राजनीति

तीन दलका कुरा तीन तिर, जनता अन्योल

काठमाडौं । मुलुकको पछिल्लो राजनीतिक अवस्थाबारे छलफलबाटै समाधान खोज्न प्रमुख तीन राजनीतिक दल सहमत देखिए पनि आ–आफ्ना अडानबाट भने कोही पछि हटका छैनन् । प्रधानमन्त्री निवास बालुवाटारमा सोमबार साँझ बसेको प्रमुख तीन दलका शीर्ष नेताको बैठकमा सत्ता समीकरणका विषयमा देखिएको आपसी तिक्ततालाई कसरी मेट्ने भन्ने नै प्रमुख एजेण्डा बनेपनि
सहमतिमा आउने भने कसैको कुरा देखिएन ।

मुलुकको राजनीतिक अवस्था, बजेटसँग जोडिएका विधेयक र व्यवस्थापिका–संसद्मा दर्ता भएको अविश्वासको प्रस्तावका बारेमा सबैले सहमतिमा आउनुपर्ने बताएपनि सहमतिका लागि पहल भने थालेनन् । प्रधानमन्त्री केपी शर्मा ओलीले आफूविरुद्ध अविश्वासको प्रस्ताव दर्ता गराएपछि पदबाट राजिनामा नदिने अडान दोहो¥याए । छलफलका क्रममा उनले राजिनामा नदिने बरु अविश्वासको प्रस्तावको सामना गर्ने अडान राखे ।

एमाले अध्यक्ष केपी शर्मा ओलीले माओवादी केन्द्रका अध्यक्ष पुष्पकमल दाहाललाई प्रधानमन्त्री नसुम्पिएपछि कांग्रेसको साथमा प्रधानमन्त्री लालसामा ओली सरकारको समर्थन फिर्ता लिएको थियो । माओवादीले सरकारको समर्थन फिर्ता लिएपछि प्रमुख दलका नेताहरुबीच केही दिनयता ‘वाक युद्ध’ नै चलेको छ ।संविधानमा अविश्वासको प्रस्ताव पेश गर्न सक्ने ब्यवस्था भए पनि संक्रमणकालमा नयाँ सरकार गठन गर्ने प्रावधान नरहेको भन्दै कानूनविदहरुले आफू अनुकुल ब्याख्या गर्नसमेत पछि परेका छैनन् ।

छलफलका क्रममा देउवा र दाहालले प्रधानमन्त्री ओलीलाई राजीनामा दिएर नयाँ सरकार गठनका लागि बाटो सहज बनाइदिन आग्रह गरे । जवाफमा ओलीले आफूविरुद्ध अविश्वासको प्रस्ताव पेश गरेपछि त्यसको सामना गर्ने बताएका हुन् । ओलीले अविश्वास प्रस्ताव र राजीनामा एक साथ हुन नसक्ने बताएका थिए ।

उनले संसद्मा अविश्वासको प्रस्ताव दर्ता भइसकेको र त्यसलाई सभामुखले कार्यसूची अघि बढाइसकेका अवस्थामा कसरी समझदारी हुन्छ भनी दुवै नेतालाई प्रश्न गर्नुभएको थियो । सहमति र समझदारीबाट देशलाई अफ्ठ्यारोबाट जोगाउनुपर्ने प्रधानमन्त्रीको धारणा थियो ।

Comments

उस्तै उस्तै खबरहरु

‘नेकपा’ बन्याे इतिहासकै शक्तिशाली पार्टी

काठमाडौं, ४ जेठ । नेकपा एमाले र माओवादीकेन्द्र मिलेर बनेको नयाँ पार्टी ‘नेपाल कम्युनिष्ट पार्टी’ इतिहासकै शक्तिशाली पार्टी बनेको छ । टुटफुटको इतिहास बोकेका दुई ठूला कम्युनिष्ट पार्टीको ऐतिहासिक एकीकरणले जन्मिएको नेकपा दक्षिण एसियाकै ठूलो कम्युनिष्ट पार्टी बनेको छ ।
एमाले–माओवादी मिलेर ‘नेपाल कम्युनिष्ट पार्टी’ घोषणा

काठमाडौं, जेठ । एमाले–माओवादी पार्टीबीच एकता भएको छ । बिहीबार अपरान्ह राष्ट्रिय सभागृहमा भएको घोषणा सभामा दुवै पार्टी एकीकरण गरी नयाँ ‘नेपाल कम्युनिष्ट पार्टी’ घोषणा गरिएको हो । एकतापछि नयाँ पार्टीमा ४४१ सदस्यीय केन्द्रीय समिति बनाइएको छ ।
‘मोदीको नेपाल भ्रमण ऐतिहासिक’

काठमाडौं, ३० बैशाख । सरकारले भारतीय प्रधानमन्त्री नरेन्द्र मोदीको नेपाल भ्रमण सफल र ऐतिहासिक भएको बताएको छ । दुई दिने राजकिय भ्रमण सकेर शनिबार भारतीय प्रधानमन्त्री नरेन्द्र मोदी स्वदेश फर्किए लगत्तै अन्तराष्ट्रिय विमानस्थलमा सञ्चारकर्मीलाई प्रतिक्रिया दिँदै
राष्ट्रपति भण्डारी र मोदीबीच भेट

काठमाडौं, २८ बैशाख । नेपालको दुई दिने राजकीय भ्रमणमा रहेका भारतका प्रधानमन्त्री नरेन्द्र मोदीले राष्ट्रपति विद्या भण्डारीलाई भेटेका छन्। राष्ट्रपति कार्यालय शीतल निवास पुगेर प्रधानमन्त्री मोदीले राष्ट्रपति भण्डारीसँग भेटवार्ता गरेका हुन्। यस अघि उनले उपराष्ट्रपति नन्दबहादुर पुनलाई भेटेका थिए।
टुँडिखेलमा मोदीलाई गार्ड अफ अनर

काठमाडाैं, २८ बैशाख । नेपालको दुईदिने धार्मिक भ्रमणमा आएका भारतीय प्रधानमन्त्री नरेन्द्र मोदी काठमाडौं आइपुगेसँगै राजनीतिक भेटवार्तामा सक्रिय भएका छन् । भारतबाट एयर इन्डियाको विशेष विमानमार्फत जनकपुर आइपुगेका मोदी केहीबेर दिउँसाे काठमाडाैं अाएका हुन् ।
भारतीय प्रधानमन्त्रीकाे नेपाल भ्रमण (LIVE)

जनकपुर, २८ बैशाख । नेपालको दुई दिने राजकीय भ्रमणमा रहेका भारतीय प्रधानमन्त्री नरेन्द्र मोदीलाई जनकपुरमा भव्य स्वागत गरिएको छ । जानकी मन्दिरमा पूजा आरधना र रामायण सर्किटको उद्घाटनपछि माेदीलार्इ