राजनीति

एजेण्डाविहीन भ्रमणमा भेटघाटको औचित्य के ?

सम्बन्ध घनिष्टतामा बदल्ने प्रण

काठमाडौं, १९ माघ । नेपालको दुई दिने भ्रमणमा रहेकी भारतीय विदेश मन्त्री सुष्मा स्वराजको काठमाडौंमा भव्य स्वागत भएको छ । काठमाडौं पुगेसँगै उनको राजनीतिक भेटवार्ता पनि तीव्र बनेको छ । एमाले अध्यक्ष केपी शर्मा ओली र भारतीय विदेशमन्त्री स्वराजबीच सोल्टी होटलमा भेटवार्ता भएको हो । अाकस्मिक रुपमा दुई दिने नेपाल भ्रमणमा आएकी विदेशमन्त्री स्वराजको सम्मानमा एमालेले होटल सोल्टीमा रात्रीभोज आयोजना गरेको थियो । रात्रीभोजमा सरिक हुनुअघि अध्यक्ष ओली र स्वराजबीच भेटवार्ता भएको हो । भेटमा आपसी हितका विषयमा कुराकानी भएको ओलीको सचिवालयले जनाएको छ ।

उहाँले राष्ट्रपति विद्यादेवी भण्डारी, प्रधानमन्त्री शेरबहादुर देउवा, माओवादी केन्द्रका अध्यक्ष पुष्पकमल दाहाल प्रचण्ड लगायतका नेताहरुलाई भेट्ने कार्यक्रम छ । नेपालको भ्रमणमा रहेकी स्वराजले आफ्नो भ्रमण नेपाल–भारत सम्बन्धलाई अझ गहिरो र फराकिलो बनाउन मात्र रहेको बताएकी छन्। बिहीबार आयोजित रात्री भोजमा बोल्दै भारतीय विदेशमन्त्री स्वराजले आफ्नो यात्रामा कुनै विशेष एजेण्डा नभएको र सिस्टाचार भेटघाटका लागि आफु नेपाल आएको बताएकी छन्।

प्रेसको पहुँचबाट बाहिर राखिएको रात्री भोजमा एमाले पक्षबाट नौ जना र भारतीय पक्षबाट १० जना सामेल हुनुपूर्व ओली र स्वराजले करिव ४५ मिनेट एक्ला एक्लै वार्ता गरेका थिए, जसको विवरण दुवै पक्षले सार्वजनिक गरेका छैनन्। स्वराजलाई स्वागत गर्दै ओलीले वाम गठबन्धनको विजयले संशकित नहुन आग्रह गर्दै नेपाल र भारतका साझा एजेण्डामा भारतसँग सहकार्य गर्न आफु इच्छुक रहेको बताए ।

विकास, समृद्धि र गरिबी निवारण जस्ता समस्यालाई समाधान गर्दै दुई मुलुकले आफ्ना सम्बन्धलाई गहिरो र फराकिलो पार्न सक्ने धारण व्यक्त गरे । त्रिभुवन विमानस्थलबाट बाहिरिदै गर्दा पनि स्वराजले आफु मित्रहरुलाई भेट्न आएको र त्यसैले कुनै खास एजेण्डा बोकेर नआएको बताएकी थिइन।

स्वराजले शुक्रबार सबैभन्दा पहिला नेकपा माओवादी केन्द्रका अध्यक्ष पुष्पकमल दाहाललाई सोल्टी होटलमै भेट्नेछिन् भने राष्ट्रपति विद्यादेवी भण्डारीसँगको शिष्टाचार भेटपछि प्रधानमन्त्री तथा कांग्रेस सभापति शेरबहादुर देउवासँग ‘वर्किङ लञ्च’मा बालुवाटारमा भेट गर्दैछन्।

