राजनीति

उखान टुक्काविरुद्ध खनिए खनाल र नेपाल

काठमाडौं । एमाले अध्यक्ष केपी ओली विरुद्ध आफ्नै पार्टीका नेताहरु विरोधमा उत्रिएका छन् । ओली नेतृत्वमा सरकार बनेको आठ महिना पनि वित्न नपाउँदै उनकै पार्टी एमालेभित्र संगठित असन्तुष्टिका स्वर चर्किन थालेका हुन्।

माधवकुमार नेपाल र झलनाथ खनालले काठमाडौंमा आफू पक्षधर नेताकार्यकर्ताको भेला गर्दै अध्यक्ष ओलीको सत्तोसराप खन्न थालेका छन् ।

पार्टी अध्यक्ष रहेका प्रधानमन्त्री ओलीले सरसल्लाहका लागि कुनै उपयुक्त फोरम नदिएको भन्दै उनीहरुले दुई दिने भेला आयोजना गरेका हुन् । भेला बुधबार समापन हुँदैछ ।

भेलामा एमाले नेता माधवकुमार नेपालले प्रधानमन्त्री ओलीलाई सुहाउँदा र सक्ने सपना मात्रै देख्न आग्रह गरे । नपत्याउँदा सपना बाँडेर मजाकको पात्र नबन्न उनले प्रधानमन्त्री ओलीलाई सुझाएका छन् ।
प्रधानमन्त्रीले एकपछि अर्को विकासका योजना घोषणा गर्दै नेता नेपालले व्यंग्य गर्दै नेपालले भने, ‘घरघरमा ग्यास पाइप फिट गरिदिने कुरा पनि आएको छ, सपना देख्न पाइन्छ तर यो कुरा सगरमाथाबाट दार्चुलासम्म केबलकार चलाउँछु, विदेशबाट १० करोड पर्यटक भित्र्याउँछु भनेजस्तै हो । सपना देख्नुपर्छ, सपना देख्नु राम्रो पनि हो तर त्यो यथार्थ र तथ्यसंगत हुनुपर्छ ।’

नेता नेपालले पार्टी भित्र मौलाएको आसेपासे पोस्ने प्रवृत्तिले एमाले नै धरासायी बन्ने अवस्थामा पुगेको बताए । केन्द्रीय समिति र पोलिटब्युरोमा मात्र होइन, नेताहरुबीच कुनै सल्लाह नहुने गरेको उनको भनाइ थियो । योभन्दा विडम्वना के अरु के हुन सक्छ ? उनले भने, ‘म पार्टीको विदेश विभाग प्रमुख हुँ तर, कहिले को चीन जान्छ मलाई नै अत्तोपत्तो हुँदैन ।’ विज्ञलाई समेत बाहिर राखेर आसेपासेलाई स्थान दिनु पार्टीका लागि नै घातक भएको उनको तर्क थियो ।

नेपाल–खनाल पक्षले आगामी दसौं महाधिवेशनका लागि अध्यक्षको उम्मेदवारका रुपमा नेपाललाई अगाडि सारेको छ । ओली पक्षले यस्तो भेला गर्न र आफ्नो समूह बलियो बनाउन मदन भण्डारी प्रतिष्ठान र नेपाल पक्षले मदन भण्डारी अध्ययन केन्द्रलाई ब्यानर बनाउँदै आएका छन् ।

Comments

उस्तै उस्तै खबरहरु

‘नेकपा’ बन्याे इतिहासकै शक्तिशाली पार्टी

काठमाडौं, ४ जेठ । नेकपा एमाले र माओवादीकेन्द्र मिलेर बनेको नयाँ पार्टी ‘नेपाल कम्युनिष्ट पार्टी’ इतिहासकै शक्तिशाली पार्टी बनेको छ । टुटफुटको इतिहास बोकेका दुई ठूला कम्युनिष्ट पार्टीको ऐतिहासिक एकीकरणले जन्मिएको नेकपा दक्षिण एसियाकै ठूलो कम्युनिष्ट पार्टी बनेको छ ।
एमाले–माओवादी मिलेर ‘नेपाल कम्युनिष्ट पार्टी’ घोषणा

काठमाडौं, जेठ । एमाले–माओवादी पार्टीबीच एकता भएको छ । बिहीबार अपरान्ह राष्ट्रिय सभागृहमा भएको घोषणा सभामा दुवै पार्टी एकीकरण गरी नयाँ ‘नेपाल कम्युनिष्ट पार्टी’ घोषणा गरिएको हो । एकतापछि नयाँ पार्टीमा ४४१ सदस्यीय केन्द्रीय समिति बनाइएको छ ।
‘मोदीको नेपाल भ्रमण ऐतिहासिक’

काठमाडौं, ३० बैशाख । सरकारले भारतीय प्रधानमन्त्री नरेन्द्र मोदीको नेपाल भ्रमण सफल र ऐतिहासिक भएको बताएको छ । दुई दिने राजकिय भ्रमण सकेर शनिबार भारतीय प्रधानमन्त्री नरेन्द्र मोदी स्वदेश फर्किए लगत्तै अन्तराष्ट्रिय विमानस्थलमा सञ्चारकर्मीलाई प्रतिक्रिया दिँदै
राष्ट्रपति भण्डारी र मोदीबीच भेट

काठमाडौं, २८ बैशाख । नेपालको दुई दिने राजकीय भ्रमणमा रहेका भारतका प्रधानमन्त्री नरेन्द्र मोदीले राष्ट्रपति विद्या भण्डारीलाई भेटेका छन्। राष्ट्रपति कार्यालय शीतल निवास पुगेर प्रधानमन्त्री मोदीले राष्ट्रपति भण्डारीसँग भेटवार्ता गरेका हुन्। यस अघि उनले उपराष्ट्रपति नन्दबहादुर पुनलाई भेटेका थिए।
टुँडिखेलमा मोदीलाई गार्ड अफ अनर

काठमाडाैं, २८ बैशाख । नेपालको दुईदिने धार्मिक भ्रमणमा आएका भारतीय प्रधानमन्त्री नरेन्द्र मोदी काठमाडौं आइपुगेसँगै राजनीतिक भेटवार्तामा सक्रिय भएका छन् । भारतबाट एयर इन्डियाको विशेष विमानमार्फत जनकपुर आइपुगेका मोदी केहीबेर दिउँसाे काठमाडाैं अाएका हुन् ।
भारतीय प्रधानमन्त्रीकाे नेपाल भ्रमण (LIVE)

जनकपुर, २८ बैशाख । नेपालको दुई दिने राजकीय भ्रमणमा रहेका भारतीय प्रधानमन्त्री नरेन्द्र मोदीलाई जनकपुरमा भव्य स्वागत गरिएको छ । जानकी मन्दिरमा पूजा आरधना र रामायण सर्किटको उद्घाटनपछि माेदीलार्इ