राजनीति

बजेटपछि मेरै नेतृत्वमा सरकार: प्रचण्ड

चितवन । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले बजेट लगत्तै आफ्नो नेतृत्वमा सरकार बन्ने बताएका छन् । क्रान्तिकारी पत्रकार संघ चितवनले गरेको पत्रकार सम्मेलनमा बोल्दै प्रचण्डले आगामी बजेट लगत्तै आफ्नो नेतृत्वमा सरकार बनाउने सत्तारुढ दल एमालेसँग सहमति भएको उनले खुलासा गरेका हुन् ।
आफ्नो नेतृत्वमा सरकार बनाउने लिखित सहमति नभए पनि एमालेसँगको नौ बुँदे सहमतिका क्रममा आफ्नो नेतृत्वमा सरकार बनाउने समझदारी भएको दाबी गर्दै बजेट आएसँगै सरकार परिवर्तको खेल शुरु हुने र त्यहामा नेतृत्व आफ्नो काँधमा आउने ठोकुवा गरे ।
यता एमालेले भने ओली नेतृत्वकै सरकारलाई निरन्तरता दिने माओवादीसँग सहमति भएको दाबी गर्दै आएका छन् । तर दलहरुले भने संविधानको कार्यान्वयनका लागि राष्ट्रिय सहमतिको सरकार निर्माणमा जोड दिँदै आएका छन् ।
संविधान कार्यान्वयन, भूकम्पपछिको पुनःनिर्माण, मधेस समस्या समाधान र विकास निर्माणका लागि राष्ट्रिय सहमति जरुरी रहेको उनले बताए । आफ्नो पक्षमा राष्ट्रिय सहमति जुट्न सहज हुने समेत प्रचण्डले दाबी गरे ।
भूकम्प गएलगत्तै राष्ट्रिय सहमतिको सरकार आवश्यक रहेकाले दह्रोसँग उभिन तत्कालीन प्रधानमन्त्री सुशील कोइरालालाई आफूले आग्रह गरेको भन्दै संविधान जारी हुँदासमेत आफूले राष्ट्रिय सहमतिमै जोड दिएको प्रचण्डले चर्चा गरे ।
त्यस्तै, अध्यक्ष प्रचण्डले सबै दलबीच सहमति गरी स्थानीय निकायको निर्वाचन गरिने बताए । सरकारले आगामी मंसिरमा स्थानीय निकायको निर्वाचन गर्ने नीति तथा कार्यक्रममा नै उल्लेख गरे पनि प्रचण्डले सहमतिमा मात्रै निर्वाचन हुने बताए । फागुनको अन्त्यसम्ममा स्थानीय पुनःसंरचनाको आयोगको प्रतिवेदन आउने भएकाले त्यसअघि स्थानीय निकायको निर्वाचन नहुने उनले प्रष्ट्याए । स्थानीय पुनःसंरचनाको आयोगको प्रतिवेदन नआउँदासम्म स्थानीय निकायको निर्वाचन नगर्न प्रमुख विपक्षी दल कांग्रेसले समेत सुझाएको उनले बताए । उनले आगामी मंसिरमा नभइ चैत–बैशाखसम्ममा स्थानीय निकायको निर्वाचन हुने सम्भावना रहेको औंल्याए ।

सर्वोच्चमा लिखित जवाफ पठाउँदै प्रचण्ड
नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले सर्वोच्च अदालतमा शुक्रबार लिखित जवाफ पठाउने भएका छन् ।
अदालतको मानहानी गरेको भन्दै प्रचण्डविरुद्ध परेको रिटमा तीन दिनभित्र सर्वोच्चमा उपस्थित हुन आदेश दिइएको थियो । तर प्रचण्ड भने सर्वोच्चमा उपस्थित नभइ लिखित जवाफ पठाउने भएका हुन् । चितवनमा विहीबार भएको पत्रकार भेटघाटका क्रममा प्रचण्डले आफूले अदालतको सम्मान गर्ने बताए । अदालतको सम्मान गर्दै आफूले अदालतमा लिखित जवाफ पठाउन लागेको उनले बताए । आफू नै जानुपर्ने नदेखिएकाले लिखित जवाफ लिएर वारेस पठाउने उनले जानकारी दिए ।

