राजनीति

माओवादी एकताको अन्तिम तयारी

काठमाडौं, जेठ– ५ । विभिन्न टुक्रामा विभाजित माओवादी घटकले यही जेठ ६ गते विहिबार औपचारिक रुपमा पार्टी एकताको घोषणा गर्ने भएका छन् । एकीकृत नेकपा (माओवादी), नेकपा (क्रान्तिकारी माओवादी), नेकपा(माओवादी), क्रान्तिकारी कम्युनिष्ट पार्टी र नेत्रविक्रम चन्दको नेतृत्वमा रहेका माओवादी र नयाँ शक्ति नेपालमा लागेका केही नेताहरुले संयुक्त रुपमा एकताको घोषणा गर्ने तयारी गरेका हुन् ।

पार्टी एकतालाई अन्तिम रुप दिन एमाओवादी अध्यक्ष पुष्पकमल दाहाल, उपाध्यक्ष नारायणकाजी श्रेष्ठ, महासचिव कृष्णबहादुर महरा, नेकपा (क्रान्तिकारी माओवादी)का तर्फबाट रामबहादुर थापा, देव गुरुङ, हितमान शाक्य, कुलप्रसाद केसीलगायतको समूहले साङ्गठनिक तथा सैद्धान्तिक विषयमा छलफल गर्ने जिम्मेवारी तोकिएको छ ।

एकताका लागि राजनीतिक प्रतिवेदन लेख्ने जिम्मा एमाओवादी अध्यक्ष दाहाललाई दिइएको छ । दाहाल यतिखेर प्रतिवेदन लेखनमा व्यस्त भएका छन् । अध्यक्ष दाहालले एकताका न्यूनतम आधारसम्बन्धी १३ बुँदे सहमतिमा हस्ताक्षर भएपछि सोही आधारमा विस्तृतमा व्याख्या गर्दै एकता भेलामा प्रस्तुत गर्ने तयारी गरिरहेका छन् । अध्यक्ष दाहालले एकता प्रक्रियालाई गति दिनका लागि आकस्मिक भेटघाट तथा सार्वजनिक सबै कार्यक्रम स्थगित गरी एकताको तीव्र तयारीमा जुटेका छन् ।

एकता घोषणा भएको एक वर्षभित्र महाधिवेशन गर्ने तयारी समेत गरिएको छ । हाल एमाओवादीको केन्द्रीय समितिमा १५० जना रहेको, बादलसँगै आउने सबै, क्रान्तिकारी कम्युनिष्ट पार्टी र अन्य घटकबाट आउने सबैलाई समेटेर ४९९ जनाको केन्द्रीय समिति बनाउने तयारी गरिएको छ ।

Comments

उस्तै उस्तै खबरहरु

‘नेकपा’ बन्याे इतिहासकै शक्तिशाली पार्टी

काठमाडौं, ४ जेठ । नेकपा एमाले र माओवादीकेन्द्र मिलेर बनेको नयाँ पार्टी ‘नेपाल कम्युनिष्ट पार्टी’ इतिहासकै शक्तिशाली पार्टी बनेको छ । टुटफुटको इतिहास बोकेका दुई ठूला कम्युनिष्ट पार्टीको ऐतिहासिक एकीकरणले जन्मिएको नेकपा दक्षिण एसियाकै ठूलो कम्युनिष्ट पार्टी बनेको छ ।
एमाले–माओवादी मिलेर ‘नेपाल कम्युनिष्ट पार्टी’ घोषणा

काठमाडौं, जेठ । एमाले–माओवादी पार्टीबीच एकता भएको छ । बिहीबार अपरान्ह राष्ट्रिय सभागृहमा भएको घोषणा सभामा दुवै पार्टी एकीकरण गरी नयाँ ‘नेपाल कम्युनिष्ट पार्टी’ घोषणा गरिएको हो । एकतापछि नयाँ पार्टीमा ४४१ सदस्यीय केन्द्रीय समिति बनाइएको छ ।
‘मोदीको नेपाल भ्रमण ऐतिहासिक’

काठमाडौं, ३० बैशाख । सरकारले भारतीय प्रधानमन्त्री नरेन्द्र मोदीको नेपाल भ्रमण सफल र ऐतिहासिक भएको बताएको छ । दुई दिने राजकिय भ्रमण सकेर शनिबार भारतीय प्रधानमन्त्री नरेन्द्र मोदी स्वदेश फर्किए लगत्तै अन्तराष्ट्रिय विमानस्थलमा सञ्चारकर्मीलाई प्रतिक्रिया दिँदै
राष्ट्रपति भण्डारी र मोदीबीच भेट

काठमाडौं, २८ बैशाख । नेपालको दुई दिने राजकीय भ्रमणमा रहेका भारतका प्रधानमन्त्री नरेन्द्र मोदीले राष्ट्रपति विद्या भण्डारीलाई भेटेका छन्। राष्ट्रपति कार्यालय शीतल निवास पुगेर प्रधानमन्त्री मोदीले राष्ट्रपति भण्डारीसँग भेटवार्ता गरेका हुन्। यस अघि उनले उपराष्ट्रपति नन्दबहादुर पुनलाई भेटेका थिए।
टुँडिखेलमा मोदीलाई गार्ड अफ अनर

काठमाडाैं, २८ बैशाख । नेपालको दुईदिने धार्मिक भ्रमणमा आएका भारतीय प्रधानमन्त्री नरेन्द्र मोदी काठमाडौं आइपुगेसँगै राजनीतिक भेटवार्तामा सक्रिय भएका छन् । भारतबाट एयर इन्डियाको विशेष विमानमार्फत जनकपुर आइपुगेका मोदी केहीबेर दिउँसाे काठमाडाैं अाएका हुन् ।
भारतीय प्रधानमन्त्रीकाे नेपाल भ्रमण (LIVE)

जनकपुर, २८ बैशाख । नेपालको दुई दिने राजकीय भ्रमणमा रहेका भारतीय प्रधानमन्त्री नरेन्द्र मोदीलाई जनकपुरमा भव्य स्वागत गरिएको छ । जानकी मन्दिरमा पूजा आरधना र रामायण सर्किटको उद्घाटनपछि माेदीलार्इ