विश्व

अमेरिकी दबाबपछि यमनमा युद्धविराम सुरु

यमन (एजेन्सी)- यमनमा साउदी अरब नेतृत्वको गठबन्धनले इरानद्वारा समर्थन प्राप्त हुठी विद्रोहीविरुद्ध सञ्चालन गरेको सैनिक कारबाही शनिबारदेखि रोकिएको छ । अमेरिकी मध्यस्थतामा ल्याइएको युद्धविराम प्रस्तावअनुसार यसअघि यमनी सरकार युद्धविराम गर्न असहमत देखिए पनि विश्वव्यापी दबाबका कारणपछि यसप्रति सकारात्मक बन्दै शनिबार दिउँसो १२ बजेदेखि लागू हुने गरी युद्धविराम सुरु भएको दुवै पक्षले जनाएका छन् ।

अमेरिकी पहलमा अघि सारिएको युद्धविराम प्रस्तावलाई यमनी सरकारले सत्ताधारी समूहको आधिकारिकतालाई बेवास्ता गरेको जनाउँदै अस्वीकार गरेको थियो । हाल सम्झौता भई स्थायी कार्यान्वयनमा ल्याउन अमेरिकी विदेशमन्त्री मध्यपूर्वी देशको नेतृत्वसँग छलफल गरिरहेको बताइएको छ ।

यस पहिले केरीले ओमनमा विद्रोहीसँग कुराकानी गरिसकेपछि उक्त प्रस्तावलाई अघि सारेका थिए ।यमन युद्धविरामको घोषणा गतवर्षदेखि यमनको सरकारलाई सैन्य सहयोग दिँदै आएको गठबन्धन नेतृत्वले गरेको छ ।

युद्धविराम तत्काल ४८ घन्टाका लागि गरिएको भए पनि यदि विद्रोहीले आफ्नो नियन्त्रणमा रहेको भूमिमा खाद्यान्न, औषधिलगायतका आधारभूत सामग्रीाई आपूर्तिमा रोक नलगाए लम्बिन सक्ने गठबन्धन नेतृत्वले जारी गरेको विज्ञप्तिमा जनाइएको साउदी प्रेस एजेन्सीले जनाएको छ ।

“ओमनको मस्कटमा भएको सहमतिअनुसार हामी आफ्नो समूहबाट युद्धविरामका लागि गरेको प्रबिद्धतालाई यदि अर्को पक्ष (सरकार)ले पालना गरमा कार्यान्वयनमा लग्न तयार छौँ” – हुठी विद्रोहीका ब्रिगेडियर जनरल शरफ लकमानले भने ।

यसअघि युद्धविरामका लागि गरिएका छपटकका प्रयासमा राष्ट्रपति अवेद्रेब्वो मन्सुर हाडीले संयुक्त राष्ट्रसङ्घद्वारा ल्याइएको विद्रोही सम्मिलित संयुक्त सरकार बनाउने प्रस्तावलाई यमनको हितमा नभएको जनाउँदै अस्वीकार गरेका थिए । हाडीले संयुक्त सरकार बनाउँदा आफ्ना वैधतामाथि बेवास्ता गरिएको महसुस गर्दै अघिल्ला प्रस्तावलाई अस्वीकार गर्दै आएका थिए । यमनमा द्वन्द्व सुरु भएयता करिब २० महिनाको समयमा सात हजार नागरिकको मृत्यु भएको छ भने करिब ३७ हजार मानिस घाइते भएका छन् । 
५ मंसिर २०७३ ।

उस्तै उस्तै खबरहरु

  • अमेरिकामा नाङ्गाे व्यक्तिद्वारा अन्धाधुन्ध गोली प्रहार, चारको मृत्यु

    अमेरिकामा नाङ्गाे व्यक्तिद्वारा अन्धाधुन्ध गोली प्रहार, चारको मृत्यु अमेरिका, १० बैशाख । अमेरिकाको दक्षिणी राज्य टेनिसीको वाफल हाउसमा आइतबार एकजना नग्न रूपमा आएको बन्दुकधारीले रेष्टुरेन्टबाहिर पार्किङस्थलमा उभिइरहेका केही व्यक्तिमाथि आक्रमण गर्दा चार जनाको मृत्यु भएको छ।

  • लाइभ रिपोर्टिङकै क्रममा पत्रकारको हत्या

    लाइभ रिपोर्टिङकै क्रममा पत्रकारको हत्या एजेन्सी, १० बैशाख । सरकारविरुद्ध हुँदै आएको प्रदर्शनका क्रममा निकारागुवामा एक पत्रकारको हत्या भएको छ। स्थानीय पत्रकार तथा एल मेरिदिआनो कार्यक्रमका निर्देशक एन्जेल गहोनाको हत्या भएको हो। उनी फेसबुकमा प्रत्यक्ष (लाइभ) रिपोर्टिङ गरिरहेकै बेला उनकाे गोली हानी हत्या

  • राष्ट्रसंघको आपतकालीन बैठक, रुसकाे प्रयास विफल

    राष्ट्रसंघको आपतकालीन बैठक, रुसकाे प्रयास विफल एजेन्सी, २ बैशाख । सिरियाविरुद्ध अमेरिका, बेलायत र फ्रान्सको मिसाइल आक्रमणको भर्त्सनाका लागि समर्थन जुटाउने रुसले गरेको प्रयास विफल भएको छ। सिरियामाथि यी तीन राष्ट्रले गरेको आक्रमणलाई रुसले गुण्डागर्दीको संज्ञा दिंदै यसको विरोधमा सुरक्षा परिषदको

  • अमेरिकी नेतृत्वमा सिरियामा सैन्य आक्रमण

    अमेरिकी नेतृत्वमा सिरियामा सैन्य आक्रमण काठमाडौं, २ बैशाख । अमेरिका, बेलायत र फ्रान्सको सेनाले सिरियामा क्षेप्यास्त्र आक्रमण गरेका छन् । गत साता सिरियाको पूर्वी गुटामा गरिएको सन्दिग्ध रासायनिक हमलाको जवाफस्वरूप अमेरिकी नेतृत्वले शनिबार बिहानदेखि सिरियाविरुद्ध आक्रमण गरेको हो ।

  • अमेरिकालाई रुसी चेतावनी, 'सिरियामा आक्रमण गरे युद्ध'

    अमेरिकालाई रुसी चेतावनी, 'सिरियामा आक्रमण गरे युद्ध' एजेन्सी, ३० चैत । रुसले सिरियाको अवस्थालाई लिएर अमेरिकासँग युद्ध हुनसक्ने चेतावनी दिएको छ। संयुक्त राष्ट्रसंघका लागि रुसी राजदूत बेसिली नेभेन्जियाले अमेरिकाले सिरियामा आक्रमण गरेमा अमेरिका र रुसीबीच युद्धको वातावरण बन्ने बताएका हुन्।

  • फेसबुक स्क्याण्डलबाट झन्डै ९ करोड प्रयोगकर्ता प्रभावित !

    फेसबुक स्क्याण्डलबाट झन्डै ९ करोड प्रयोगकर्ता प्रभावित ! एजेन्सी, २३ चैत । सामाजिक सञ्जाल फेसबुकले राजनीतिक सल्लाह दिने कम्पनी क्याम्ब्रिज एनालिटिकाका साथ गलत ढंगबाट ८.७ करोड प्रयोगकर्ताको जानकारीहरु उपलब्ध गराइएको स्वीकार गरेको छ । जसमध्ये ११ लाख नागरिक ब्रिटेनका रहेका छन् ।