Comments

उस्तै उस्तै खबरहरु

‘नेकपा’ बन्याे इतिहासकै शक्तिशाली पार्टी

काठमाडौं, ४ जेठ । नेकपा एमाले र माओवादीकेन्द्र मिलेर बनेको नयाँ पार्टी ‘नेपाल कम्युनिष्ट पार्टी’ इतिहासकै शक्तिशाली पार्टी बनेको छ । टुटफुटको इतिहास बोकेका दुई ठूला कम्युनिष्ट पार्टीको ऐतिहासिक एकीकरणले जन्मिएको नेकपा दक्षिण एसियाकै ठूलो कम्युनिष्ट पार्टी बनेको छ ।
एमाले–माओवादी मिलेर ‘नेपाल कम्युनिष्ट पार्टी’ घोषणा

काठमाडौं, जेठ । एमाले–माओवादी पार्टीबीच एकता भएको छ । बिहीबार अपरान्ह राष्ट्रिय सभागृहमा भएको घोषणा सभामा दुवै पार्टी एकीकरण गरी नयाँ ‘नेपाल कम्युनिष्ट पार्टी’ घोषणा गरिएको हो । एकतापछि नयाँ पार्टीमा ४४१ सदस्यीय केन्द्रीय समिति बनाइएको छ ।
‘मोदीको नेपाल भ्रमण ऐतिहासिक’

काठमाडौं, ३० बैशाख । सरकारले भारतीय प्रधानमन्त्री नरेन्द्र मोदीको नेपाल भ्रमण सफल र ऐतिहासिक भएको बताएको छ । दुई दिने राजकिय भ्रमण सकेर शनिबार भारतीय प्रधानमन्त्री नरेन्द्र मोदी स्वदेश फर्किए लगत्तै अन्तराष्ट्रिय विमानस्थलमा सञ्चारकर्मीलाई प्रतिक्रिया दिँदै
राष्ट्रपति भण्डारी र मोदीबीच भेट

काठमाडौं, २८ बैशाख । नेपालको दुई दिने राजकीय भ्रमणमा रहेका भारतका प्रधानमन्त्री नरेन्द्र मोदीले राष्ट्रपति विद्या भण्डारीलाई भेटेका छन्। राष्ट्रपति कार्यालय शीतल निवास पुगेर प्रधानमन्त्री मोदीले राष्ट्रपति भण्डारीसँग भेटवार्ता गरेका हुन्। यस अघि उनले उपराष्ट्रपति नन्दबहादुर पुनलाई भेटेका थिए।
टुँडिखेलमा मोदीलाई गार्ड अफ अनर

काठमाडाैं, २८ बैशाख । नेपालको दुईदिने धार्मिक भ्रमणमा आएका भारतीय प्रधानमन्त्री नरेन्द्र मोदी काठमाडौं आइपुगेसँगै राजनीतिक भेटवार्तामा सक्रिय भएका छन् । भारतबाट एयर इन्डियाको विशेष विमानमार्फत जनकपुर आइपुगेका मोदी केहीबेर दिउँसाे काठमाडाैं अाएका हुन् ।
भारतीय प्रधानमन्त्रीकाे नेपाल भ्रमण (LIVE)

जनकपुर, २८ बैशाख । नेपालको दुई दिने राजकीय भ्रमणमा रहेका भारतीय प्रधानमन्त्री नरेन्द्र मोदीलाई जनकपुरमा भव्य स्वागत गरिएको छ । जानकी मन्दिरमा पूजा आरधना र रामायण सर्किटको उद्घाटनपछि माेदीलार्इ