राजनीति

वार्ताको मध्यस्थता कांग्रेसले गर्छ: पौडेल

नवलपरासी । नेपाली कांग्रेसका नेता रामचन्द्र पौडेलले सरकार र आन्दोलनरत संघीय गठबन्धनबीच वार्ताका लागि नेपाली कांग्रेसले मध्यस्थता गर्ने बताएका छन् । नवलपरासीमा नेता पौडेलले मुलुकको समस्या समाधान गर्न आन्दोलनकारी र सरकारबीच मध्यस्थता गर्नुपर्ने जिम्मेवारी कांग्रेसको काँधमा आएको बताए । अब आफूहरुले त्यसका लागि पहल थाल्ने उनको भनाई थियो ।
पौडेलले भने, ‘मुलुक डेडलकमा फसेको छ । हामी सबै पक्षसँग कुरा गरेर वार्ताको वातावरण बनाउँछौं ।’
शाखा सभापति पुरुषोत्तम सुवेदीको सभापतित्वमा भएको साक्षात्कारमा उनले अब कांग्रेसले वार्तासँगै संविधान कार्यान्वयनका लागि समेत नेतृत्व लिने स्पष्ट पारे ।
‘देशमा तत्काल देखिएको विभिन्न समस्या समाधानमा कांग्रेस अघि बढ्छ,’ उनले भने, ‘अब देशलाई निकास दिन कांग्रेसले संविधान कार्यान्वन साथै लोकतन्त्र संस्थागत गर्न आफूलाई केन्द्रीत गर्छ ।’
सरकारले जनतामुखी काम गर्न नसकेको आरोप लगाउँदै उनले स्थानीय निकायको निर्वाचन गराउने चर्चा अनावश्यक भएको दाबी गरे । उनले तत्काल स्थानीय निकायको निर्वाचनभन्दा पनि संविधान कार्यान्वयन र जनताको सरोकारका विषय समाधान गर्नु पहिलो प्राथमिकताको विषय भएको बताए ।
देश संघीयतातर्फ उन्मुख भईसकेकाले पुरानो संरचनाको गाविस वा नगरपालिकाको नभई संघीयताका आधारमा गाउँपालिका, नगरपालिका अनुसारको निर्वाचन आवश्यक रहेको उनको भनाई थियो ।

Comments

उस्तै उस्तै खबरहरु

‘नेकपा’ बन्याे इतिहासकै शक्तिशाली पार्टी

काठमाडौं, ४ जेठ । नेकपा एमाले र माओवादीकेन्द्र मिलेर बनेको नयाँ पार्टी ‘नेपाल कम्युनिष्ट पार्टी’ इतिहासकै शक्तिशाली पार्टी बनेको छ । टुटफुटको इतिहास बोकेका दुई ठूला कम्युनिष्ट पार्टीको ऐतिहासिक एकीकरणले जन्मिएको नेकपा दक्षिण एसियाकै ठूलो कम्युनिष्ट पार्टी बनेको छ ।
एमाले–माओवादी मिलेर ‘नेपाल कम्युनिष्ट पार्टी’ घोषणा

काठमाडौं, जेठ । एमाले–माओवादी पार्टीबीच एकता भएको छ । बिहीबार अपरान्ह राष्ट्रिय सभागृहमा भएको घोषणा सभामा दुवै पार्टी एकीकरण गरी नयाँ ‘नेपाल कम्युनिष्ट पार्टी’ घोषणा गरिएको हो । एकतापछि नयाँ पार्टीमा ४४१ सदस्यीय केन्द्रीय समिति बनाइएको छ ।
‘मोदीको नेपाल भ्रमण ऐतिहासिक’

काठमाडौं, ३० बैशाख । सरकारले भारतीय प्रधानमन्त्री नरेन्द्र मोदीको नेपाल भ्रमण सफल र ऐतिहासिक भएको बताएको छ । दुई दिने राजकिय भ्रमण सकेर शनिबार भारतीय प्रधानमन्त्री नरेन्द्र मोदी स्वदेश फर्किए लगत्तै अन्तराष्ट्रिय विमानस्थलमा सञ्चारकर्मीलाई प्रतिक्रिया दिँदै
राष्ट्रपति भण्डारी र मोदीबीच भेट

काठमाडौं, २८ बैशाख । नेपालको दुई दिने राजकीय भ्रमणमा रहेका भारतका प्रधानमन्त्री नरेन्द्र मोदीले राष्ट्रपति विद्या भण्डारीलाई भेटेका छन्। राष्ट्रपति कार्यालय शीतल निवास पुगेर प्रधानमन्त्री मोदीले राष्ट्रपति भण्डारीसँग भेटवार्ता गरेका हुन्। यस अघि उनले उपराष्ट्रपति नन्दबहादुर पुनलाई भेटेका थिए।
टुँडिखेलमा मोदीलाई गार्ड अफ अनर

काठमाडाैं, २८ बैशाख । नेपालको दुईदिने धार्मिक भ्रमणमा आएका भारतीय प्रधानमन्त्री नरेन्द्र मोदी काठमाडौं आइपुगेसँगै राजनीतिक भेटवार्तामा सक्रिय भएका छन् । भारतबाट एयर इन्डियाको विशेष विमानमार्फत जनकपुर आइपुगेका मोदी केहीबेर दिउँसाे काठमाडाैं अाएका हुन् ।
भारतीय प्रधानमन्त्रीकाे नेपाल भ्रमण (LIVE)

जनकपुर, २८ बैशाख । नेपालको दुई दिने राजकीय भ्रमणमा रहेका भारतीय प्रधानमन्त्री नरेन्द्र मोदीलाई जनकपुरमा भव्य स्वागत गरिएको छ । जानकी मन्दिरमा पूजा आरधना र रामायण सर्किटको उद्घाटनपछि माेदीलार्इ