कला-साहित्य

कविता संग्रह भविष्यवाणी प्रकाशित

काठमाडौं, असार । ड्रिम्स म्यागेजिनले आयोजना गरेको भविष्यवाणी अन्तर्राष्ट्रिय कविता प्रतियोगिताका उत्कृष्ट २० कविताहरु समावेश गरी पुस्तक ‘भविष्यवाणी’ प्रकाशित भएको छ । वल्र्ड वारियर्स र नेपाल लिट्रेचर फेष्टिबलको संयुक्त प्रयासले भविष्यवाणी अन्तर्राष्ट्रिय कविता प्रतियोगिताका कविताहरुले पुस्तकको रुप पाएको हो ।

विकल्प आर्ट सेन्टरमा शनिबार एक कार्यक्रमकाबीच कविता प्रतियोगिताको निर्णाक मण्डमा रहेका प्रशिद्ध कवि विप्लव प्रतीक, नेत्र एटम तथा स्नेश सायमीले भविष्यावाणीको पुस्तक विमोचन गर्नुभएको हो । ड्रिम टिमकी सदस्य तथा गायिका आयशा राई गुरुले गीतबाट कार्यक्रमको शुरुवात गरेकी थिइन् ।

ड्रिम्स म्यागजिनले गत २०७२ साल बैशाख १२ को विनाशकारी भूकम्पले निम्त्याएको विपतले देश थलिएका बेला सुन्दर भविष्य अझैं बाँकी छ भन्दै भोलिका कविता आज लेख्न आह्वान गरेको थियो । उक्त प्रतियोगितामा देश तथा विदेशबाट करिब २ सय कविता समावेश भएका थिए । समावेश कविता मध्ये उत्कृष्ट २० कवितालाई भविष्यवाणी पुस्तकमा स्थान दिएको छ ।

उत्कृष्ट २० मध्येपनि  ‘जुग फेरिने दिन’ कविताले सवोत्कृष्ट पुरस्कार प्राप्त गरेको थियो । जसका लागि कवयित्री गरिमा रानाले नगद ५०,००० पुरस्कार सहित प्रमाणपत्र प्राप्त गरेकी थिइन् ।  त्यसैगरी, ‘म ज्याकरान्डाको फूल’ कविताका लागि कवि लक्ष्मण श्रेष्ठले दोस्रो स्थान प्राप्त गर्दै नगद २५,००० र ‘भविष्यवाणी’ कविताबाट कवि रामनाथ खनालले तस्रो स्थान हात पार्दै नगद १०,००० पुरस्कार प्राप्त गरेका थिए ।

ड्रिम्स म्यागेजिनका संस्थापक ओजेश सिंहले कविता प्रतियोगिताको अर्को श्रृंखला पनि छिट्टै नै गरिने जानकारी दिनुभयो । यद्यपि अर्को श्रृंखलाको थिम र विषयबारे भने अहिले नै केही जानकारी दिइएको छैन ।

उस्तै उस्तै खबरहरु

  • अन्तर्राष्ट्रिय एकल नाटक महोत्सव सम्पन्न

    अन्तर्राष्ट्रिय एकल नाटक महोत्सव सम्पन्न काठमाडौं, चैत । काठमाडौंको कालिकास्थानस्थित सर्वनाम थिएटरमा मंगलबारबाट शुरु भएको अन्तर्राष्ट्रिय एकल नाटक महोत्सवको विहीबार सम्पन्न भएको छ । महोत्सव अवधिभर विभिन्न देशका फरकफरक प्रस्तुतीका नाटकहरु मञ्चन गरिए ।

  • राष्ट्रिय मुक्तक पुरस्कार प्राज्ञ सरुभक्तलाई

    राष्ट्रिय मुक्तक पुरस्कार प्राज्ञ सरुभक्तलाई काठमाडाैं, चैत । मुक्तक मञ्च पोखराद्वारा सञ्चालित एवं साहित्यकार विष्णु अल्पविरामद्वारा स्थापित राष्ट्रिय मुक्तक पुरस्कार २०७४ बाट प्राज्ञ सरुभक्तलाई सम्मान गरिने भएको छ । मञ्चका सल्लाहकार दीपक समीपको संयोजकत्वमा रुपीन्द्र प्रभावी र सन्जीव पौडेल सदस्य

  • कार्कीकाे कदर, ‘शान्तिदूत पदवी’बाट सम्मान

    कार्कीकाे कदर, ‘शान्तिदूत पदवी’बाट सम्मान काठमाडौं, चैत । विगत लामो समयदेखि थाइल्याण्डमा बसेर नेपाली चलचित्रको विकास र अन्तर्राष्ट्रिय बजार विस्तारमा योगदान पु¥याउँदै आएका समाज सेवी तथा निर्माता कुमार कार्की शान्तिदूत पदवीबाट सम्मानित भएका छन् ।

  • ढल्यो तेस्रो आयामको खम्बा

    ढल्यो तेस्रो आयामको खम्बा काठमाडाैं, २३ फागुन । मुर्धन्य साहित्यकार इन्द्रबहादुर राईको ९० बर्षको उमेरमा मंगलबार अपराह्नन दार्जिलिङस्थित निवासमा निधन भएको छ । तेस्रो आयाम र लीला लेखनजस्ता साहित्कि अभियानका अगुवा राई दुई बर्षदेखि थलिएका थिए ।

  • नेपाली चित्रकलाबारे विदेशमा अध्ययन हुने

    नेपाली चित्रकलाबारे विदेशमा अध्ययन हुने काठमाडौं, पुस । नेपालको चित्रकलाले छुट्टै महत्व बोकेको सरोकार भएकाहरुले बताएका छन् । ललितपुरको सौगलमा स्थापित योङ पिकासो संस्थाद्वारा फिलिपिन्सको दगुपान पाङ्गासिनान, मंगलदान नेशनल हाइस्कुलमा आयोजित चित्रकला प्रदर्शनीमा सहभागी सो स्कुलका प्रधानाध्यापक

  • नोबेल साहित्य पुरस्कार इसिगुरोलाई

    नोबेल साहित्य पुरस्कार इसिगुरोलाई एजेन्सी, २० असोज । जापानी मुलका बेलायती साहित्यकार काजुओ इसिगुरोलाई सन् २०१७ को साहित्यतर्फको नोबेल पुरस्कार दिइने भएको नोबेल पुरस्कार छनौट गर्ने स्वीडिस एकेडेमीले बिहीबार जनाएको छ । पुरस्कार घोषणा गर्ने स्वीडीस एकेडेमीले ती उपन्यासकारको प्रशंसा गर्दै