विश्व

काे हुन् बलात्कारी बाबा ? जसलाई १० वर्ष जेल सजाय सुनाइयाे

भारत, १३ भदौ । अदालतबाट बलात्कार अभियोग प्रमाणित भएका भारतीय धर्मगुरु गुरमित राम रहिमलाई अदालतले १० वर्षको जेल सजाय सुनाएको छ । हरियाणा राज्यको रोहतक शहरमा रहेको जेलमै भारतीय अनुसन्धान निकाय सीबीआईको विशेष अदालतले उनीविरुद्ध सजाय सुनाएको हो । 
गत शुक्रबार सीबीआईको विशेष अदालतले सन् २००२ मा गुरमित राम रहिम सिंहले महिला भक्तहरुलाई बलात्कार गरेको अभियोगमा दोषी प्रमाणित गरेको थियो । अदालतको फैसलापछि उत्तरी भारतका हरियाणा र पन्जाब राज्यमा कफ्र्यु जारी गरिएको छ भने राजधानी दिल्लीमा उच्च सुरक्षा सतर्कता अपनाइएको छ । 
फैसलापछि उनका अनुयायीहरुले हरियाणाको सिसरा शहरमा एक कारमा आगजनी गरेका छन् । यसअघि गत शुक्रबार उनलाई अदालतले बलात्कारमा दोषी बताएपछि उनका भक्तहरुले हिंसा मच्चाउँदा ३८ जनाको ज्यान गएको थियो ।
अदालतले उनलाई दुई महिलालाई बलात्कार गरेको ठहर गर्दै १०–१० वर्ष जेल र १५–१५ लाख भारु जरिवाना गर्ने फैसला गरेको हो। रहिमलाई अहिले रोथकको जिल्ला कारगारमा राखिएको छ। प्रशासनले जेलको सुरक्षाका लागि तीन घेरामा सुरक्षाकर्मी परिचालन गरेको छ।

को हुन् धर्मगुरु रहिम ? 

५० वर्षिय रहिम राजस्थानको गंगानगरमा जन्मिएका थिए। गाउँकै स्कुलबाट उनले माध्यामिक तहको शिक्षा पूरा गरे। उनको घरमा पत्नी तीन छोरी र एक छोरा छन्।

२३ वर्षको उमेरमा उनी देरा सच्चा सौदाको प्रमुख भएका थिए। ‘गैरनाफामुखी सामाजिक कल्याण र आध्यामिक संस्था’ भनिने देरा सच्चा सौदाका संसार भरि ४६ वटा केन्द्र छन् भने करिब छ करोड मानिस यसका अनुयायी छन्। सन् १९४८ मा शाह मस्तानाले यसको स्थापना गरेका थिए।

रहिम १९९० मा यसको प्रमुख भएका थिए।  त्यसपछि संस्था र उनी बेलाबेलामा विवादमा आइरहन्थे।

सन् २००२ मा भारतको संघीय प्रहरीले रहिममाथि बलात्कार र हत्या आरोपमा छानबिन थालेको थियो।

‘रक स्टार बाबा’ नामले समेत चिचिने रहिम गीत गाउने, कन्सर्ट गर्ने, म्युजिक भिडियो र फिल्म समेत खेल्ने गर्थे।

सन् २००७ मा शिख गुरु गोविन्द सिंहको भेषमा एक विज्ञापनको भिडियोमा देखिएपछि उनको आलोचना भएको थियो। २०१५मा उनी एक भिडियोमा हिन्दू भगवान बिष्णुको अवतारमा देखिएपछि उनीविरुद्ध उजुरी परेको थियो। यो अवधिमा उनी दर्जनभन्दा बढी आरोपमा मुछिएका छन्।

उनको वेवसाइटमा आध्यात्मिक गुरु, समाजसेवी, गायक र खेलाडीका रूपमा परिचय दिइएको छ।

ठूलो मात्रामा समर्थक रहेका उनको देरा सच्चा सौदा सत्तारुढ भारतीय जनता पार्टी र प्रतीपक्षी कांग्रेस आईले समेत सहयोग गर्दै आएका छन्।

