छोंचू, कोषाध्यक्षमा दीपक कुमार प्रधान र सहकोषाध्याक्षमा सुजन श्रेष्ठ निर्वाचित भएका छन् । त्यस्तै सदस्यहरुमा नम्रता प्रधान, गणेश श्रेष्ठ, कुमार भक्त श्रेष्ठ, भरत शाक्य, महेन्द्र कुमार बज्राचार्य र गौतम कर्माचार्य चयन भएका छन् ।

  • तामाङ समाज अमेरिकाको अध्यक्षमा सानुमाया निर्वाचित

    तामाङ समाज अमेरिकाको अध्यक्षमा सानुमाया निर्वाचित न्यूयोर्क । तामाङ समाज अमेरिकाको प्रथम अधिबेसनबाट सानु माया तामाङ अध्यक्षमा निर्वाचित भएकी छिन् । त्यस्तै अधिवेशनले बरिष्ठ उपाध्याक्षमा ब्रजेश मोक्तान, उपाध्याक्षमा सुमित्र योन्जन , महासचिवमा बुद्धिमान तामाङ र सचिवमा बिनिता तामाङलाई चयन गरेको छ ।

  • आदिवासी चलचित्र महोत्सव तथा निफ्फ अवार्डको तयारी पूरा

    आदिवासी चलचित्र महोत्सव तथा निफ्फ अवार्डको तयारी पूरा न्यूयोर्क । नेपाल आदिबासी चलचित्र महोत्सव तथा निफ्फ अवार्ड २०१८, को सम्पुर्ण तयारी पूरा भएको छ । नेपाल आदिवासी जनजाति महासंघ, अमेरिका फिप्नाले न्यूयोर्कको ज्याक्सन हाईटमा पत्रकार सम्मेलन गरी महोत्सव तथा अवार्ड कार्यक्रमको तयारी पूरा भएको जानकारी दिएको हो ।

  • नेवाः गुठी न्यूयोर्कको अध्यक्षमा निर्मल प्रधान

    नेवाः गुठी न्यूयोर्कको अध्यक्षमा निर्मल प्रधान न्यूयोर्क । नेवाः गुठी, न्यूयोर्कको अध्यक्षमा निर्मल प्रधान निर्विरोध निर्वाचित भएका छन् । गुठीको यहि सेप्टेम्बर ९ मा न्यूयोर्कको ज्याक्सन हाईटमा सम्पन्न भएको अधिवेशनले प्रधानको नेतृत्वमा सर्वसम्मत नयाँ नेतृत्व चयन गरेको हो ।