खेलकुद

राष्ट्रिय महिला क्रिकेटको उपाधि एपीएफलाई

काठमाडौं। सशस्त्र प्रहरीको एपिएफ क्लबले राष्ट्रिय महिला क्रिकेट प्रतियोगिताको उपाधि जितेको छ । मंगलबार भएको फाइनल खेलमा पूर्वाञ्चल क्रिकेट टिमलाई १० रनले हराउँदै एपिएफले उपाधि उचालेको हो ।
पहिले ब्याटिङ गरेको एपिएफले निर्धारित १० ओभरमा एक विकेटको क्षतिमा ६४ रन बनाएको थियो । एपिएफका लागि सीता राना मगरले २९ तथा सरिता मगरले २२ रन बनाए । ६५ रनको लक्ष्य पछ्याएको पूर्वाञ्चलले पाँच विकेटको क्षतिमा ५४ रन मात्र बनाउन सक्यो । जितसँगै एपिएफले एक लाख रुपैयाँ पुरस्कार पाएको छ ।
उपविजेता बन्दै पूर्वाञ्चलले ५० हजार रुपैयाँमा चित्त बुझायो । प्रतियोगिताको उत्कृष्ट खेलाडी बन्दै एपिएफकी सरिता मगरले १० हजार रुपैयाँ प्राप्त गर्न सफल भइन् । यस्तै उत्कृष्ट ब्याट्सवमन मध्य पश्चिमाञ्चलकी लक्ष्मी चौधरी, उत्कृष्ट बलर पूर्वाञ्चलकी सन्तोषी चौधरी र उत्कृष्ट फिल्डर पूर्वाञ्चलकै सबनम राई घोषित भए । उनीहरुले जनही ५ हजार रुपैयाँ प्राप्त गरे । हङकङमा आगामी अक्टोबरमा हुने महिला विश्वकप २०१६ को एसियाली छनौटका लागि नेपाली टिम चयन गर्न प्रतियोगिताको आयोजना गरिएको हो ।
सुदूरपश्चिमाञ्चललाई हराउँदै पूर्वाञ्चल फाइनलमा प्रवेश गरेको थियो भने मध्यपश्चिमको टोलीलाई पराजित गर्दै एपीएफ फाइनलमा प्रवेश गरेको थियो । टि–२० फम्र्याटमा खेलाइएको खेलमा पाँच बिकास क्षेत्र र शसस्त्र प्रहरी बलको महिला टोली सहित ६ टिमले सहभागिता जनाएका थिए । सिनियर महिला क्रिकेटको ईतिहासमै पहिलो पटक बिजेता टिमलाई नगद १ लाख र उपबिजेतालाई नगद ५० हजार सहित सिल्ड र मेडल प्रदान गरिएको हो । यसैबीच, प्रतियोगिताबाट २४ उत्कृष्ट खेलाडी छनौट गरी साउनको अन्तिमबाट बन्द प्रशिक्षण सञ्चालन गरिनेछ । राष्ट्रिय खेलकुद परिषदबाट गठित क्रिकेट समन्वय समितिले यस प्रतियोगिताको संयोजन गरेको थियो ।
क्रिकेटमा बिद्यमान विवादले घरेलु क्रिकेट प्रतियोगिताहरु लामो समयदेखि हुन नसकिरहेको सम्बन्धमा राखेपको पहलमा नयाँ तथा युवा खेलाडीहरु खेल्नबाट वञ्चित नहून् भन्ने उद्देश्यले यस समिति गठन गरिएको राखेपले बताएको छ । यस समितिले आगामी दिनमा पुरुष सिनियर टीम, यु–१९ विधामा पनि घरेलु प्रतियोगिताहरु आयोजना गर्नेछ । नव गठित समितिका संयोजकमा राखेप बोर्ड सदस्य शैलेष कर्माचार्य रहेका छन् ।
१२ साउन, २०७३ ।

 

उस्तै उस्तै खबरहरु

  • डीपीएलको उपाधि कस्को पोल्टामा, काठमाडौं कि धनगढी ?