यसैबीच,नेपाली कांग्रेसका नेता शेखर कोइरालाले स्वराजको नेपाल भ्रमण उपयुक्त समयमा नभएको बताएका छन्। निर्वाचन भइसकेको र नयाँ सरकार गठन नभइसकेको अवस्थामा भएको भ्रमणले भारतप्रति थप आशंका पैदा गर्न सक्ने कोइरालाको आशय छ ।

Comments

उस्तै उस्तै खबरहरु

‘नेकपा’ बन्याे इतिहासकै शक्तिशाली पार्टी

काठमाडौं, ४ जेठ । नेकपा एमाले र माओवादीकेन्द्र मिलेर बनेको नयाँ पार्टी ‘नेपाल कम्युनिष्ट पार्टी’ इतिहासकै शक्तिशाली पार्टी बनेको छ । टुटफुटको इतिहास बोकेका दुई ठूला कम्युनिष्ट पार्टीको ऐतिहासिक एकीकरणले जन्मिएको नेकपा दक्षिण एसियाकै ठूलो कम्युनिष्ट पार्टी बनेको छ ।
एमाले–माओवादी मिलेर ‘नेपाल कम्युनिष्ट पार्टी’ घोषणा

काठमाडौं, जेठ । एमाले–माओवादी पार्टीबीच एकता भएको छ । बिहीबार अपरान्ह राष्ट्रिय सभागृहमा भएको घोषणा सभामा दुवै पार्टी एकीकरण गरी नयाँ ‘नेपाल कम्युनिष्ट पार्टी’ घोषणा गरिएको हो । एकतापछि नयाँ पार्टीमा ४४१ सदस्यीय केन्द्रीय समिति बनाइएको छ ।
‘मोदीको नेपाल भ्रमण ऐतिहासिक’

काठमाडौं, ३० बैशाख । सरकारले भारतीय प्रधानमन्त्री नरेन्द्र मोदीको नेपाल भ्रमण सफल र ऐतिहासिक भएको बताएको छ । दुई दिने राजकिय भ्रमण सकेर शनिबार भारतीय प्रधानमन्त्री नरेन्द्र मोदी स्वदेश फर्किए लगत्तै अन्तराष्ट्रिय विमानस्थलमा सञ्चारकर्मीलाई प्रतिक्रिया दिँदै
राष्ट्रपति भण्डारी र मोदीबीच भेट

काठमाडौं, २८ बैशाख । नेपालको दुई दिने राजकीय भ्रमणमा रहेका भारतका प्रधानमन्त्री नरेन्द्र मोदीले राष्ट्रपति विद्या भण्डारीलाई भेटेका छन्। राष्ट्रपति कार्यालय शीतल निवास पुगेर प्रधानमन्त्री मोदीले राष्ट्रपति भण्डारीसँग भेटवार्ता गरेका हुन्। यस अघि उनले उपराष्ट्रपति नन्दबहादुर पुनलाई भेटेका थिए।
टुँडिखेलमा मोदीलाई गार्ड अफ अनर

काठमाडाैं, २८ बैशाख । नेपालको दुईदिने धार्मिक भ्रमणमा आएका भारतीय प्रधानमन्त्री नरेन्द्र मोदी काठमाडौं आइपुगेसँगै राजनीतिक भेटवार्तामा सक्रिय भएका छन् । भारतबाट एयर इन्डियाको विशेष विमानमार्फत जनकपुर आइपुगेका मोदी केहीबेर दिउँसाे काठमाडाैं अाएका हुन् ।
भारतीय प्रधानमन्त्रीकाे नेपाल भ्रमण (LIVE)

जनकपुर, २८ बैशाख । नेपालको दुई दिने राजकीय भ्रमणमा रहेका भारतीय प्रधानमन्त्री नरेन्द्र मोदीलाई जनकपुरमा भव्य स्वागत गरिएको छ । जानकी मन्दिरमा पूजा आरधना र रामायण सर्किटको उद्घाटनपछि माेदीलार्इ