कला-साहित्य

सनीले खोलिन सफल दाम्पत्य जीवनको राज

मुम्बई । पछिल्लो समय बलिउडमा केही सेलिब्रेटीको सफल दाम्पत्य जीवनको कथा व्यथाले प्राथमिकता पाउन थालेको छ । यसै वर्ष फरहान अख्तर–अधुना भबानी र अरबाज खान–मलाइका अरोरा खानलगायत केही बलिउड सेलिब्रेटीको आपसी सम्बन्ध तोडेपछि सफल दाम्पत्य जीवनका विषयमा चर्चा भएको हो ।
यसैबीच चर्चित अभिनेत्री सनी लियोनले समेत आफ्नो सफल दाम्पत्य जीवनको विषयमा राज खोलेकी छन् । डेनियल वेबरसँग सन् २००९ जनवरीमा विवाह बन्धनमा बाँधिएकी अभिनेत्री सनी लियोनले भने आफ्नो सफल दाम्पत्य जीवनबारे ‘विश्वास र सम्झौता’ नै प्रमुख भएको बताएकी छन् । उनले भनेकी छन्– ‘ह्याप्पी वाईफ, ह्याप्पी लाईफ’ को ओकालत गर्छु ।’ यही विषयमा सनीले जोड दिँदै भनिन्, ‘राम्रो र लामो समयसम्म दाम्पत्य जीवन टिकिरहन सम्झौता अति जरुरी छ । सम्झौता सबैभन्दा ठूलो आवश्यकता हो किनकि, हरेक कुरामा सहमत हुन बाध्य हुनुपर्दैन । यसले सम्बन्धलाई बलियो बनाउँन मद्दत पुग्छ ।’

सनीले सन् २०१२ मा कामुक थ्रिलर फिल्म ‘जिस्म–२’ मार्फत बलिउडमा अभिनय करिअर शुरुआत गरेकी थिइन् । त्यसअघिसम्म उनी पोर्न स्टारका रुपमा चर्चित थिइन् । सनीले पछिल्लो शाहरुख खान अभिनीत ‘रईस’को एक गीतमा अभिनय गरेकी छन् । यो सन् १९८० को हिट गीत ‘लैला ओ लैला’ को नयाँ रूप हो । यसको मुख्य गीतमा फिरोज खान र जीनत अमानले अभिनय गरेका छन् । सनी भन्छिन्, ‘शाहरुखका साथ काम गर्ने मेरो सपना पूरा भएको छ ।’ उनले आफ्नो ठूलो सपना पूरा भएको बताउँदै भेनकी छन्, ‘म यसबाट एकदमै उत्साहित छु ।’ सनीले शाहरुखसँग काम गर्दा रामाइलो भएको पनि बताइन् ।

उस्तै उस्तै खबरहरु

  • अन्तर्राष्ट्रिय एकल नाटक महोत्सव सम्पन्न

    अन्तर्राष्ट्रिय एकल नाटक महोत्सव सम्पन्न काठमाडौं, चैत । काठमाडौंको कालिकास्थानस्थित सर्वनाम थिएटरमा मंगलबारबाट शुरु भएको अन्तर्राष्ट्रिय एकल नाटक महोत्सवको विहीबार सम्पन्न भएको छ । महोत्सव अवधिभर विभिन्न देशका फरकफरक प्रस्तुतीका नाटकहरु मञ्चन गरिए ।

  • राष्ट्रिय मुक्तक पुरस्कार प्राज्ञ सरुभक्तलाई

    राष्ट्रिय मुक्तक पुरस्कार प्राज्ञ सरुभक्तलाई काठमाडाैं, चैत । मुक्तक मञ्च पोखराद्वारा सञ्चालित एवं साहित्यकार विष्णु अल्पविरामद्वारा स्थापित राष्ट्रिय मुक्तक पुरस्कार २०७४ बाट प्राज्ञ सरुभक्तलाई सम्मान गरिने भएको छ । मञ्चका सल्लाहकार दीपक समीपको संयोजकत्वमा रुपीन्द्र प्रभावी र सन्जीव पौडेल सदस्य

  • कार्कीकाे कदर, ‘शान्तिदूत पदवी’बाट सम्मान

    कार्कीकाे कदर, ‘शान्तिदूत पदवी’बाट सम्मान काठमाडौं, चैत । विगत लामो समयदेखि थाइल्याण्डमा बसेर नेपाली चलचित्रको विकास र अन्तर्राष्ट्रिय बजार विस्तारमा योगदान पु¥याउँदै आएका समाज सेवी तथा निर्माता कुमार कार्की शान्तिदूत पदवीबाट सम्मानित भएका छन् ।

  • ढल्यो तेस्रो आयामको खम्बा

    ढल्यो तेस्रो आयामको खम्बा काठमाडाैं, २३ फागुन । मुर्धन्य साहित्यकार इन्द्रबहादुर राईको ९० बर्षको उमेरमा मंगलबार अपराह्नन दार्जिलिङस्थित निवासमा निधन भएको छ । तेस्रो आयाम र लीला लेखनजस्ता साहित्कि अभियानका अगुवा राई दुई बर्षदेखि थलिएका थिए ।

  • नेपाली चित्रकलाबारे विदेशमा अध्ययन हुने

    नेपाली चित्रकलाबारे विदेशमा अध्ययन हुने काठमाडौं, पुस । नेपालको चित्रकलाले छुट्टै महत्व बोकेको सरोकार भएकाहरुले बताएका छन् । ललितपुरको सौगलमा स्थापित योङ पिकासो संस्थाद्वारा फिलिपिन्सको दगुपान पाङ्गासिनान, मंगलदान नेशनल हाइस्कुलमा आयोजित चित्रकला प्रदर्शनीमा सहभागी सो स्कुलका प्रधानाध्यापक

  • नोबेल साहित्य पुरस्कार इसिगुरोलाई

    नोबेल साहित्य पुरस्कार इसिगुरोलाई एजेन्सी, २० असोज । जापानी मुलका बेलायती साहित्यकार काजुओ इसिगुरोलाई सन् २०१७ को साहित्यतर्फको नोबेल पुरस्कार दिइने भएको नोबेल पुरस्कार छनौट गर्ने स्वीडिस एकेडेमीले बिहीबार जनाएको छ । पुरस्कार घोषणा गर्ने स्वीडीस एकेडेमीले ती उपन्यासकारको प्रशंसा गर्दै