राजनीति

सरकार बन्न संवैधानिक अड्चन छैनः केपी ओली

काठमाडौं, २ पुस । नेकपा एमाले अध्यक्ष केपी ओलीले नयाँ सरकार गठन गर्न कुनै संवैधानिक अड्चन नभएको बताउनुभएको छ । सरकार गठन र राष्ट्रियसभाको निर्वाचन फरक विषय रहेको भन्दै ओलीले क्षणिक र मौसमी तर्क नगर्न सरकार समर्थित कानुनविदलाई पनि आग्रह गर्नुभयो ।
नेपाली कांग्रेसले पराजित भईसकेपछि अनेक बखेडा झिकेर सत्ता लम्बाउने प्रयास गरेको आरोप उहाँले लगाउनुभयो । हिजो भक्तपुरको बालकोटस्थित आफ्नो निवासमा पत्रकारहरुसँग अध्यक्ष ओलीले राष्ट्रिय सभा गठन र सरकार गठन प्रक्रिया नै भिन्न भएकाले राष्ट्रिय सभा गठन नभई सरकार गठन हुदैन भन्नु कांग्रेसको सत्ता लिप्सा भएको टिप्पणी गर्नुभयो ।
नेकपा एमाले र माओवादी केन्द्रबीचको गठबन्धनले निर्वाचनमा बहुमत ल्याएको भन्दै उहाँले बहुमत ल्याएका आफुहरुले असंबैधानिक नियुक्तिबाट सपथग्रहण नगर्ने उद्घोष गर्नुभयो । यही सरकारले प्रदेश प्रमुख नियुक्ति गर्ने तयारी गरिरहेका बेला अध्यक्ष ओलिले सरकालाई त्यसो नगर्न चेतावनी दिनुभयो । उहाँले निर्वाचन आयोगलाई पनि संविधान र कानुनको पालना गर्दै लोकतन्त्रको सम्मान गर्न सचेत गराउनुभयो ।
अध्यक्ष ओलीले एकल संक्रमणिय भनेर संविधानले नभनेकाले राष्ट्रियसभा सदस्य निर्वाचन अध्यादेशमा सो व्यवस्था राख्न नसकिने भन्दै क्षणिक र मौसमी तर्क नगर्न आग्रह समेत गर्नुभयो ।

Comments

उस्तै उस्तै खबरहरु

‘नेकपा’ बन्याे इतिहासकै शक्तिशाली पार्टी

काठमाडौं, ४ जेठ । नेकपा एमाले र माओवादीकेन्द्र मिलेर बनेको नयाँ पार्टी ‘नेपाल कम्युनिष्ट पार्टी’ इतिहासकै शक्तिशाली पार्टी बनेको छ । टुटफुटको इतिहास बोकेका दुई ठूला कम्युनिष्ट पार्टीको ऐतिहासिक एकीकरणले जन्मिएको नेकपा दक्षिण एसियाकै ठूलो कम्युनिष्ट पार्टी बनेको छ ।
एमाले–माओवादी मिलेर ‘नेपाल कम्युनिष्ट पार्टी’ घोषणा

काठमाडौं, जेठ । एमाले–माओवादी पार्टीबीच एकता भएको छ । बिहीबार अपरान्ह राष्ट्रिय सभागृहमा भएको घोषणा सभामा दुवै पार्टी एकीकरण गरी नयाँ ‘नेपाल कम्युनिष्ट पार्टी’ घोषणा गरिएको हो । एकतापछि नयाँ पार्टीमा ४४१ सदस्यीय केन्द्रीय समिति बनाइएको छ ।
‘मोदीको नेपाल भ्रमण ऐतिहासिक’

काठमाडौं, ३० बैशाख । सरकारले भारतीय प्रधानमन्त्री नरेन्द्र मोदीको नेपाल भ्रमण सफल र ऐतिहासिक भएको बताएको छ । दुई दिने राजकिय भ्रमण सकेर शनिबार भारतीय प्रधानमन्त्री नरेन्द्र मोदी स्वदेश फर्किए लगत्तै अन्तराष्ट्रिय विमानस्थलमा सञ्चारकर्मीलाई प्रतिक्रिया दिँदै
राष्ट्रपति भण्डारी र मोदीबीच भेट

काठमाडौं, २८ बैशाख । नेपालको दुई दिने राजकीय भ्रमणमा रहेका भारतका प्रधानमन्त्री नरेन्द्र मोदीले राष्ट्रपति विद्या भण्डारीलाई भेटेका छन्। राष्ट्रपति कार्यालय शीतल निवास पुगेर प्रधानमन्त्री मोदीले राष्ट्रपति भण्डारीसँग भेटवार्ता गरेका हुन्। यस अघि उनले उपराष्ट्रपति नन्दबहादुर पुनलाई भेटेका थिए।
टुँडिखेलमा मोदीलाई गार्ड अफ अनर

काठमाडाैं, २८ बैशाख । नेपालको दुईदिने धार्मिक भ्रमणमा आएका भारतीय प्रधानमन्त्री नरेन्द्र मोदी काठमाडौं आइपुगेसँगै राजनीतिक भेटवार्तामा सक्रिय भएका छन् । भारतबाट एयर इन्डियाको विशेष विमानमार्फत जनकपुर आइपुगेका मोदी केहीबेर दिउँसाे काठमाडाैं अाएका हुन् ।
भारतीय प्रधानमन्त्रीकाे नेपाल भ्रमण (LIVE)

जनकपुर, २८ बैशाख । नेपालको दुई दिने राजकीय भ्रमणमा रहेका भारतीय प्रधानमन्त्री नरेन्द्र मोदीलाई जनकपुरमा भव्य स्वागत गरिएको छ । जानकी मन्दिरमा पूजा आरधना र रामायण सर्किटको उद्घाटनपछि माेदीलार्इ