राजनीति

महतो मधेश झरेपछि उपेन्द्रले आन्दोलन उचाले

काठमाडौं । संविधान पुनर्लेखन सहित २६ बुँदे माग अघि सार्दै राजधानी केन्द्रित आन्दोलन थालेको संघीय गठबन्धनमा आन्दोलनका थप कार्यक्रम सार्वजनिक गरेको छ । संयुक्त लोकतान्त्रिक मधेसी मोर्चाका नेता तथा सद्भावना पार्टीका अध्यक्ष राजेन्द्र महतो मधेस झरेपछि मोर्चाका नेता उपेन्द्र यादवले आन्दोलनको नयाँ कार्यक्रम घोषणा गरेका छन् ।

नयाँ संविधान जारी नहुँदैदेखि थालेको मधेस आन्दोलन सफल नभएपछि जेठ १ देखि जनजातिसमेतको साथमा राजधानी केन्द्रित आन्दोलन थालियो । आफ्ना मागहरुप्रति सरकारले वेवास्ता गरेपछि मोर्चाका नेता उपेन्द्र यादवले थप आन्दोलनको कार्यक्रम घोषणा गरेको जनाएका छन् । १५ दिनभन्दा बढी राजधानी केन्द्रित आन्दोलन गर्दा पनि सरकारले नसुनेपछि मोर्चाका नेता महतो भने मधेस झरेका हुन् ।

महतोले तराईमा आन्दोलन सशक्त पारिरहेका छन् । आफूहरुको माग पूरा नभएसम्म काठमाडौं नछाड्ने बताएका महतो आइतबार बीरगञ्जको आन्दोलनको अगुवाइ गरे ।

महतो र उपेन्द्रबीच विवाद भइरहँदा महतो नभएको मौका पारी उपेन्द्रले सोमबार राजधानी केन्द्रित आन्दोलनकै नयाँ कार्यक्रम सार्वजनिक गरेका हुन् ।

गठबन्धनको तर्फबाट सार्वजनिक गरिएको कार्यक्रमअनुसार जेठ २५ गतेदेखि राजधानीमै रिलेअनसन गर्ने रहेको छ । महतो लगायत मधेसी मोर्चाका नेताहरु भने मधेसमै आन्दोलन चर्काउनुपर्ने पक्षमा छन् ।

यस्तो छ आन्दालनको कार्यक्रमः

१. २०७३ जेष्ठ २५ गतेदेखि असार मसान्तसम्म प्रत्येक दिन बिहान ७ बजेदेखि बेलुका ७ बजेसम्म काठमाडौँको शहीद मञ्चमा रिले अनसन बस्ने ।
२. गठबन्धनका प्रत्येक घटकबाट आ–आफ्ना भातृ सङ्गठनहरूलाई पनि सहभागी गराएर प्रत्येक दिन १÷१ जना अनसन बस्ने ।
३. आन्दोलनलाई प्रभावकारी बनाउन प्रत्येक दिन ३ बजे पश्चात् अनसन स्थलमा साहित्यिक कार्यक्रम, सांस्कृतिक सभा र जनसभाको आयोजना गर्ने ।
४. प्रदेश तथा जिल्लाहरूले पनि गठबन्धनका घटक दलहरूको बैठक बसी यस्तै प्रकृतिका आन्दोलनका कार्यक्रमहरू तय गर्न सकिने ।
५. अन्य कार्यक्रमहरू आवश्यकता अनुसार गठबन्धनले सार्वजनिक गर्ने ।

Comments

उस्तै उस्तै खबरहरु

‘नेकपा’ बन्याे इतिहासकै शक्तिशाली पार्टी

काठमाडौं, ४ जेठ । नेकपा एमाले र माओवादीकेन्द्र मिलेर बनेको नयाँ पार्टी ‘नेपाल कम्युनिष्ट पार्टी’ इतिहासकै शक्तिशाली पार्टी बनेको छ । टुटफुटको इतिहास बोकेका दुई ठूला कम्युनिष्ट पार्टीको ऐतिहासिक एकीकरणले जन्मिएको नेकपा दक्षिण एसियाकै ठूलो कम्युनिष्ट पार्टी बनेको छ ।
एमाले–माओवादी मिलेर ‘नेपाल कम्युनिष्ट पार्टी’ घोषणा

काठमाडौं, जेठ । एमाले–माओवादी पार्टीबीच एकता भएको छ । बिहीबार अपरान्ह राष्ट्रिय सभागृहमा भएको घोषणा सभामा दुवै पार्टी एकीकरण गरी नयाँ ‘नेपाल कम्युनिष्ट पार्टी’ घोषणा गरिएको हो । एकतापछि नयाँ पार्टीमा ४४१ सदस्यीय केन्द्रीय समिति बनाइएको छ ।
‘मोदीको नेपाल भ्रमण ऐतिहासिक’

काठमाडौं, ३० बैशाख । सरकारले भारतीय प्रधानमन्त्री नरेन्द्र मोदीको नेपाल भ्रमण सफल र ऐतिहासिक भएको बताएको छ । दुई दिने राजकिय भ्रमण सकेर शनिबार भारतीय प्रधानमन्त्री नरेन्द्र मोदी स्वदेश फर्किए लगत्तै अन्तराष्ट्रिय विमानस्थलमा सञ्चारकर्मीलाई प्रतिक्रिया दिँदै
राष्ट्रपति भण्डारी र मोदीबीच भेट

काठमाडौं, २८ बैशाख । नेपालको दुई दिने राजकीय भ्रमणमा रहेका भारतका प्रधानमन्त्री नरेन्द्र मोदीले राष्ट्रपति विद्या भण्डारीलाई भेटेका छन्। राष्ट्रपति कार्यालय शीतल निवास पुगेर प्रधानमन्त्री मोदीले राष्ट्रपति भण्डारीसँग भेटवार्ता गरेका हुन्। यस अघि उनले उपराष्ट्रपति नन्दबहादुर पुनलाई भेटेका थिए।
टुँडिखेलमा मोदीलाई गार्ड अफ अनर

काठमाडाैं, २८ बैशाख । नेपालको दुईदिने धार्मिक भ्रमणमा आएका भारतीय प्रधानमन्त्री नरेन्द्र मोदी काठमाडौं आइपुगेसँगै राजनीतिक भेटवार्तामा सक्रिय भएका छन् । भारतबाट एयर इन्डियाको विशेष विमानमार्फत जनकपुर आइपुगेका मोदी केहीबेर दिउँसाे काठमाडाैं अाएका हुन् ।
भारतीय प्रधानमन्त्रीकाे नेपाल भ्रमण (LIVE)

जनकपुर, २८ बैशाख । नेपालको दुई दिने राजकीय भ्रमणमा रहेका भारतीय प्रधानमन्त्री नरेन्द्र मोदीलाई जनकपुरमा भव्य स्वागत गरिएको छ । जानकी मन्दिरमा पूजा आरधना र रामायण सर्किटको उद्घाटनपछि माेदीलार्इ