कला-साहित्य

आह्वान विदेशीएका लाई

बिगारे देश नेताले भन्छौ विदेशमा बसेर,
सपार्ने देश काम नै तिम्ले गरेका के छौ र ?
चिन्ता भए देशको फर्केर नेताको कान समाऊ,
त्यो तिम्रो बाहुबलले साहु देशको धपाऊ ।१।

विदेशमा बस्छौ, भएन भन्छौ देशको बिकास,
फर्केर कोहि आएनौ देशमा दिनलाई निकाश ।
देशका सपुत नबन कपुत अब हात उठाऊ ?
त्यो तिम्रो बाहुबलले साहु देशको धपाऊ ।२।

नेतालाई गाली गरेर तिमी चोखिन पाउँदैनौ,
देशका सन्तान के भन्छौ जब देशमा आउदैनौ ?
कर्णधार देशका त्यो मनमा अब उत्साह जगाऊ,
त्यो तिम्रो बाहुबलले साहु देशको धपाउ ।३।

ति नेता काईते, जनता घाईते, देश मृत्यु शैयामा,
खर्चियौ श्रम, पसिना धन, विदेशी पैसामा ।
निरासा मनको, नेपाली जनको लौ आशा जगाऊ,
त्यो तिम्रो बाहुबलले साहु देशको धपाऊ ।४।

थाहा छ सबलाई, विदेशमा काम गर्नलाई साह्रो छ,
देशमा केहि गर्न, देशको ऋण भर्न त्योभन्दा गाह्रो छ ।
एकजुट हुन सबैले सुन लौ हात समाऊ,
त्यो तिम्रो बाहुबलले साहु देशको धपाऊ ।५।

शहरमा नेता शान छ वेग्लै, खाएर सलामी,
गाउँमा छैन युवा कोहि मर्दा जानलाई मलामी ।
जीवनको मूल, देशलाई फूलवारी झैं बनाऊ, 
त्यो तिम्रो बाहुबलले साहु देशको धपाऊ ।६।

ति बुढी आमा पँधेरो गर्छिन् बच्चो गाई चराउँछ,
लुटेरा घुम्छन् खेतको बाली खेतबाटै हराउँछ ।
ए कर्म बीर उठाई शीर देशलाई बचाऊ,
त्यो तिम्रो बाहुबलले साहु देशको धपाऊ ।७। 

हुँदैन बन्नु जीवनमा कैल्यै अर्काको करिया,
यो भन्दै हिड्थे ती महानन्द बनेर भरिया ।
गुलामी छोड त्यो बाटो मोड देशतिरै घुमाऊ,
त्यो तिम्रो बाहुबलले साहु देशको धपाऊ ।८।

देवकोटा भन्थे हातको मैला के गर्नु धनले,
साग र सिस्नु खाएको बेश आनन्दी मनले ।
फर्केर आउ यि बाँझा खेतमा हिरा सुन फलाऊ, 
त्यो तिम्रो बाहुबलले साहु देशको धपाऊ ।९।

के गर्नु छ र ? यि अर्ती ले नी, आफ्नै ताल गरेसी,
विदेशमा गई विदेशी भई विदेशमै मरेसी ।
पुकार्दै छ देश सन्तति मेरा अब त फर्की आऊ ,
त्यो तिम्रो बाहुबलले साहु देशको धपाऊ ।१०।

उस्तै उस्तै खबरहरु

  • अन्तर्राष्ट्रिय एकल नाटक महोत्सव सम्पन्न

    अन्तर्राष्ट्रिय एकल नाटक महोत्सव सम्पन्न काठमाडौं, चैत । काठमाडौंको कालिकास्थानस्थित सर्वनाम थिएटरमा मंगलबारबाट शुरु भएको अन्तर्राष्ट्रिय एकल नाटक महोत्सवको विहीबार सम्पन्न भएको छ । महोत्सव अवधिभर विभिन्न देशका फरकफरक प्रस्तुतीका नाटकहरु मञ्चन गरिए ।

  • राष्ट्रिय मुक्तक पुरस्कार प्राज्ञ सरुभक्तलाई

    राष्ट्रिय मुक्तक पुरस्कार प्राज्ञ सरुभक्तलाई काठमाडाैं, चैत । मुक्तक मञ्च पोखराद्वारा सञ्चालित एवं साहित्यकार विष्णु अल्पविरामद्वारा स्थापित राष्ट्रिय मुक्तक पुरस्कार २०७४ बाट प्राज्ञ सरुभक्तलाई सम्मान गरिने भएको छ । मञ्चका सल्लाहकार दीपक समीपको संयोजकत्वमा रुपीन्द्र प्रभावी र सन्जीव पौडेल सदस्य

  • कार्कीकाे कदर, ‘शान्तिदूत पदवी’बाट सम्मान

    कार्कीकाे कदर, ‘शान्तिदूत पदवी’बाट सम्मान काठमाडौं, चैत । विगत लामो समयदेखि थाइल्याण्डमा बसेर नेपाली चलचित्रको विकास र अन्तर्राष्ट्रिय बजार विस्तारमा योगदान पु¥याउँदै आएका समाज सेवी तथा निर्माता कुमार कार्की शान्तिदूत पदवीबाट सम्मानित भएका छन् ।

  • ढल्यो तेस्रो आयामको खम्बा

    ढल्यो तेस्रो आयामको खम्बा काठमाडाैं, २३ फागुन । मुर्धन्य साहित्यकार इन्द्रबहादुर राईको ९० बर्षको उमेरमा मंगलबार अपराह्नन दार्जिलिङस्थित निवासमा निधन भएको छ । तेस्रो आयाम र लीला लेखनजस्ता साहित्कि अभियानका अगुवा राई दुई बर्षदेखि थलिएका थिए ।

  • नेपाली चित्रकलाबारे विदेशमा अध्ययन हुने

    नेपाली चित्रकलाबारे विदेशमा अध्ययन हुने काठमाडौं, पुस । नेपालको चित्रकलाले छुट्टै महत्व बोकेको सरोकार भएकाहरुले बताएका छन् । ललितपुरको सौगलमा स्थापित योङ पिकासो संस्थाद्वारा फिलिपिन्सको दगुपान पाङ्गासिनान, मंगलदान नेशनल हाइस्कुलमा आयोजित चित्रकला प्रदर्शनीमा सहभागी सो स्कुलका प्रधानाध्यापक

  • नोबेल साहित्य पुरस्कार इसिगुरोलाई

    नोबेल साहित्य पुरस्कार इसिगुरोलाई एजेन्सी, २० असोज । जापानी मुलका बेलायती साहित्यकार काजुओ इसिगुरोलाई सन् २०१७ को साहित्यतर्फको नोबेल पुरस्कार दिइने भएको नोबेल पुरस्कार छनौट गर्ने स्वीडिस एकेडेमीले बिहीबार जनाएको छ । पुरस्कार घोषणा गर्ने स्वीडीस एकेडेमीले ती उपन्यासकारको प्रशंसा गर्दै