राजनीति

ज्युँदा शहीद जैशीको यसकारण उम्मेदवारी

निष्ठा, त्याग र सक्रियता जितको आधार

काठमाडौं– नेपाल विद्यार्थी संघको आसन्न ११ औं महाधिवेशनमा प्रदेश नम्बर ६ बाट उपाध्यक्षको उम्मेदावरी घोषणा गरेका कृष्णप्रसाद जैशी ज्यूँदा सहिदका रुपमा परिचित छन् । लामो समय विद्यार्थी राजनीतिमा होमिएका विद्यार्थी नेता जैशी काठमाडौंको त्रि–चन्द्र क्याम्पसका पूर्व इकाई अध्यक्ष समेत हुन् ।

अहिले चुनावी मैदानमा होमिएका धेरै प्रतिनिधिमध्ये कोही यस्ता उम्मेदवार छन् जसलाई जिताउनै पर्ने देखिन्छ । ती मध्येका एउटा उम्मेदवार हुन् कृष्णप्रसाद जैशी । प्रदेश नम्बर ६ बाट उपाध्यक्षको उम्मेदवारी घोषणा गरेका जैशी अहिले जितको माहोल बनाउन तातेर लागेका छन् । संगठनको लागि गरेको योगदान, आफ्नो व्यक्तित्व, संगठनलाई अगाडी हाँक्ने कौशलता, इमान्दारीता, स्वच्छ छवि र मिलनसार व्यक्तित्वका कारण उनी निकै चर्चित पनि छन् ।

कतिपय जिल्लाका महाधिवेशन प्रतिनिधिहरुले जिल्लाबाट आएका सिंगै महाधिवेशन प्रतिनिधिको एकछत्र भोट आफूलाई दिने घोषणा समेत गरिसकेका जैशीको दाबी छ ।नेपाल विद्यार्थी संघमा उनले गरेको त्याग, सक्रियताका कारण उनी कांग्रेसका संस्थापक नेता एंव पूर्वप्रधानमन्त्री तथा शन्त नेता कृष्णप्रसाद भट्टराईको फोटोकपीका रुपमा आफ्नो अर्को परिचय बनाउन सफल भएका छन् ।

विद्यार्थी आन्दोलनका क्रममा उनले पटक–पटक प्रहरी, एमालेको विद्यार्थी संगठन अनेरास्ववियूबाट कुटाइ खाए । यो कुटाइको कारण उनको व्यक्तिगत रिसराग नभई नेबिसंघलाई नै बलियो बनाउन तथा विद्यार्थी हक हितका लागि नै थियो । अनेरास्ववियूको कुटाइबाट जीवन–मरणको दोसाँधमा पुगेका जैशीलाई त्यत्तिखेर कतिपयले जीवनको आशा समेत मारेका थिए । हो, यहीबाट उनको परिचय बनेको हो ज्यूँदा शहीद ।

नेपाली कांग्रेसको आदर्श राष्ट्रियता, प्रजातन्त्र र समाजवादको व्याख्यामा गर्न माहिर नेता बौद्धिक नेताको बर्गमा गनिन्छन् । शिक्षामा समानता, सीपमुलक, व्यवसायीक तथा प्राविधिक र वैज्ञानिक शिक्षाले मात्र देशको विकास सम्भव हुने मान्यता राख्ने जैशी वर्तमान शिक्षा नितीमा परिर्वतन गर्नुपर्ने तर्फ उन्मूख देखिन्छन् ।

संविधान कार्यान्वयनका सवालमा पनि नेपाल विद्यार्थी संघको महत्वपूर्ण भूमिका रहेने भन्दै ११ औं महाधिवेशन कुसल नेतृत्व छनोट गर्नुपर्ने उनको भनाइ छ । अहिले मत बटुल्न प्रायः उम्मेदवारले गुट–उपगुट अन्त्यको नारा भजाए पनि यथार्थमा अधिकांश उम्मेदावर गुट उपगुटको पक्षपोषणमा लागेको उनको दाबी छ । त्यसैले, ११ औं महाधिवेशनले गुटगत राजनीति सदाका लागि अन्त्य गर्दै नेबिसंघलार्इ बलियाे बनाउनका लागि त्यागको राजनीति सिक्नुपर्ने उनको तर्क छ ।

