राजनीति

नेपाल आउनुअघि मोदी चीन जाँदै

काठमाडाैं, ९ बैशाख । भारतीय प्रधानमन्त्री नरेन्द्र मोदी नेपाल भ्रमणमा आउनुअघि चीनको औपचारिक भ्रमणमा जाने भएका छन्। चिनीयाँ राष्ट्रपति सि जिनपिङको निमन्त्रणमा भारतीय प्रधानमन्त्री मोदी २ दिने भ्रमणका लागि आगामी साता चीन जाने तय भएको चिनीयाँ विदेश मन्त्री वाङ इले आज जानकारी दिएका हुन्।

भेटघाटका क्रममा दुई प्रमुख नेताबीच दोक्लाम विवादपछि चिसिएको भनिएको दुई देशको द्विपक्षीय सम्बन्ध सुदृढ गर्नमा मूख्य रुपमा छलफल हुने उनले बताए। आगामि अप्रिल २७ र २८(शुक्रबार र शनिबार) का लागि तय भएको भ्रमणमा दुई देशका राष्ट्रप्रमुखहबीच अनौपचारिक भेटघाट हुने समाचार संस्था पिटिआईले जनाएको छ।

भारतसहित ८ देश सदस्य रहेको सांघाई सहयोग संगठन(एससिओ)को भोलिबाट सुरु हुने २ दिने विदेश मन्त्रीहरुकाे सम्मेलनमा भाग लिन चीन गएकी भारतीय विदेश मन्त्री सुस्मा स्वराजसँगको छलफलपछि भ्रमणको मिति तय भएको विदेशमन्त्री वाङले बताए।

यसअघि मोदी आगामि वैशाख २८ मा नेपाल आउने तयारी थियो। नेपालको भ्रमण तय भएपछि अचानक मोदीको चीन भ्रमण तय हुनुलाई राजनीतिक वृतमा चासोका साथमा हेरिएको छ।

सन् २०१४ मा शक्तिमा आएपछि मोदीको यो चौथो चीन भ्रमण हुनेछ। यसअघि आगामि जुनमा हुने एससिओ सम्मेलनमा सम्बोधन गर्न प्रधानमन्त्री मोदी चीन जाने कार्यक्रम तय भएको थियो।

दोक्लाम विवादपछि गत डिसेम्बरमा चीनका विदेश मन्त्रीले भारतको भ्रमण गरेका थिए। सो क्रममा विदश मन्त्री वाङले भारतका प्रधानमन्त्री लगायतका शिर्ष नेताहरुसँग उच्चस्तरीय भेटघाट गरेका थिए।

Comments

उस्तै उस्तै खबरहरु

‘नेकपा’ बन्याे इतिहासकै शक्तिशाली पार्टी

काठमाडौं, ४ जेठ । नेकपा एमाले र माओवादीकेन्द्र मिलेर बनेको नयाँ पार्टी ‘नेपाल कम्युनिष्ट पार्टी’ इतिहासकै शक्तिशाली पार्टी बनेको छ । टुटफुटको इतिहास बोकेका दुई ठूला कम्युनिष्ट पार्टीको ऐतिहासिक एकीकरणले जन्मिएको नेकपा दक्षिण एसियाकै ठूलो कम्युनिष्ट पार्टी बनेको छ ।
एमाले–माओवादी मिलेर ‘नेपाल कम्युनिष्ट पार्टी’ घोषणा

काठमाडौं, जेठ । एमाले–माओवादी पार्टीबीच एकता भएको छ । बिहीबार अपरान्ह राष्ट्रिय सभागृहमा भएको घोषणा सभामा दुवै पार्टी एकीकरण गरी नयाँ ‘नेपाल कम्युनिष्ट पार्टी’ घोषणा गरिएको हो । एकतापछि नयाँ पार्टीमा ४४१ सदस्यीय केन्द्रीय समिति बनाइएको छ ।
‘मोदीको नेपाल भ्रमण ऐतिहासिक’

काठमाडौं, ३० बैशाख । सरकारले भारतीय प्रधानमन्त्री नरेन्द्र मोदीको नेपाल भ्रमण सफल र ऐतिहासिक भएको बताएको छ । दुई दिने राजकिय भ्रमण सकेर शनिबार भारतीय प्रधानमन्त्री नरेन्द्र मोदी स्वदेश फर्किए लगत्तै अन्तराष्ट्रिय विमानस्थलमा सञ्चारकर्मीलाई प्रतिक्रिया दिँदै
राष्ट्रपति भण्डारी र मोदीबीच भेट

काठमाडौं, २८ बैशाख । नेपालको दुई दिने राजकीय भ्रमणमा रहेका भारतका प्रधानमन्त्री नरेन्द्र मोदीले राष्ट्रपति विद्या भण्डारीलाई भेटेका छन्। राष्ट्रपति कार्यालय शीतल निवास पुगेर प्रधानमन्त्री मोदीले राष्ट्रपति भण्डारीसँग भेटवार्ता गरेका हुन्। यस अघि उनले उपराष्ट्रपति नन्दबहादुर पुनलाई भेटेका थिए।
टुँडिखेलमा मोदीलाई गार्ड अफ अनर

काठमाडाैं, २८ बैशाख । नेपालको दुईदिने धार्मिक भ्रमणमा आएका भारतीय प्रधानमन्त्री नरेन्द्र मोदी काठमाडौं आइपुगेसँगै राजनीतिक भेटवार्तामा सक्रिय भएका छन् । भारतबाट एयर इन्डियाको विशेष विमानमार्फत जनकपुर आइपुगेका मोदी केहीबेर दिउँसाे काठमाडाैं अाएका हुन् ।
भारतीय प्रधानमन्त्रीकाे नेपाल भ्रमण (LIVE)

जनकपुर, २८ बैशाख । नेपालको दुई दिने राजकीय भ्रमणमा रहेका भारतीय प्रधानमन्त्री नरेन्द्र मोदीलाई जनकपुरमा भव्य स्वागत गरिएको छ । जानकी मन्दिरमा पूजा आरधना र रामायण सर्किटको उद्घाटनपछि माेदीलार्इ