उस्तै उस्तै खबरहरु

  • अमेरिकामा नाङ्गाे व्यक्तिद्वारा अन्धाधुन्ध गोली प्रहार, चारको मृत्यु

    अमेरिकामा नाङ्गाे व्यक्तिद्वारा अन्धाधुन्ध गोली प्रहार, चारको मृत्यु अमेरिका, १० बैशाख । अमेरिकाको दक्षिणी राज्य टेनिसीको वाफल हाउसमा आइतबार एकजना नग्न रूपमा आएको बन्दुकधारीले रेष्टुरेन्टबाहिर पार्किङस्थलमा उभिइरहेका केही व्यक्तिमाथि आक्रमण गर्दा चार जनाको मृत्यु भएको छ।

  • लाइभ रिपोर्टिङकै क्रममा पत्रकारको हत्या

    लाइभ रिपोर्टिङकै क्रममा पत्रकारको हत्या एजेन्सी, १० बैशाख । सरकारविरुद्ध हुँदै आएको प्रदर्शनका क्रममा निकारागुवामा एक पत्रकारको हत्या भएको छ। स्थानीय पत्रकार तथा एल मेरिदिआनो कार्यक्रमका निर्देशक एन्जेल गहोनाको हत्या भएको हो। उनी फेसबुकमा प्रत्यक्ष (लाइभ) रिपोर्टिङ गरिरहेकै बेला उनकाे गोली हानी हत्या

  • राष्ट्रसंघको आपतकालीन बैठक, रुसकाे प्रयास विफल

    राष्ट्रसंघको आपतकालीन बैठक, रुसकाे प्रयास विफल एजेन्सी, २ बैशाख । सिरियाविरुद्ध अमेरिका, बेलायत र फ्रान्सको मिसाइल आक्रमणको भर्त्सनाका लागि समर्थन जुटाउने रुसले गरेको प्रयास विफल भएको छ। सिरियामाथि यी तीन राष्ट्रले गरेको आक्रमणलाई रुसले गुण्डागर्दीको संज्ञा दिंदै यसको विरोधमा सुरक्षा परिषदको

  • अमेरिकी नेतृत्वमा सिरियामा सैन्य आक्रमण

    अमेरिकी नेतृत्वमा सिरियामा सैन्य आक्रमण काठमाडौं, २ बैशाख । अमेरिका, बेलायत र फ्रान्सको सेनाले सिरियामा क्षेप्यास्त्र आक्रमण गरेका छन् । गत साता सिरियाको पूर्वी गुटामा गरिएको सन्दिग्ध रासायनिक हमलाको जवाफस्वरूप अमेरिकी नेतृत्वले शनिबार बिहानदेखि सिरियाविरुद्ध आक्रमण गरेको हो ।

  • अमेरिकालाई रुसी चेतावनी, 'सिरियामा आक्रमण गरे युद्ध'

    अमेरिकालाई रुसी चेतावनी, 'सिरियामा आक्रमण गरे युद्ध' एजेन्सी, ३० चैत । रुसले सिरियाको अवस्थालाई लिएर अमेरिकासँग युद्ध हुनसक्ने चेतावनी दिएको छ। संयुक्त राष्ट्रसंघका लागि रुसी राजदूत बेसिली नेभेन्जियाले अमेरिकाले सिरियामा आक्रमण गरेमा अमेरिका र रुसीबीच युद्धको वातावरण बन्ने बताएका हुन्।

  • फेसबुक स्क्याण्डलबाट झन्डै ९ करोड प्रयोगकर्ता प्रभावित !

    फेसबुक स्क्याण्डलबाट झन्डै ९ करोड प्रयोगकर्ता प्रभावित ! एजेन्सी, २३ चैत । सामाजिक सञ्जाल फेसबुकले राजनीतिक सल्लाह दिने कम्पनी क्याम्ब्रिज एनालिटिकाका साथ गलत ढंगबाट ८.७ करोड प्रयोगकर्ताको जानकारीहरु उपलब्ध गराइएको स्वीकार गरेको छ । जसमध्ये ११ लाख नागरिक ब्रिटेनका रहेका छन् ।