नेवाः गुठी न्यूयोर्कको आयोजनामा न्यूयोर्कमा भिन्तुना र्याली र म्हः पूजा सम्पन्न

न्यूयोर्क । नेवाः गुठी न्यूयोर्कको आयोजनामा न्यूयोर्कको ज्याक्सन हाईट्समा भिन्तुना र्याली गरीएको छ । नेपाल सम्बत ११४२ को अवसरमा यो कार्यक्रम गरिएको हो । नयाँ वर्षको शुभकामना सहित नेपाल सम्बतलाई चलन चल्तीको रुपमा सुरु गर्नु पर्ने भन्दै गुठीले र्याली सहितको कार्यक्रम गरेको हो । ज्याक्सन हाईट्सको डाइभर्सिटी प्लाजाबाट सुरु भएको र्यालीले विभिन्न बाजागाजा र नाचगान सहित नगर परिक्रमा गरेको हो । र्यालीमा न्हुँ दया भिन्तुना अर्थात नयाँ वर्षको शुभकामना आदान प्रदान गरिएको थियो । कार्यक्रममा नेपाल सरकारका प्रतिनिधि कन्सुलर गणेश प्रसाद अधिकारीको विशेष उपस्थिति रहेको थियो भने न्यूयोर्कमा रहेका नेवार समुदायका अनुवाका साथै विभिन्न संघसंस्थाका प्रतिनिधिहरुको सहभागिता रहेको थियो ।

नेपाल आदिवासी जनजाति महासंघ अमेरिकाको महाधिवेशन डिसेम्बरमा

न्यूयोर्क । नेपाल आदिवासी जनजाति महासंघ अमेरिका (फिप्ना) को आठौं राष्ट्रिय महाधिवेशन आउँदो डिसेम्बर १९ मा हुने भएको छ । अमेरिकाको न्यूयोर्कमा हुने महाधिवेशनका लागि फिप्नाले विभिन्न समिति पनि गठन गरेको छ । महासंघले सल्लाहकार डन्डु ढोक्प्यालाई महाधिवेशनका लागि प्रमुख निर्वाचन आयुक्त चयन गरेको छ भने पूर्व महासचिव दिपेश खाम्बेक लिम्बु र नेपाल अमेरिका पत्रकार संघ (नेजा) की उपाध्यक्ष मच्छे देवी गुरुङलाई आयुक्त चयन गरेको छ ।

नेवा: गुठी न्यूयोर्कको अध्यक्षमा विजयमान

न्यूयोर्क । नेवा: गुठी न्यूयोर्कको आठौं महाधिवेशनले विजयमान सिंहलाई अध्यक्षमा निर्वाचित गरेको छ । शनिवार न्यूयोर्कको क्वीन्स, ज्याक्सनहाईटस्मा सम्पन्न भएको आठौं महाधिवेशनले सिंहको नेतृत्वमा १५ सदस्यीय नयाँ कार्यसमिति चयन गरेको हो ।