कला-साहित्य

कविता- सम्बोधन

तिमीले खुकुरीको धारमा पाइला टेकेकै ठाउँबाट
म सजिलो बाटो हिँड़िरहेछु
तिमीले सल्काएका क्रान्तिको ज्वाला जलेकै ठाउँमा बसेर
म शीतलता उपभोग गरिरहेछु
तिमीले विद्रोहका शंखनाद गरेकै ठाउँमा उभेर
म प्रेमको राग अलापिरहेछु
तिमीले लगाएका अपूरा सपनाका बालीहरूको सट्टा
म अक्षरहरूमा बेस्मारी रंगिन सपनाहरू सजाइरहेछु
तर अक्षरका लेपहरूले पोत्दैमा
कदापि छोप्न सकिँदैन रहेछन्
नपुंसकताका काला दागहरू
यसर्थ मेरा मनभरीभरी भएका नपुंसक सपनाहरू
छताछुल्ल भएका छन्
विश्व बजारभरी ।

शहीद सबैका निम्ति पूजनीय हुन्छन्
शहीद सबैका निम्ति स्मरणीय हुन्छन्
पूजनीय हुन्छन् र नै शहीद, शहीद हुन्छन्
स्मरणीय हुन्छन् र नै शहीद, शहीद हुन्छन्
निःस्वार्थ भावले हाँसी–हाँसी प्राण उत्सर्ग गर्ने
ती शहीदहरू साँच्चै स्तुति योग्य हुन्छन्
यसर्थ म आज तिम्रो स्तुतिगान गर्न आएको छु
तर कस्तो स्वार्थी छ नि यो हृदय
तिम्रो स्तुति गर्नै मानेको छैन आज
तर कस्तो कपटी छ नि यो मन
तिम्रो जयगान गाउनै मानेको छैन आज ।

पुछ्न चाहेर तिम्रो खूनको रंग यो धरतीबाट
कदापि सकिन्न पुछ्न
लुछ्न चाहेर तिम्रो बलिदानको कथा इतिहासको पानाबाट
कदापि सकिन्न लुछ्न
मेट्न चाहेर तिम्रो जाति प्रेमको गाथा मनको पानाबाट
कदापि सकिन्न मेट्न
तिमीले त नाम लेखाइसकेका छौं इतिहासका पानामा
कहिल्यै नपुछिने गरी
तिमीले त विजय पताका फहराइसकेका छौ दुनियाँमा
कहिल्यै नलत्रिने गरी
तिमीले त लगाइसकेका छौ छाप हृदयमा
कहिल्यै नमेटिने गरी
यसर्थ तिम्रो जयगान नगाई यहाँ कसैलाई
सुख नै छैन
यसर्थ तिम्रो स्तुति नगरी यहाँ कसैलाई
शान्ति नै छैन।

मिलन बान्तावा राई

 

उस्तै उस्तै खबरहरु

  • अन्तर्राष्ट्रिय एकल नाटक महोत्सव सम्पन्न

    अन्तर्राष्ट्रिय एकल नाटक महोत्सव सम्पन्न काठमाडौं, चैत । काठमाडौंको कालिकास्थानस्थित सर्वनाम थिएटरमा मंगलबारबाट शुरु भएको अन्तर्राष्ट्रिय एकल नाटक महोत्सवको विहीबार सम्पन्न भएको छ । महोत्सव अवधिभर विभिन्न देशका फरकफरक प्रस्तुतीका नाटकहरु मञ्चन गरिए ।

  • राष्ट्रिय मुक्तक पुरस्कार प्राज्ञ सरुभक्तलाई

    राष्ट्रिय मुक्तक पुरस्कार प्राज्ञ सरुभक्तलाई काठमाडाैं, चैत । मुक्तक मञ्च पोखराद्वारा सञ्चालित एवं साहित्यकार विष्णु अल्पविरामद्वारा स्थापित राष्ट्रिय मुक्तक पुरस्कार २०७४ बाट प्राज्ञ सरुभक्तलाई सम्मान गरिने भएको छ । मञ्चका सल्लाहकार दीपक समीपको संयोजकत्वमा रुपीन्द्र प्रभावी र सन्जीव पौडेल सदस्य

  • कार्कीकाे कदर, ‘शान्तिदूत पदवी’बाट सम्मान

    कार्कीकाे कदर, ‘शान्तिदूत पदवी’बाट सम्मान काठमाडौं, चैत । विगत लामो समयदेखि थाइल्याण्डमा बसेर नेपाली चलचित्रको विकास र अन्तर्राष्ट्रिय बजार विस्तारमा योगदान पु¥याउँदै आएका समाज सेवी तथा निर्माता कुमार कार्की शान्तिदूत पदवीबाट सम्मानित भएका छन् ।

  • ढल्यो तेस्रो आयामको खम्बा

    ढल्यो तेस्रो आयामको खम्बा काठमाडाैं, २३ फागुन । मुर्धन्य साहित्यकार इन्द्रबहादुर राईको ९० बर्षको उमेरमा मंगलबार अपराह्नन दार्जिलिङस्थित निवासमा निधन भएको छ । तेस्रो आयाम र लीला लेखनजस्ता साहित्कि अभियानका अगुवा राई दुई बर्षदेखि थलिएका थिए ।

  • नेपाली चित्रकलाबारे विदेशमा अध्ययन हुने

    नेपाली चित्रकलाबारे विदेशमा अध्ययन हुने काठमाडौं, पुस । नेपालको चित्रकलाले छुट्टै महत्व बोकेको सरोकार भएकाहरुले बताएका छन् । ललितपुरको सौगलमा स्थापित योङ पिकासो संस्थाद्वारा फिलिपिन्सको दगुपान पाङ्गासिनान, मंगलदान नेशनल हाइस्कुलमा आयोजित चित्रकला प्रदर्शनीमा सहभागी सो स्कुलका प्रधानाध्यापक

  • नोबेल साहित्य पुरस्कार इसिगुरोलाई

    नोबेल साहित्य पुरस्कार इसिगुरोलाई एजेन्सी, २० असोज । जापानी मुलका बेलायती साहित्यकार काजुओ इसिगुरोलाई सन् २०१७ को साहित्यतर्फको नोबेल पुरस्कार दिइने भएको नोबेल पुरस्कार छनौट गर्ने स्वीडिस एकेडेमीले बिहीबार जनाएको छ । पुरस्कार घोषणा गर्ने स्वीडीस एकेडेमीले ती उपन्यासकारको प्रशंसा गर्दै