राजनीति

परराष्ट्रमन्त्री थापा फेरि किन भारत हानिए ?

काठमाडौं । उपप्रधानमन्त्री तथा परराष्ट्रमन्त्री कमल थापा भारत भ्रमणमा गएका छन् । उनले भारतमा महत्वपूर्ण राजनीतिक भेटभार्त गरेका छन् । भारत पुगे लगत्तै राजनीतिक भेटवार्तालाई तीव्रता दिएका छन् । शुक्रबार मात्रै भारतीय विदेशमन्त्री सुष्मा स्वराजसँग भेटवार्ता गरी दुई देशबीचको सम्बन्धका विषयमा छलफल भएको छ ।

नेपाल र भारतबीचको सम्बन्धमा आएको तिक्तता मेटाउने विषयमा छलफल केन्द्रित भएको जनाइएको छ । शुक्रबार भएको भेटमा नेपाल–भारत द्विपक्षीय सम्बन्धको वर्तमान स्थितिको पुनरावलोकनका विषयमा छलफल भएको नयाँ दिल्लीस्थित नेपाली राजदूतावासले विज्ञप्ति मार्फत जनाएको छ ।

भेटमा दुईपक्षीय सबन्धलाई अझ सुदृढ गर्न विभिन्नस्तरमा नियमित रुपमा विचारको आदानप्रदानको महत्वमाथि जोड दिइएको छ । भेटका अवसरमा भारतका तर्फबाट भारतीय विदेश मन्त्रालयका विदेश सचिव डा. एस जयशङ्कर र सहसचिव (उत्तर) अभय ठाकुर तथा नेपालका तर्फबाट भारतका लागि कावा राजदूत कृष्णप्रसाद ढकाल र परराष्ट्र मन्त्रालयका सहसचिव (दक्षिण एसिया) प्रकाशकुमार सुवेदीको पनि सहभागिता थियो ।

भेटमा परराष्ट्रमन्त्री थापाले भने, ‘नेपालको भारतसँगको सम्बन्ध कुनै अर्को द्विपक्षीय सम्बन्धसँग दाँज्न सकिँदैन र यसलाई आफ्नै विशेषताका आधारमा हेरिनुपर्छ ।’ उपप्रधानमन्त्री थापा शनिबार अपराह्न दक्षिण एसियाली विश्वविद्यालयको दीक्षान्त समारोहमा भाग लिन नयाँ दिल्ली पुगेका हुन् ।

यसअघि उपप्रधानमन्त्री थापाले प्रेस क्लब अफ इन्डियामा आयोजित मिट द प्रेस कार्यक्रममा सञ्चारकर्मीलाई तथा नयाँ दिल्लीस्थित अब्जर्भर रिसर्च फाउन्डेसनमा आयोजित बेग्लै कार्यक्रममा बुद्धिजीवी र कुटनीतिक समुदायको भेलालाई सम्बोधन गर्दै नेपालको इतिहासमा पहिलो पटक जननिर्वाचित प्रतिनिधिद्वारा जारी गरिएको संविधान मार्फत नेपालले शान्ति, प्रजातन्त्र र समावेशी प्रणालीलाई सुदृढ गर्न गरेको प्रगतिबारे प्रकाश पारेका थिए ।

Comments

उस्तै उस्तै खबरहरु

‘नेकपा’ बन्याे इतिहासकै शक्तिशाली पार्टी

काठमाडौं, ४ जेठ । नेकपा एमाले र माओवादीकेन्द्र मिलेर बनेको नयाँ पार्टी ‘नेपाल कम्युनिष्ट पार्टी’ इतिहासकै शक्तिशाली पार्टी बनेको छ । टुटफुटको इतिहास बोकेका दुई ठूला कम्युनिष्ट पार्टीको ऐतिहासिक एकीकरणले जन्मिएको नेकपा दक्षिण एसियाकै ठूलो कम्युनिष्ट पार्टी बनेको छ ।
एमाले–माओवादी मिलेर ‘नेपाल कम्युनिष्ट पार्टी’ घोषणा

काठमाडौं, जेठ । एमाले–माओवादी पार्टीबीच एकता भएको छ । बिहीबार अपरान्ह राष्ट्रिय सभागृहमा भएको घोषणा सभामा दुवै पार्टी एकीकरण गरी नयाँ ‘नेपाल कम्युनिष्ट पार्टी’ घोषणा गरिएको हो । एकतापछि नयाँ पार्टीमा ४४१ सदस्यीय केन्द्रीय समिति बनाइएको छ ।
‘मोदीको नेपाल भ्रमण ऐतिहासिक’

काठमाडौं, ३० बैशाख । सरकारले भारतीय प्रधानमन्त्री नरेन्द्र मोदीको नेपाल भ्रमण सफल र ऐतिहासिक भएको बताएको छ । दुई दिने राजकिय भ्रमण सकेर शनिबार भारतीय प्रधानमन्त्री नरेन्द्र मोदी स्वदेश फर्किए लगत्तै अन्तराष्ट्रिय विमानस्थलमा सञ्चारकर्मीलाई प्रतिक्रिया दिँदै
राष्ट्रपति भण्डारी र मोदीबीच भेट

काठमाडौं, २८ बैशाख । नेपालको दुई दिने राजकीय भ्रमणमा रहेका भारतका प्रधानमन्त्री नरेन्द्र मोदीले राष्ट्रपति विद्या भण्डारीलाई भेटेका छन्। राष्ट्रपति कार्यालय शीतल निवास पुगेर प्रधानमन्त्री मोदीले राष्ट्रपति भण्डारीसँग भेटवार्ता गरेका हुन्। यस अघि उनले उपराष्ट्रपति नन्दबहादुर पुनलाई भेटेका थिए।
टुँडिखेलमा मोदीलाई गार्ड अफ अनर

काठमाडाैं, २८ बैशाख । नेपालको दुईदिने धार्मिक भ्रमणमा आएका भारतीय प्रधानमन्त्री नरेन्द्र मोदी काठमाडौं आइपुगेसँगै राजनीतिक भेटवार्तामा सक्रिय भएका छन् । भारतबाट एयर इन्डियाको विशेष विमानमार्फत जनकपुर आइपुगेका मोदी केहीबेर दिउँसाे काठमाडाैं अाएका हुन् ।
भारतीय प्रधानमन्त्रीकाे नेपाल भ्रमण (LIVE)

जनकपुर, २८ बैशाख । नेपालको दुई दिने राजकीय भ्रमणमा रहेका भारतीय प्रधानमन्त्री नरेन्द्र मोदीलाई जनकपुरमा भव्य स्वागत गरिएको छ । जानकी मन्दिरमा पूजा आरधना र रामायण सर्किटको उद्घाटनपछि माेदीलार्इ