राजनीति

प्रधानमन्त्री अाेली आजबाट भारत भ्रमणमा, यस्तो छ कार्यतालिका

काठमाडौं, २३ चैत । प्रधानमन्त्री केपी शर्मा ओली आजदेखि भारतको ३ दिने राजकीय भ्रमणको जानुहुने भएको छ । भारतीय समकक्षी नरेन्द्र मोदीको निमन्त्रणामा प्रधानमन्त्री नेतृत्वको टोली दिल्ली जान लागेको हो । नेपाल एयरलाइन्सको नियमित उडानबाट दिल्ली जान लाग्नुभएको प्रधानमन्त्रीले आज उद्योगी व्यवसायीसँग छलफल गर्ने कार्यक्रम रहेको परराष्ट्र मन्त्रालयले जनाएको छ ।

प्रधानमन्त्री ओलीले आजै नेपाली दूतावासमा नेपाली समुदायसँग भेटवार्ता गर्ने कार्यक्रम पनि तय गरिएको छ । भारतीय समकक्षी मोदी र ओलीबीच शनिबार मात्र औपचारिक भेटवार्ता हुनेछ । शनिबार बिहान राष्ट्रपति भवनमा मोदीले ओलीलाई स्वागत गर्नेछन् भने भारतीय सेनाले गार्ड अफ अनर प्रदान गरेसँगै भारतीय राष्ट्रपति र उपराष्ट्रपतिसँग भेटवार्ता हुनेछ । भेटपछि राजघाटस्थित महात्मा गान्धीको समाधिस्थलमा दीप प्रज्वलन गर्ने कार्यक्रम तय भएको छ । त्यसलगत्तै हैदरावाद हाउसमा शुरुवा दुई प्रधानमन्त्रीबीच एकालएक्लै भेटवार्ता हुनेछ भने त्यसपछि दुई देशका प्रतिनिधिमण्डलसहित औपचारिक छलफल हुरु हुनेछ ।

दुबै नेताले दिल्लीबाटै वीरगन्जमा रहेको एकीकृत, चेकपोस्टको उद्घाटन गर्ने परराष्ट्रमन्त्रालयले जनाएको छ । हैदरवाद हाउसमै दुई नेताको संयुक्त पत्रकार सम्मेलनसँगै सम्बोधन गर्ने कार्यतालिका तय भएको छ । प्रधानमन्त्री ओलीसँग विदेशमन्त्री, गृहमन्त्री, अर्थमन्त्री लगायत अन्य भारतीय नेताहरुले पनि शनिबार नै भेट्ने कार्यक्रम रहेको छ ।

दिल्ली भ्रमणको अन्तिम दिन आइतबार प्रधानमन्त्री ओली उत्तराखण्ड जाने कार्यक्रम छ । उत्तराखण्डस्थित पन्तनगरमा रहेको गोविन्दवल्लभ पन्त कृषि विश्वविद्यालयको दीक्षान्त समारोहमा सहभागी हुनेछन् । प्रधानमन्त्री ओलीलाई उक्त विश्वविद्यालयले मानार्थ विद्यावारिधीको उपाधि दिनेछ । प्रधानमन्त्री सोही दिन साँझ विशेष विमानमार्फत स्वदेश फर्किनेछन् ।

प्रधानमन्त्रीको भारत भ्रमण टोलीमा उहाँकी धर्मपत्नी राधिका शाक्य, परराष्ट्रमन्त्री प्रदीप ज्ञवाली, उद्योग वाणिज्य तथा आपूर्तिमन्त्री मातृका यादव र भौतिक पूर्वाधार तथा यातायातमन्त्री रघुवीर महासेठ लगायत छन् । विभिन्न दलका ९ जना सांसद र सरकारी अधिकारी सहित ३५ जना सरकारी भ्रमण टोली रहने परराष्ट्र मन्त्रालयले जनाएको छ ।

Comments

उस्तै उस्तै खबरहरु

‘नेकपा’ बन्याे इतिहासकै शक्तिशाली पार्टी

काठमाडौं, ४ जेठ । नेकपा एमाले र माओवादीकेन्द्र मिलेर बनेको नयाँ पार्टी ‘नेपाल कम्युनिष्ट पार्टी’ इतिहासकै शक्तिशाली पार्टी बनेको छ । टुटफुटको इतिहास बोकेका दुई ठूला कम्युनिष्ट पार्टीको ऐतिहासिक एकीकरणले जन्मिएको नेकपा दक्षिण एसियाकै ठूलो कम्युनिष्ट पार्टी बनेको छ ।
एमाले–माओवादी मिलेर ‘नेपाल कम्युनिष्ट पार्टी’ घोषणा

काठमाडौं, जेठ । एमाले–माओवादी पार्टीबीच एकता भएको छ । बिहीबार अपरान्ह राष्ट्रिय सभागृहमा भएको घोषणा सभामा दुवै पार्टी एकीकरण गरी नयाँ ‘नेपाल कम्युनिष्ट पार्टी’ घोषणा गरिएको हो । एकतापछि नयाँ पार्टीमा ४४१ सदस्यीय केन्द्रीय समिति बनाइएको छ ।
‘मोदीको नेपाल भ्रमण ऐतिहासिक’

काठमाडौं, ३० बैशाख । सरकारले भारतीय प्रधानमन्त्री नरेन्द्र मोदीको नेपाल भ्रमण सफल र ऐतिहासिक भएको बताएको छ । दुई दिने राजकिय भ्रमण सकेर शनिबार भारतीय प्रधानमन्त्री नरेन्द्र मोदी स्वदेश फर्किए लगत्तै अन्तराष्ट्रिय विमानस्थलमा सञ्चारकर्मीलाई प्रतिक्रिया दिँदै
राष्ट्रपति भण्डारी र मोदीबीच भेट

काठमाडौं, २८ बैशाख । नेपालको दुई दिने राजकीय भ्रमणमा रहेका भारतका प्रधानमन्त्री नरेन्द्र मोदीले राष्ट्रपति विद्या भण्डारीलाई भेटेका छन्। राष्ट्रपति कार्यालय शीतल निवास पुगेर प्रधानमन्त्री मोदीले राष्ट्रपति भण्डारीसँग भेटवार्ता गरेका हुन्। यस अघि उनले उपराष्ट्रपति नन्दबहादुर पुनलाई भेटेका थिए।
टुँडिखेलमा मोदीलाई गार्ड अफ अनर

काठमाडाैं, २८ बैशाख । नेपालको दुईदिने धार्मिक भ्रमणमा आएका भारतीय प्रधानमन्त्री नरेन्द्र मोदी काठमाडौं आइपुगेसँगै राजनीतिक भेटवार्तामा सक्रिय भएका छन् । भारतबाट एयर इन्डियाको विशेष विमानमार्फत जनकपुर आइपुगेका मोदी केहीबेर दिउँसाे काठमाडाैं अाएका हुन् ।
भारतीय प्रधानमन्त्रीकाे नेपाल भ्रमण (LIVE)

जनकपुर, २८ बैशाख । नेपालको दुई दिने राजकीय भ्रमणमा रहेका भारतीय प्रधानमन्त्री नरेन्द्र मोदीलाई जनकपुरमा भव्य स्वागत गरिएको छ । जानकी मन्दिरमा पूजा आरधना र रामायण सर्किटको उद्घाटनपछि माेदीलार्इ