राजनीति

यो सरकार अर्को प्रतिनिधिसाभाको चुनाव सम्मः ओली

काठमाडौं । प्रधानमन्त्री केपी शर्मा ओलीले वर्तमान सरकार अर्को प्रतिनिधिसभाको निर्वाचनसम्म रहने दाबी गरेका छन् । गत आइतबार राष्ट्रपति विद्यादेवी भण्डारीले संसदमा पेश गर्नुभएको सरकारको नीति तथा कार्यक्रममाथि सांसदले राखेका प्रश्नहरुको जवाफ दिँदै प्रधानमन्त्री ओलीले यो सरकार अर्को प्रतिनिधिसभाको चुनावसम्म रहने दाबी गरेका हुन् ।
प्रधानमन्त्री ओलीले कसैले गरेको टिका–टिप्पणीका आधारमा सरकार नहटने बताएका छन् । बैठकमा ओलीले नीति तथा कार्यक्रमले महत्वका साथ अघि सारेका संविधान कार्यन्वयनको कुरा, भूकम्प पुनर्निर्माणका कुरामा हामी सबै सहमत रहेको बताए । सरकार संविधनको प्रभावकारी कार्यन्वयन र सीमांकनको राजनीतिक समाधान खोज्न प्रतिबद्ध रहेको ओलीले दाबी गरे ।

यसैबीच, प्रमुख प्रतिपक्षी दल नेपाली कांग्रेसले बर्तमान सरकारलाई ‘म्यादी’ सरकारको संज्ञा दिएको विषयमा प्रधानमन्त्री ओलीले कुनै पनि सरकार सधैंका लागि स्थिर नहुने भएकाले ‘म्यादी सरकार’ भन्नु स्वाभाविक भएको बताए ।

स्थिरता, स्थायित्व र आवधिक सरकार पृथक् भए पनि सरकारको ध्यान सधैं राजनीतिक स्थिरतातिर केन्द्रित हुनुपर्ने भन्दै प्रधानमन्त्री ओलीले संविधान कार्यान्वयनका लागि सहमतिमा आउन असन्तुष्ट दलहरुसँग आग्रह गरे। ‘व्यवस्थापिका संसदको अवधि २०७४ माघ ७ सम्म रहेकाले त्यसअघि चुनाव गराउने सरकारले योजना बनाइसकेको ओलीले बताए ।

Comments

उस्तै उस्तै खबरहरु

‘नेकपा’ बन्याे इतिहासकै शक्तिशाली पार्टी

काठमाडौं, ४ जेठ । नेकपा एमाले र माओवादीकेन्द्र मिलेर बनेको नयाँ पार्टी ‘नेपाल कम्युनिष्ट पार्टी’ इतिहासकै शक्तिशाली पार्टी बनेको छ । टुटफुटको इतिहास बोकेका दुई ठूला कम्युनिष्ट पार्टीको ऐतिहासिक एकीकरणले जन्मिएको नेकपा दक्षिण एसियाकै ठूलो कम्युनिष्ट पार्टी बनेको छ ।
एमाले–माओवादी मिलेर ‘नेपाल कम्युनिष्ट पार्टी’ घोषणा

काठमाडौं, जेठ । एमाले–माओवादी पार्टीबीच एकता भएको छ । बिहीबार अपरान्ह राष्ट्रिय सभागृहमा भएको घोषणा सभामा दुवै पार्टी एकीकरण गरी नयाँ ‘नेपाल कम्युनिष्ट पार्टी’ घोषणा गरिएको हो । एकतापछि नयाँ पार्टीमा ४४१ सदस्यीय केन्द्रीय समिति बनाइएको छ ।
‘मोदीको नेपाल भ्रमण ऐतिहासिक’

काठमाडौं, ३० बैशाख । सरकारले भारतीय प्रधानमन्त्री नरेन्द्र मोदीको नेपाल भ्रमण सफल र ऐतिहासिक भएको बताएको छ । दुई दिने राजकिय भ्रमण सकेर शनिबार भारतीय प्रधानमन्त्री नरेन्द्र मोदी स्वदेश फर्किए लगत्तै अन्तराष्ट्रिय विमानस्थलमा सञ्चारकर्मीलाई प्रतिक्रिया दिँदै
राष्ट्रपति भण्डारी र मोदीबीच भेट

काठमाडौं, २८ बैशाख । नेपालको दुई दिने राजकीय भ्रमणमा रहेका भारतका प्रधानमन्त्री नरेन्द्र मोदीले राष्ट्रपति विद्या भण्डारीलाई भेटेका छन्। राष्ट्रपति कार्यालय शीतल निवास पुगेर प्रधानमन्त्री मोदीले राष्ट्रपति भण्डारीसँग भेटवार्ता गरेका हुन्। यस अघि उनले उपराष्ट्रपति नन्दबहादुर पुनलाई भेटेका थिए।
टुँडिखेलमा मोदीलाई गार्ड अफ अनर

काठमाडाैं, २८ बैशाख । नेपालको दुईदिने धार्मिक भ्रमणमा आएका भारतीय प्रधानमन्त्री नरेन्द्र मोदी काठमाडौं आइपुगेसँगै राजनीतिक भेटवार्तामा सक्रिय भएका छन् । भारतबाट एयर इन्डियाको विशेष विमानमार्फत जनकपुर आइपुगेका मोदी केहीबेर दिउँसाे काठमाडाैं अाएका हुन् ।
भारतीय प्रधानमन्त्रीकाे नेपाल भ्रमण (LIVE)

जनकपुर, २८ बैशाख । नेपालको दुई दिने राजकीय भ्रमणमा रहेका भारतीय प्रधानमन्त्री नरेन्द्र मोदीलाई जनकपुरमा भव्य स्वागत गरिएको छ । जानकी मन्दिरमा पूजा आरधना र रामायण सर्किटको उद्घाटनपछि माेदीलार्इ