विश्व

तालिवानविरुद्धको कारबाहीमा १७ जना मारिए

अफगानिस्तान । उत्तरी अफगानिस्तानका विभिन्न क्षेत्रमा त्यहाँको सेना र प्रहरीले गरेको संयुक्त कारबाहीमा १७ जनाको ज्यान गएको छ । अफगानिस्तानको सेना र प्रहरीले संयुक्त रुपमा सुरु गरेको सो कारबाहीका क्रममा मारिने व्यक्तिको सङ्ख्या शनिबार अपराह्नसम्ममा १७ पुगेको त्यहाँका सुरक्षा अधिकारीहरुले जनाएका हुन् ।

गृहमन्त्रालयले तालिवान सशस्त्र विद्रोहीविरुद्ध अफगान सैनिक र प्रहरीले संयुक्तरुपमा गरेको कारबाहीमा परी १७ जना तालिवान लडाकू मारिएको जनाएको छ । अफगान गृह मन्त्रालयद्वारा शनिबार प्रकाशित विज्ञप्तिमा उत्तरी अफगानिस्ताका केही भूभागमा तालिवानहरुको बाक्लो उपस्थिति भएको जानकारीका आधारमा कारबाही गरिएको जनाइएको छ । उक्त विज्ञप्तिमा अफगानिस्तानको विभिन्न प्रान्तमा जारी कारबाहीको क्रममा ती आतङ्ककारी मारिएका बताइएको छ । हेरात प्रान्तमा पछिल्लो समयमा अफगान सेनाले संयुक्त कारबाही सुरु गरेको छ । सन् २०१४ को अन्त्यबाट नेटो सेनाले अफगानिस्तानबाट बिदा लिएको छ ।

अफगानिस्तानमा जारी तालिवानको द्वन्द्वमा अफगान सुरक्षाबलले नै कारबाही गर्दै आएको छ । यस कारबाहीको क्रम सरकारी सुरक्षाबलतर्फ कुनै हताहतीको समाचार भने नभएको जनाइएको छ । सुरक्षाबलले यस कारबाहीको क्रममा भारी मात्रामा हताहतियारसमेत बरामद गरेको बताइएको छ । अफगानिस्तानबाट नेटो सैनिक फिर्ता भएपछि पनि हिंसा रोकिएको छैन । पछिल्लो समयमा अफगान सैनिक र सर्वसाधारण नागरिकमाथि नै आक्रमणका घटनामा वृद्धि भएको छ ।

उस्तै उस्तै खबरहरु

  • अमेरिकामा नाङ्गाे व्यक्तिद्वारा अन्धाधुन्ध गोली प्रहार, चारको मृत्यु

    अमेरिकामा नाङ्गाे व्यक्तिद्वारा अन्धाधुन्ध गोली प्रहार, चारको मृत्यु अमेरिका, १० बैशाख । अमेरिकाको दक्षिणी राज्य टेनिसीको वाफल हाउसमा आइतबार एकजना नग्न रूपमा आएको बन्दुकधारीले रेष्टुरेन्टबाहिर पार्किङस्थलमा उभिइरहेका केही व्यक्तिमाथि आक्रमण गर्दा चार जनाको मृत्यु भएको छ।

  • लाइभ रिपोर्टिङकै क्रममा पत्रकारको हत्या

    लाइभ रिपोर्टिङकै क्रममा पत्रकारको हत्या एजेन्सी, १० बैशाख । सरकारविरुद्ध हुँदै आएको प्रदर्शनका क्रममा निकारागुवामा एक पत्रकारको हत्या भएको छ। स्थानीय पत्रकार तथा एल मेरिदिआनो कार्यक्रमका निर्देशक एन्जेल गहोनाको हत्या भएको हो। उनी फेसबुकमा प्रत्यक्ष (लाइभ) रिपोर्टिङ गरिरहेकै बेला उनकाे गोली हानी हत्या

  • राष्ट्रसंघको आपतकालीन बैठक, रुसकाे प्रयास विफल

    राष्ट्रसंघको आपतकालीन बैठक, रुसकाे प्रयास विफल एजेन्सी, २ बैशाख । सिरियाविरुद्ध अमेरिका, बेलायत र फ्रान्सको मिसाइल आक्रमणको भर्त्सनाका लागि समर्थन जुटाउने रुसले गरेको प्रयास विफल भएको छ। सिरियामाथि यी तीन राष्ट्रले गरेको आक्रमणलाई रुसले गुण्डागर्दीको संज्ञा दिंदै यसको विरोधमा सुरक्षा परिषदको

  • अमेरिकी नेतृत्वमा सिरियामा सैन्य आक्रमण

    अमेरिकी नेतृत्वमा सिरियामा सैन्य आक्रमण काठमाडौं, २ बैशाख । अमेरिका, बेलायत र फ्रान्सको सेनाले सिरियामा क्षेप्यास्त्र आक्रमण गरेका छन् । गत साता सिरियाको पूर्वी गुटामा गरिएको सन्दिग्ध रासायनिक हमलाको जवाफस्वरूप अमेरिकी नेतृत्वले शनिबार बिहानदेखि सिरियाविरुद्ध आक्रमण गरेको हो ।

  • अमेरिकालाई रुसी चेतावनी, 'सिरियामा आक्रमण गरे युद्ध'

    अमेरिकालाई रुसी चेतावनी, 'सिरियामा आक्रमण गरे युद्ध' एजेन्सी, ३० चैत । रुसले सिरियाको अवस्थालाई लिएर अमेरिकासँग युद्ध हुनसक्ने चेतावनी दिएको छ। संयुक्त राष्ट्रसंघका लागि रुसी राजदूत बेसिली नेभेन्जियाले अमेरिकाले सिरियामा आक्रमण गरेमा अमेरिका र रुसीबीच युद्धको वातावरण बन्ने बताएका हुन्।

  • फेसबुक स्क्याण्डलबाट झन्डै ९ करोड प्रयोगकर्ता प्रभावित !

    फेसबुक स्क्याण्डलबाट झन्डै ९ करोड प्रयोगकर्ता प्रभावित ! एजेन्सी, २३ चैत । सामाजिक सञ्जाल फेसबुकले राजनीतिक सल्लाह दिने कम्पनी क्याम्ब्रिज एनालिटिकाका साथ गलत ढंगबाट ८.७ करोड प्रयोगकर्ताको जानकारीहरु उपलब्ध गराइएको स्वीकार गरेको छ । जसमध्ये ११ लाख नागरिक ब्रिटेनका रहेका छन् ।