कला-साहित्य

नेपाली चित्रकलाबारे विदेशमा अध्ययन हुने

काठमाडौं,  पुस । नेपालको चित्रकलाले छुट्टै महत्व बोकेको सरोकार भएकाहरुले बताएका छन् । ललितपुरको सौगलमा स्थापित योङ पिकासो संस्थाद्वारा फिलिपिन्सको दगुपान पाङ्गासिनान, मंगलदान नेशनल हाइस्कुलमा आयोजित चित्रकला प्रदर्शनीमा सहभागी सो स्कुलका प्रधानाध्यापक लियो इ ब्लाकिरले नेपाली चित्रकलाले समुदायलाई आकर्षण गर्नसक्ने विश्वास व्यक्त गर्नुभयो । 
मंगलबारदेखि शुरु भएको प्रदर्शनीको अन्तिम दिन शुक्रबार उहाँले आफ्ना विद्यार्थीलाई समेत नेपालको चित्रकला विषय अध्ययन गराउन पहल गरिने आश्वासन दिनुभयो । प्रदर्शनीमा राखिएका चित्रले नेपालका हिमाली क्षेत्रलगायत मानिसको जनजीवनलाई उतारेको उहाँको भनाइ थियो । सो स्कुलमा अध्ययन गरिरहेका सात हजार ५०० विद्यार्थीमध्ये चित्रकलामा रुचि राख्ने विद्यार्थीलाई नेपाली चित्रकलासँग जोड्नका लागि आवश्यक पहल गरिने उहाँले बताउनुभयो । 
सञ्चारकर्मी लिवे मानानतान प्यारागिउरीले प्रदर्शनीमा राखिएका नेपालका चित्रले थप चित्रकार उत्पादन गर्नमा हौसला मिल्न सक्ने औँल्याउनुभयो । सुशान भाल्देज यादाओले नेपालको राजधानीलगायत विभिन्न क्षेत्रमा अवस्थित मठमन्दिर तथा चैत्यगुम्बाले अन्तर्राष्ट्रिय क्षेत्रमा देशको नाम राख्न सक्ने उहाँले औँल्याउनुभयो । चित्रकार जेन मेरी ग्रेस किलोपले चित्रले नेपालमा परम्परागत रुपमा मानिँदै आएको संस्कृति र मौलिक पहिचानलाई जोगाउन मद्दत गर्ने विश्वास व्यक्त गर्नुभयो । 
उक्त प्रदर्शनीमा नेपालको संस्कृति, परम्परा, जातजाति, बौद्धधर्म, वेशभूषालगायत झल्कने खालका चित्र राखिएको योङ पिकासोका प्रबन्ध निर्देशक अजय देशारले बताउनुभयो । प्रदर्शनीका लागि उक्त संस्थाको प्रतिनिधित्व गर्दै देशार र चित्रकार किशोर नकर्मी यहाँ आउनुभएको थियो । प्रदर्शनीमा देशार, नकर्मी, विपना महर्जन र सीतु मास्केद्वारा सिर्जना गरिएका चित्र राखिएको थियो । 

उस्तै उस्तै खबरहरु

  • अन्तर्राष्ट्रिय एकल नाटक महोत्सव सम्पन्न

    अन्तर्राष्ट्रिय एकल नाटक महोत्सव सम्पन्न काठमाडौं, चैत । काठमाडौंको कालिकास्थानस्थित सर्वनाम थिएटरमा मंगलबारबाट शुरु भएको अन्तर्राष्ट्रिय एकल नाटक महोत्सवको विहीबार सम्पन्न भएको छ । महोत्सव अवधिभर विभिन्न देशका फरकफरक प्रस्तुतीका नाटकहरु मञ्चन गरिए ।

  • राष्ट्रिय मुक्तक पुरस्कार प्राज्ञ सरुभक्तलाई

    राष्ट्रिय मुक्तक पुरस्कार प्राज्ञ सरुभक्तलाई काठमाडाैं, चैत । मुक्तक मञ्च पोखराद्वारा सञ्चालित एवं साहित्यकार विष्णु अल्पविरामद्वारा स्थापित राष्ट्रिय मुक्तक पुरस्कार २०७४ बाट प्राज्ञ सरुभक्तलाई सम्मान गरिने भएको छ । मञ्चका सल्लाहकार दीपक समीपको संयोजकत्वमा रुपीन्द्र प्रभावी र सन्जीव पौडेल सदस्य

  • कार्कीकाे कदर, ‘शान्तिदूत पदवी’बाट सम्मान

    कार्कीकाे कदर, ‘शान्तिदूत पदवी’बाट सम्मान काठमाडौं, चैत । विगत लामो समयदेखि थाइल्याण्डमा बसेर नेपाली चलचित्रको विकास र अन्तर्राष्ट्रिय बजार विस्तारमा योगदान पु¥याउँदै आएका समाज सेवी तथा निर्माता कुमार कार्की शान्तिदूत पदवीबाट सम्मानित भएका छन् ।

  • ढल्यो तेस्रो आयामको खम्बा

    ढल्यो तेस्रो आयामको खम्बा काठमाडाैं, २३ फागुन । मुर्धन्य साहित्यकार इन्द्रबहादुर राईको ९० बर्षको उमेरमा मंगलबार अपराह्नन दार्जिलिङस्थित निवासमा निधन भएको छ । तेस्रो आयाम र लीला लेखनजस्ता साहित्कि अभियानका अगुवा राई दुई बर्षदेखि थलिएका थिए ।

  • नोबेल साहित्य पुरस्कार इसिगुरोलाई

    नोबेल साहित्य पुरस्कार इसिगुरोलाई एजेन्सी, २० असोज । जापानी मुलका बेलायती साहित्यकार काजुओ इसिगुरोलाई सन् २०१७ को साहित्यतर्फको नोबेल पुरस्कार दिइने भएको नोबेल पुरस्कार छनौट गर्ने स्वीडिस एकेडेमीले बिहीबार जनाएको छ । पुरस्कार घोषणा गर्ने स्वीडीस एकेडेमीले ती उपन्यासकारको प्रशंसा गर्दै

  • तिम्रो प्रसंशा

    तिम्रो प्रसंशा तरंगीत तिम्रा आँखाहरूले मलाई नै हेरे हेरे झै लाग्यो विशाल यो नगरमा तिमीले मलाई नै रोजे रोजे झैं लाग्यो । भावनामा डुबेर तिमीले मलाई पछ्याउँदै पछ्याउँदै आयौ मायाको भूमरिमा पारि तिमीले मलाई बेचैनी बेचैनी बनाई दियौ ।