राजनीति

राष्ट्रिय सहमतिको सरकार आवश्यकः महामन्त्री कोइराला

नवलपरासी । नेपाली काँग्रेस महामन्त्री डा. शशांक कोइरालाले देशलाई निकास दिन राष्ट्रिय सहमति सरकार आवश्यक भएको बताएका छन् ।
नेपाल विद्यार्थी संघ प्रदेश नं ४ को प्रशिक्षण समारोहलाई नवलपरासीको गैंडाकोटमा सम्बोधन गर्दै उनले भने, ‘जनताले लामो सङंघर्षपछि प्राप्त गरेको संविधानलाई संस्थागत गर्न सबै दल एकजुट भई अघि बढ्नुको विकल्प छैन ।’

वर्तमान सरकार राष्ट्रिय सहमतिका साथ अघि बढ्न नखोजेको आरोप लगाउँदै उनले नेपाली काँग्रेस राष्ट्रिय सहमतिको पक्षमा उभिएको जिकिर गरे ।

नेपाल विद्यार्थी संघ गुटगत राजनीतिमा लागेको भन्दै महामन्त्री कोइरालाले पार्टीले नेविसंघ विघटन गर्न सक्ने चेतावनी समेत दिए।

कार्यक्रममा नेविसंघ अध्यक्ष रञ्जित कर्ण, केन्द्रीय सदस्य गोविन्द भट्टराई, कल्याण गुरुङ, देवेन्द्रराज कँडेललगायतले महाधिवेसन हुनुपर्नेमा जोड दिएका थिए ।

आइतबारसम्म चल्ने प्रशिक्षणमा स्याङ्जा, कास्की, मनाङ, मुस्ताङ, पर्वत, बाग्लुङ, नवलपरासी, गोरखा, म्याग्दी, तनहुँका २२० कार्यकर्ताले प्रशिक्षण लिने आयोजक नेविसंघ नवलपरासीका सचिव अबिनाश रेग्मीले बताए ।

यसैबीच, नेपाली कांग्रेसको निर्वाचन समितिले सात जिल्लालाई असार पहिलो साताभित्र निर्वाचन गर्न निर्देशन दिएको छ ।

कांग्रेसको १३ औं महाधिवेशन गत फागुन तेस्रो साता नै भइसकेको छ । तर, तराई मधेसका तीनसहित सात जिल्ला र एक क्षेत्रको चुनाव हुन सकेको छैन ।

चुनाव हुन नसकेका जिल्लाहरुमा सिरहा, धनुषा, महोत्तरी, सिन्धुपाल्चोक, पर्सा, बझाङ र कञ्चनपुर छन् । यस्तै धनुषाको क्षेत्र नम्बर ५ को पनि चुनानव हुन सकेको छैन ।

कांग्रेसको केन्द्रीय निर्वाचन समितिको शनिबार बसेको बैठकले जेठ २५ देखि असार पहिलो सातासम्ममा निर्वाचन गर्न निर्देशन दिएको छ ।

Comments

उस्तै उस्तै खबरहरु

‘नेकपा’ बन्याे इतिहासकै शक्तिशाली पार्टी

काठमाडौं, ४ जेठ । नेकपा एमाले र माओवादीकेन्द्र मिलेर बनेको नयाँ पार्टी ‘नेपाल कम्युनिष्ट पार्टी’ इतिहासकै शक्तिशाली पार्टी बनेको छ । टुटफुटको इतिहास बोकेका दुई ठूला कम्युनिष्ट पार्टीको ऐतिहासिक एकीकरणले जन्मिएको नेकपा दक्षिण एसियाकै ठूलो कम्युनिष्ट पार्टी बनेको छ ।
एमाले–माओवादी मिलेर ‘नेपाल कम्युनिष्ट पार्टी’ घोषणा

काठमाडौं, जेठ । एमाले–माओवादी पार्टीबीच एकता भएको छ । बिहीबार अपरान्ह राष्ट्रिय सभागृहमा भएको घोषणा सभामा दुवै पार्टी एकीकरण गरी नयाँ ‘नेपाल कम्युनिष्ट पार्टी’ घोषणा गरिएको हो । एकतापछि नयाँ पार्टीमा ४४१ सदस्यीय केन्द्रीय समिति बनाइएको छ ।
‘मोदीको नेपाल भ्रमण ऐतिहासिक’

काठमाडौं, ३० बैशाख । सरकारले भारतीय प्रधानमन्त्री नरेन्द्र मोदीको नेपाल भ्रमण सफल र ऐतिहासिक भएको बताएको छ । दुई दिने राजकिय भ्रमण सकेर शनिबार भारतीय प्रधानमन्त्री नरेन्द्र मोदी स्वदेश फर्किए लगत्तै अन्तराष्ट्रिय विमानस्थलमा सञ्चारकर्मीलाई प्रतिक्रिया दिँदै
राष्ट्रपति भण्डारी र मोदीबीच भेट

काठमाडौं, २८ बैशाख । नेपालको दुई दिने राजकीय भ्रमणमा रहेका भारतका प्रधानमन्त्री नरेन्द्र मोदीले राष्ट्रपति विद्या भण्डारीलाई भेटेका छन्। राष्ट्रपति कार्यालय शीतल निवास पुगेर प्रधानमन्त्री मोदीले राष्ट्रपति भण्डारीसँग भेटवार्ता गरेका हुन्। यस अघि उनले उपराष्ट्रपति नन्दबहादुर पुनलाई भेटेका थिए।
टुँडिखेलमा मोदीलाई गार्ड अफ अनर

काठमाडाैं, २८ बैशाख । नेपालको दुईदिने धार्मिक भ्रमणमा आएका भारतीय प्रधानमन्त्री नरेन्द्र मोदी काठमाडौं आइपुगेसँगै राजनीतिक भेटवार्तामा सक्रिय भएका छन् । भारतबाट एयर इन्डियाको विशेष विमानमार्फत जनकपुर आइपुगेका मोदी केहीबेर दिउँसाे काठमाडाैं अाएका हुन् ।
भारतीय प्रधानमन्त्रीकाे नेपाल भ्रमण (LIVE)

जनकपुर, २८ बैशाख । नेपालको दुई दिने राजकीय भ्रमणमा रहेका भारतीय प्रधानमन्त्री नरेन्द्र मोदीलाई जनकपुरमा भव्य स्वागत गरिएको छ । जानकी मन्दिरमा पूजा आरधना र रामायण सर्किटको उद्घाटनपछि माेदीलार्इ