राजनीति

सत्ता समीकरणको दौडमा प्रचण्ड गले !

‘प्रचण्ड–ओली’ निर्णायक वार्ताको परिणाम कस्तो ?

काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ सत्ता समीकरणको दौडमा लागि सोमबार दिनभर ब्यस्त बने । दिनभरको दौडधुपले कुनै परिणाम ननिस्किएपछि अन्ततः साँझ प्रधानमन्त्री केपी शर्मा ओलीसँग ‘निर्णायक वार्ता’ भन्दै बेलुका वालुवाटार छिरेका थिए ।

प्रचण्डले साव २ घन्टा प्रधानमन्त्री ओलीसँग गोप्य वार्ता गरे । स्रोतका अनुसार प्रधानमन्त्री ओली र प्रचण्डबीच सत्ता गठबन्धनलाई अझ बलियो बनाउने र यसैमा अन्य दलको समर्थन ल्याएर राष्ट्रिय सहमतिको सरकारको स्वरुप दिने समझदारी भएको छ बुझिएको छ ।

‘अहिलेको गठबन्धनलाई कसरी बलियो बनाउने र यसैलाई सहमतिको स्वरुप दिने विषयमा सकारात्मक र गम्भीर छलफल भएको छ’ प्रधानमन्त्रीका प्रेस सल्लाहकार प्रमोद दाहालले भने– ‘नयाँ राजनीतिक परिस्थितिमा कसरी अघि बढ्ने भन्ने विषयमा गम्भीरतापूर्वक छलफल भयो ।’

सत्तासीन दलहरुको बैठकमा यसअघि एमालेसँग भएको ९ बुँदे सहमति कार्यान्वयनको प्रक्रिया अघि बढे पनि तिब्र नभएको वताउँदै नयाँ सरकार गठनको प्रस्ताव राखेका प्रचण्डलाई प्रधानमन्त्री केपी शर्मा ओलीले आइतबारै स्पष्ट कुरा ल्याउन सचेत गराएका थिए । हेडक्वार्टरमा बाझाबाझबाट शुरु भएको प्रचण्डको चार घन्टा लामो बैठकमा सहमतीय सरकार गठनका लागि संवाद गर्ने जिम्मेवारी प्रचण्डलाई दिने निर्णय भएको थियो । त्यसलगत्तै कांग्रेस र माओवादीका दोस्रो तहका नेताहरु सरकार परिवर्तनका खाका बनाउँदै छलफलमा सहभागि भएका थिए ।

वार्तामा कांग्रेसका तर्फबाट बिमलेन्द्र निधि र रमेश लेखक माओवादीका तर्फबाट महरा र पुन सहभागि भएका थिए । त्यस्तै, दिउँसो नै प्रचण्डले सरकार परिवर्तनको प्राविधिक विषयवारे छलफल गर्न सभामुख ओनसरी घर्तीसँग भेट गरेका थिए ।

देउवासँग दिउसो के भयो ?
सभामुख घर्तीसँगको भेटवार्तापछि अध्यक्ष प्रचण्ड कांग्रेस सभापति देउवालाई भेट्न कांग्रेस संसदीय दलको कार्यालय पुगे ।

देउवा र प्रचण्डको भेटवार्ता सुरु भएपछि दुई दलका दोस्रो पुस्ताका नेताहरुलाई पनि त्यहीँ बोलाइएको थियो । उनीहरु पनि त्यहाँ सामेल भएर प्रचण्डले सहमतीय सरकारको प्रधानमन्त्रीमा आफूलाई समर्थन गर्न देउवासँग आग्रह गरेका थिए ।

तर, देउवाले सहमतीय सरकार हुनै नसक्ने वताउँदै प्रचण्डलाई पहिले सरकार छोडेर आउन सल्लाह दिएका थिए । देउवाले ‘सहमतिको सरकार बन्दैन, तपाईंहरु नयाँ सरकार बनाउन चाहनुहुन्छ भने यो सरकार छोडेर आउनुस् अनि नेतृत्वका विषयमा छलफल गर्न सकिन्छ ।’

२८ असार, २०७३ ।

Comments

उस्तै उस्तै खबरहरु

‘नेकपा’ बन्याे इतिहासकै शक्तिशाली पार्टी

काठमाडौं, ४ जेठ । नेकपा एमाले र माओवादीकेन्द्र मिलेर बनेको नयाँ पार्टी ‘नेपाल कम्युनिष्ट पार्टी’ इतिहासकै शक्तिशाली पार्टी बनेको छ । टुटफुटको इतिहास बोकेका दुई ठूला कम्युनिष्ट पार्टीको ऐतिहासिक एकीकरणले जन्मिएको नेकपा दक्षिण एसियाकै ठूलो कम्युनिष्ट पार्टी बनेको छ ।
एमाले–माओवादी मिलेर ‘नेपाल कम्युनिष्ट पार्टी’ घोषणा

काठमाडौं, जेठ । एमाले–माओवादी पार्टीबीच एकता भएको छ । बिहीबार अपरान्ह राष्ट्रिय सभागृहमा भएको घोषणा सभामा दुवै पार्टी एकीकरण गरी नयाँ ‘नेपाल कम्युनिष्ट पार्टी’ घोषणा गरिएको हो । एकतापछि नयाँ पार्टीमा ४४१ सदस्यीय केन्द्रीय समिति बनाइएको छ ।
‘मोदीको नेपाल भ्रमण ऐतिहासिक’

काठमाडौं, ३० बैशाख । सरकारले भारतीय प्रधानमन्त्री नरेन्द्र मोदीको नेपाल भ्रमण सफल र ऐतिहासिक भएको बताएको छ । दुई दिने राजकिय भ्रमण सकेर शनिबार भारतीय प्रधानमन्त्री नरेन्द्र मोदी स्वदेश फर्किए लगत्तै अन्तराष्ट्रिय विमानस्थलमा सञ्चारकर्मीलाई प्रतिक्रिया दिँदै
राष्ट्रपति भण्डारी र मोदीबीच भेट

काठमाडौं, २८ बैशाख । नेपालको दुई दिने राजकीय भ्रमणमा रहेका भारतका प्रधानमन्त्री नरेन्द्र मोदीले राष्ट्रपति विद्या भण्डारीलाई भेटेका छन्। राष्ट्रपति कार्यालय शीतल निवास पुगेर प्रधानमन्त्री मोदीले राष्ट्रपति भण्डारीसँग भेटवार्ता गरेका हुन्। यस अघि उनले उपराष्ट्रपति नन्दबहादुर पुनलाई भेटेका थिए।
टुँडिखेलमा मोदीलाई गार्ड अफ अनर

काठमाडाैं, २८ बैशाख । नेपालको दुईदिने धार्मिक भ्रमणमा आएका भारतीय प्रधानमन्त्री नरेन्द्र मोदी काठमाडौं आइपुगेसँगै राजनीतिक भेटवार्तामा सक्रिय भएका छन् । भारतबाट एयर इन्डियाको विशेष विमानमार्फत जनकपुर आइपुगेका मोदी केहीबेर दिउँसाे काठमाडाैं अाएका हुन् ।
भारतीय प्रधानमन्त्रीकाे नेपाल भ्रमण (LIVE)

जनकपुर, २८ बैशाख । नेपालको दुई दिने राजकीय भ्रमणमा रहेका भारतीय प्रधानमन्त्री नरेन्द्र मोदीलाई जनकपुरमा भव्य स्वागत गरिएको छ । जानकी मन्दिरमा पूजा आरधना र रामायण सर्किटको उद्घाटनपछि माेदीलार्इ