राजनीति

टुँडिखेलमा मोदीलाई गार्ड अफ अनर

काठमाडाैं, २८ बैशाख । नेपालको दुईदिने धार्मिक भ्रमणमा आएका भारतीय प्रधानमन्त्री नरेन्द्र मोदी काठमाडौं आइपुगेसँगै राजनीतिक भेटवार्तामा सक्रिय भएका छन् । भारतबाट एयर इन्डियाको विशेष विमानमार्फत जनकपुर आइपुगेका मोदी केहीबेर दिउँसाे काठमाडाैं अाएका हुन् ।

जनकपुर विमानस्थलमा भारतीय प्रधानमन्त्री मोदीलाई रक्षामन्त्री ईश्वर पोखरेलले स्वागत गरेका थिए । जानकी मन्दिरमा प्रधानमन्त्री केपी शर्मा ओलीले स्वागत गरेका थिए । काठमाडाैंमा परराष्ट्रमन्त्री प्रदीप ज्ञवालीले स्वागत गरेका थिए । काठमाडाैं अाएपछि माेदीलार्इ सरकारले गार्ड अफ अनरद्वारा सम्मान व्यक्त गरेकाे छ । त्यसपछि मोदीले उपराष्ट्रपति नन्दबहादुर पुनसँग भेटवार्रता गरेका छन् भने राष्ट्रपति विद्यादेवी भण्डारीसँग भेटवार्ता गर्दैछन् ।

बेलुका उनले बत्तिसपुतलीमा रहेको होटल द्वारिकामा प्रधानमन्त्री लगायत विभिन्न राजनीतिक दलका नेताहरुसँग भेटवार्ता गर्दैछन् । अरुण तेस्रोको शिलन्यास पनि गर्ने तयारी छ । प्रधानमन्त्री ओली र भारतीय समकक्षी मोदीले स्वीच थिचेर यसको शिलन्यास गर्ने तयारी छ । यसअघि जनकपुरमा सम्बोधन गर्दै भारतीय प्रधानमन्त्री नरेन्द्र मोदीले नेपाल र भारतबीचको सम्बन्ध त्रेतायुगदेखिको भएको बताएका थिए ।

“अगष्ट २०१४ मा पहिलोपटक प्रधानमन्त्रीको रुपमा नेपाल आएको थिएँ,” मोदीले आफ्नो सम्बोधन सुरु गर्दै भनेका थिए, “संविधानसभामा पनि मैले भनेको थिएँ म जनकपुर आउँछु । तर आउन ढिला भएकोमा क्षमा माग्छु । भद्रकाली एकादशीका दिन मलाई सीतामाताले दर्शन दिनुभएको छ ।” उनले आफू राजा जनकको राजधानी सीताको पवित्र भूमिमा आउने पहिलेदेखिकै इच्छा रहेको बताए । जानकी मन्दिरमा दर्शन गरेर मनोकामना पूरा गरेर जिवनमा धन्य भएको समेत उनले बताए ।

हिन्दीमा सम्बोधन गरेका मोदीले नेपाली भाषामा भने, “मेरो यसपटकको नेपाल भ्रमण प्रधानमन्त्रीको रुपमा र एउटा तिर्थ यात्रीको रुपमा रहनेछ ।” उनले नेपाल र भारतबीचको मित्रता आजको होइन त्रेता युगको भएको बताएका थिए ।

“राजा जनकले अयोध्या र जनकपुर होइन भारत र नेपालालई बन्धनमा बाँधेका छन्,” मोदीले सम्बोधनका क्रममा भने, “यो राम सीताको बन्धन हो । रामेश्वर देखि पशुपति र लुम्बिनीदेखि बोधगयाको बन्धन हो ।” उनले यही बन्धनले आफूलाई जनकपुर ल्याएको बताएका थिए ।

Comments

उस्तै उस्तै खबरहरु

‘नेकपा’ बन्याे इतिहासकै शक्तिशाली पार्टी

काठमाडौं, ४ जेठ । नेकपा एमाले र माओवादीकेन्द्र मिलेर बनेको नयाँ पार्टी ‘नेपाल कम्युनिष्ट पार्टी’ इतिहासकै शक्तिशाली पार्टी बनेको छ । टुटफुटको इतिहास बोकेका दुई ठूला कम्युनिष्ट पार्टीको ऐतिहासिक एकीकरणले जन्मिएको नेकपा दक्षिण एसियाकै ठूलो कम्युनिष्ट पार्टी बनेको छ ।
एमाले–माओवादी मिलेर ‘नेपाल कम्युनिष्ट पार्टी’ घोषणा

काठमाडौं, जेठ । एमाले–माओवादी पार्टीबीच एकता भएको छ । बिहीबार अपरान्ह राष्ट्रिय सभागृहमा भएको घोषणा सभामा दुवै पार्टी एकीकरण गरी नयाँ ‘नेपाल कम्युनिष्ट पार्टी’ घोषणा गरिएको हो । एकतापछि नयाँ पार्टीमा ४४१ सदस्यीय केन्द्रीय समिति बनाइएको छ ।
‘मोदीको नेपाल भ्रमण ऐतिहासिक’

काठमाडौं, ३० बैशाख । सरकारले भारतीय प्रधानमन्त्री नरेन्द्र मोदीको नेपाल भ्रमण सफल र ऐतिहासिक भएको बताएको छ । दुई दिने राजकिय भ्रमण सकेर शनिबार भारतीय प्रधानमन्त्री नरेन्द्र मोदी स्वदेश फर्किए लगत्तै अन्तराष्ट्रिय विमानस्थलमा सञ्चारकर्मीलाई प्रतिक्रिया दिँदै
राष्ट्रपति भण्डारी र मोदीबीच भेट

काठमाडौं, २८ बैशाख । नेपालको दुई दिने राजकीय भ्रमणमा रहेका भारतका प्रधानमन्त्री नरेन्द्र मोदीले राष्ट्रपति विद्या भण्डारीलाई भेटेका छन्। राष्ट्रपति कार्यालय शीतल निवास पुगेर प्रधानमन्त्री मोदीले राष्ट्रपति भण्डारीसँग भेटवार्ता गरेका हुन्। यस अघि उनले उपराष्ट्रपति नन्दबहादुर पुनलाई भेटेका थिए।
भारतीय प्रधानमन्त्रीकाे नेपाल भ्रमण (LIVE)

जनकपुर, २८ बैशाख । नेपालको दुई दिने राजकीय भ्रमणमा रहेका भारतीय प्रधानमन्त्री नरेन्द्र मोदीलाई जनकपुरमा भव्य स्वागत गरिएको छ । जानकी मन्दिरमा पूजा आरधना र रामायण सर्किटको उद्घाटनपछि माेदीलार्इ
रामायण सर्किटको संयुक्त उद्घाटन

जनकपुर, २८ बैशाख । नेपालको दुई दिने राजकीय भ्रमणमा रहेका भारतीय प्रधानमन्त्री नरेन्द्र मोदीलाई जनकपुरमा भव्य स्वागत गरिएको छ । जानकी मन्दिरमा पूजा आरधना र रामायण सर्किटको उद्घाटनपछि अभिनन्दनस्थल बाह्रबिघा मैदानतर्फ लागेका छन् ।