२५ साउन, २०७३ ।

Comments

उस्तै उस्तै खबरहरु

‘नेकपा’ बन्याे इतिहासकै शक्तिशाली पार्टी

काठमाडौं, ४ जेठ । नेकपा एमाले र माओवादीकेन्द्र मिलेर बनेको नयाँ पार्टी ‘नेपाल कम्युनिष्ट पार्टी’ इतिहासकै शक्तिशाली पार्टी बनेको छ । टुटफुटको इतिहास बोकेका दुई ठूला कम्युनिष्ट पार्टीको ऐतिहासिक एकीकरणले जन्मिएको नेकपा दक्षिण एसियाकै ठूलो कम्युनिष्ट पार्टी बनेको छ ।
एमाले–माओवादी मिलेर ‘नेपाल कम्युनिष्ट पार्टी’ घोषणा

काठमाडौं, जेठ । एमाले–माओवादी पार्टीबीच एकता भएको छ । बिहीबार अपरान्ह राष्ट्रिय सभागृहमा भएको घोषणा सभामा दुवै पार्टी एकीकरण गरी नयाँ ‘नेपाल कम्युनिष्ट पार्टी’ घोषणा गरिएको हो । एकतापछि नयाँ पार्टीमा ४४१ सदस्यीय केन्द्रीय समिति बनाइएको छ ।
‘मोदीको नेपाल भ्रमण ऐतिहासिक’

काठमाडौं, ३० बैशाख । सरकारले भारतीय प्रधानमन्त्री नरेन्द्र मोदीको नेपाल भ्रमण सफल र ऐतिहासिक भएको बताएको छ । दुई दिने राजकिय भ्रमण सकेर शनिबार भारतीय प्रधानमन्त्री नरेन्द्र मोदी स्वदेश फर्किए लगत्तै अन्तराष्ट्रिय विमानस्थलमा सञ्चारकर्मीलाई प्रतिक्रिया दिँदै
राष्ट्रपति भण्डारी र मोदीबीच भेट

काठमाडौं, २८ बैशाख । नेपालको दुई दिने राजकीय भ्रमणमा रहेका भारतका प्रधानमन्त्री नरेन्द्र मोदीले राष्ट्रपति विद्या भण्डारीलाई भेटेका छन्। राष्ट्रपति कार्यालय शीतल निवास पुगेर प्रधानमन्त्री मोदीले राष्ट्रपति भण्डारीसँग भेटवार्ता गरेका हुन्। यस अघि उनले उपराष्ट्रपति नन्दबहादुर पुनलाई भेटेका थिए।
टुँडिखेलमा मोदीलाई गार्ड अफ अनर

काठमाडाैं, २८ बैशाख । नेपालको दुईदिने धार्मिक भ्रमणमा आएका भारतीय प्रधानमन्त्री नरेन्द्र मोदी काठमाडौं आइपुगेसँगै राजनीतिक भेटवार्तामा सक्रिय भएका छन् । भारतबाट एयर इन्डियाको विशेष विमानमार्फत जनकपुर आइपुगेका मोदी केहीबेर दिउँसाे काठमाडाैं अाएका हुन् ।
भारतीय प्रधानमन्त्रीकाे नेपाल भ्रमण (LIVE)

जनकपुर, २८ बैशाख । नेपालको दुई दिने राजकीय भ्रमणमा रहेका भारतीय प्रधानमन्त्री नरेन्द्र मोदीलाई जनकपुरमा भव्य स्वागत गरिएको छ । जानकी मन्दिरमा पूजा आरधना र रामायण सर्किटको उद्घाटनपछि माेदीलार्इ