राजनीति

नयाँ शक्ति नेपाल पार्टीको औपचारिक घोषणा

काठमाडौं । एमाओवादीबाट छुट्टिएर नयाँ शक्ति नेपालको अभियानमा जुटेका पूर्व प्रधानमन्त्री डा. बाबुराम भट्टराईले आइतबार दशरथ रंगशालामा आयोजित विशेष कार्यक्रममा नयाँ शक्ति नेपाल पार्टीको औपचारिक घोषणा गरेका छन् । नयाँ शक्ति नेपालले भव्य समारोहकाबीच पार्टी घोषणा सभामा ड्रोन क्यामेराको प्रयोग गरी प्रविधिको भरपूर प्रयोग गरिएको थियो । नयाँ शक्ति घोषणा सभाको दृष्य खिच्नका लागि उक्त ड्रोन प्रयोग गरिएको हो ।

दलका शीर्ष नेता तथा विदेशी अतिथिहरुको उपस्थितमा पार्टीका संयोजक रहेका भट्टराईले पार्टीका सदस्यहरुलाई सामूहिक सपथ ग्रहण गराए । घोषणा सभामा प्रमुख राजनीतिक दलका नेताहरु, कुटनीतिक नियोगका प्रतिनिधि, भारतीय राजनीतिक दलका प्रतिनिधिहरु पनि सहभागी भएका थिए ।यसअघि राजधानीका विभिन्न स्थानबाट ¥यालीसहित नयाँ शक्तिका कार्यकर्ताहरु रंगशाला पुगेका थिए ।

पार्टी घोषणासभामा उपस्थित भएका दलका शीर्ष नेताहरुले नयाँ शक्ति नेपालको सफलताको शुभकामना व्यक्त गरे ।

नेपाली कांग्रेस सभापति शेरबहादुर देउवाले त्यहाँ उपस्थित कार्यकर्तालाई देखेर नयाँशक्तिको भविष्य राम्रो भएको विश्वास ब्यक्त गरे । ‘नयाँ शक्ति नेपाल’ नेपालमा संविधानमा बनेपछि पार्टीका रुपमा घोषणा हुँदै गरेको भन्दै देउवाले भने, ” संविधान बनेपछि हामीले पनि अब विकास र समृद्धि भनेका छौं ।’

समारोहको आकर्षण बनिन् करिष्मा

पार्टी घोषणा कार्यक्रममा विभिन्न मनोरञ्जनात्मक कार्यक्रम हुँदा हुँदै पनि समारोहको आकर्षण अभिनेत्री करिश्मा मानन्धर बनिन् । अभिनेत्री करिश्मा मानन्धरले कार्यक्रम सञ्चालन गरेकी थिइन् । तर, उनी आकर्षणको केन्द्रविन्दू बन्दा बन्दै पनि उद्घोषणका क्रममा भने नराम्ररी चिप्लिइन् ।

अभिनेत्री मानन्धरले नेपाली कांग्रेसका नेता प्रदीप गिरीलाई “डा प्रदीप भट्टराई” भनेर मञ्चमा बोलाइन् । करिश्माले आफ्नो नाम नै गलत भनेपछि प्रदीप गिरीले पनि शुभकामना दिँदा दिँदै करिश्मालाई सुझाव दिए ‘सुन्दरी करिश्मा जी १ न त म डाक्टर हो न त भट्टराई अगामी वक्ताको नाम पहिल्यै पढ्नुस् आउँदा हडवढाएर ठेस नलागोस् ।’

करिश्माको उद्घोषणमा धेरै पटक समस्या देखियो । उनले ब्राजिलका राजदूतलाई हर एक्सेलेन्सी मात्र भनिन् नाम भन्ने बेलामा उच्चारण गर्न सकिनन् र एम्बासडर भन्न पनि विर्सिइन् । उद्घोषणका क्रममा पटक–पटक हड्बडाउँदा उनको ‘करिश्मा’ निरस बनेको थियो । पार्टीले ३१ र ३२ जेठमा कमलादीस्थित प्रज्ञाप्रतिष्ठानमा छलफल सत्र सञ्चालन गर्ने भएको छ ।

Comments

उस्तै उस्तै खबरहरु

‘नेकपा’ बन्याे इतिहासकै शक्तिशाली पार्टी

काठमाडौं, ४ जेठ । नेकपा एमाले र माओवादीकेन्द्र मिलेर बनेको नयाँ पार्टी ‘नेपाल कम्युनिष्ट पार्टी’ इतिहासकै शक्तिशाली पार्टी बनेको छ । टुटफुटको इतिहास बोकेका दुई ठूला कम्युनिष्ट पार्टीको ऐतिहासिक एकीकरणले जन्मिएको नेकपा दक्षिण एसियाकै ठूलो कम्युनिष्ट पार्टी बनेको छ ।
एमाले–माओवादी मिलेर ‘नेपाल कम्युनिष्ट पार्टी’ घोषणा

काठमाडौं, जेठ । एमाले–माओवादी पार्टीबीच एकता भएको छ । बिहीबार अपरान्ह राष्ट्रिय सभागृहमा भएको घोषणा सभामा दुवै पार्टी एकीकरण गरी नयाँ ‘नेपाल कम्युनिष्ट पार्टी’ घोषणा गरिएको हो । एकतापछि नयाँ पार्टीमा ४४१ सदस्यीय केन्द्रीय समिति बनाइएको छ ।
‘मोदीको नेपाल भ्रमण ऐतिहासिक’

काठमाडौं, ३० बैशाख । सरकारले भारतीय प्रधानमन्त्री नरेन्द्र मोदीको नेपाल भ्रमण सफल र ऐतिहासिक भएको बताएको छ । दुई दिने राजकिय भ्रमण सकेर शनिबार भारतीय प्रधानमन्त्री नरेन्द्र मोदी स्वदेश फर्किए लगत्तै अन्तराष्ट्रिय विमानस्थलमा सञ्चारकर्मीलाई प्रतिक्रिया दिँदै
राष्ट्रपति भण्डारी र मोदीबीच भेट

काठमाडौं, २८ बैशाख । नेपालको दुई दिने राजकीय भ्रमणमा रहेका भारतका प्रधानमन्त्री नरेन्द्र मोदीले राष्ट्रपति विद्या भण्डारीलाई भेटेका छन्। राष्ट्रपति कार्यालय शीतल निवास पुगेर प्रधानमन्त्री मोदीले राष्ट्रपति भण्डारीसँग भेटवार्ता गरेका हुन्। यस अघि उनले उपराष्ट्रपति नन्दबहादुर पुनलाई भेटेका थिए।
टुँडिखेलमा मोदीलाई गार्ड अफ अनर

काठमाडाैं, २८ बैशाख । नेपालको दुईदिने धार्मिक भ्रमणमा आएका भारतीय प्रधानमन्त्री नरेन्द्र मोदी काठमाडौं आइपुगेसँगै राजनीतिक भेटवार्तामा सक्रिय भएका छन् । भारतबाट एयर इन्डियाको विशेष विमानमार्फत जनकपुर आइपुगेका मोदी केहीबेर दिउँसाे काठमाडाैं अाएका हुन् ।
भारतीय प्रधानमन्त्रीकाे नेपाल भ्रमण (LIVE)

जनकपुर, २८ बैशाख । नेपालको दुई दिने राजकीय भ्रमणमा रहेका भारतीय प्रधानमन्त्री नरेन्द्र मोदीलाई जनकपुरमा भव्य स्वागत गरिएको छ । जानकी मन्दिरमा पूजा आरधना र रामायण सर्किटको उद्घाटनपछि माेदीलार्इ