    डीपीएलको उपाधि कस्को पोल्टामा, काठमाडौं कि धनगढी ? काठमाडौं, ३० चैत । धनगढीमा जारी दोस्रो संस्करणको धनगढी प्रिमियर लिग (डीपीएल) क्रिकेटको उपाधि भिडन्त आज हुँदैछ । उपाधिका लागि काठमाडौं गोल्डेन्सल र टिम चौराहा धनगढी भिड्दैछन् ।

  • डिपिएल क्रिकेटमा सुनको जुत्ता पुरस्कार !

    डिपिएल क्रिकेटमा सुनको जुत्ता पुरस्कार ! काठमाडौं, १२ चैत । आगामी चैत १७ गतेबाट हुने दोस्रो संस्करणको धनगढी प्रिमियर लिग (डिपिएल–२) को मोष्ट भ्यालुएबल खेलाडीले नेपाली जुत्ताको ब्राण्ड गोल्डस्टारको सुनको जुत्ता पाउने भएका छन् । डिपिएल आयोजक धनगढी क्रिकेट एकेडेमी (डीसीए) र गोल्डस्टार जुत्ताको किरन सुज

  • कुन कुन देशले खेल्ने भए विश्वकप क्रिकेट ?

    कुन कुन देशले खेल्ने भए विश्वकप क्रिकेट ? काठमाडौं, १० चैत । आईसीसी विश्वकप क्रिकेट छनोट खेलमा सुपर सिक्स चरणका खेल समाप्तीसँगै विश्वकपमा खेल्ने १० राष्ट्रको टुंगो लागेको छ । सुपरसिक्सको अन्तिम खेलमा अफगानिस्तानले आयरल्याण्डलाई पराजित गरेसँगै उसले विश्वकपमा स्थान बनाएको हो ।

  • ब्राजिल, अर्जेन्टिना र पोर्चुगल विजयी

    ब्राजिल, अर्जेन्टिना र पोर्चुगल विजयी काठमाडौं, १० चैत । विश्वकप तयारी स्वरुप शुक्रबार राति भएको अन्तर्राष्ट्रिय मैत्रीपूर्ण फुटबल खेलमा ब्राजिल, अर्जेन्टिना र पोर्चुगल विजयी भएका छन् । खेलमा साविक विश्वकप विजेता जर्मनी स्पेनसँग १–१ को बराबरीमा रोकिएको छ । स्पेनका रोड्रिगो मोरेनोले टोलीलाई

  • बडी बिल्डिङको अध्यक्षमा विक र महासचिवमा बज्राचार्य

    बडी बिल्डिङको अध्यक्षमा विक र महासचिवमा बज्राचार्य काठमाडौं, ३ चैत । हिमालय किङडम नेप्लिज फेडेरेसन अफ बडी बिल्डिङ एन्ड फिट्नेसको अध्यक्षमा शिव लामिछाने विक निर्विरोध निर्वाचित भएका छन् । संघको पहिलो साधारणसभाले विकको अध्यक्षतामा २६ सदस्यीय केन्द्रीय कार्यसमिति समेत निर्विरोध चयन गरेको हो ।

  • नेपाललाई ऐतिहासिक उपलब्धि, क्रिकेटमा एक दिवसीय मान्यता

    नेपाललाई ऐतिहासिक उपलब्धि, क्रिकेटमा एक दिवसीय मान्यता काठमाडौं, चैत । नेपाली क्रिकेट टोलीले इतिहास रच्दै पहिलो पटक अन्तर्राष्ट्रिय एक दिवसीय क्रिकेटको मान्यता पाएको छ । विश्वकप यात्रा टुंगिए पनि आईसीसी विश्वकप छनोटको पहिलो प्लेअफ खेलमा नेपालले पपुवा न्यूगिनीविरुद्ध शानदार जित हात पार्दै अन्तर्राष्ट्रिय एक दिवसीय क्रिकेटको मान्यता पाउन सफल भएको हो