राजनीति

मौन अवधि शुरु, चुनावको तयारी पूरा

काठमाडौं, १९ मंसिर । दोस्रो चरणमा चुनाव हुने प्रदेशसभा र प्रतिनिधिसभा निर्वाचनको सम्पूर्ण तयारी पूरा भएको निर्वाचन आयोगले जनाएको छ । निर्वाचन आयोगका अनुसार दोस्रो चरणको चुनाव हुने ४५ जिल्लामा मतदान सामग्री पुगिसकेको छ भने सबै कर्मचारी पनि खटिएको छन् ।

यसैबीच, निवार्चन अन्तर्गत दोस्रो चरणमा आगामी विहीबार हुने चुनावका लागि आज राति १२ बजेबाट मौन अवधि शुरु भइसकेको छ । निर्वाचन ऐनअनुसार मतदानको ४८ घन्टा अघिबाट मौन अवधि सुरु हुन्छ । आयोग प्रवक्ता नवराज ढकालले राति १२ बजेबाट मौन अवधि हुने भएको जानकारी दिनुभएको हो । उहाँले यस अवधिमा दल, उम्मेदवार, नागरिक समाज तथा सञ्चारमाध्यमले चुनाव प्रचार–प्रसार गर्न नपाइने बताउनुभयो ।
दोस्रो चरणमा ४५ जिल्लाका प्रतिनिधिसभा सदस्यतर्फ १२८ निर्वाचन क्षेत्र र प्रदेशसभातर्फ २५६ वटा निर्वाचन क्षेत्रका लागि चुनाव हुँदैछ । निर्वाचन आयोगले आजबाट मतदान अधिकृत मतदानस्थल पुगेर नयाँ मतदातालाई परिचयपत्र वितरण र मतदान केन्द्रको व्यवस्थापन गर्ने जनाएको छ । स्थानीय तहको निर्वाचनमा परिचय प्राप्त गरिसकेका मतदाताले सोही परिचयपत्रको आधारमा मतदान गर्न पाउने व्यवस्था छ ।
दोस्रो चरणको चुनाव अन्तर्गत प्रदेश र प्रतिनिधि सभा निर्वाचनमा ४ हजार ७ सय ८ जनाको उम्मेदवारी परेको छ । निर्वाचन आयोगका अनुसार प्रतिनिधिसभातर्फ १ हजार ७ सय ४२ र प्रदेशसभातर्फ २ हजार ९ सय ६६ गरी जम्मा ४ हजार ७ सय ८ जनाको उम्मेदवारी रहेको छ । प्रतिनिधिसभातर्फ १ सय २६ र प्रदेशसभातर्फ २ सय ९ गरी जम्मा ३ सय ३४ महिला उम्मेदवार चुनावी प्रतिस्पर्धामा छन् ।
मतदानस्थलमा आजदेखि नयाँ मतदातालाई परिचयपत्र वितरण र मतदान केन्द्रको व्यवस्थापनब थालिनेछ । आयोगले निर्वाचन सुरक्षाको प्रबन्ध, व्यवस्थापन र रणनीतिका विषयमा गृहमन्त्रालय र सुरक्षा अधिकारीहरुसँग निरन्तर समन्वय भइरहेको पनि जनाएको छ । मौन अवधीमा आचारसंहिता उल्लंघनका घटना हुन नदिने एक सय १३ सह–सचिव र ८८ जना उपसचिव अनुगमनमा खटिएका छन् । दोस्रो चरणको चुनावका लागि आयोगले हजार मतदाता बराबर एक जना मतदाता शिक्षा स्वयंसेवी कार्यकर्ता परिचालन गरेको छ ।
दोस्रो चरणको चुनाव पर्यवेक्षणका लागि कार्टर सेन्टर, जाइका, इयूलगायतका निकायका करिब चार सय पर्यवेक्षकले स्वीकृत लिएका छन् । राष्ट्रिय पर्यवेक्षकमा ५२ वटा संस्थाका ४५ हजारलाई अनुमति दिएको जनाएको छ ।

Comments

उस्तै उस्तै खबरहरु

‘नेकपा’ बन्याे इतिहासकै शक्तिशाली पार्टी

काठमाडौं, ४ जेठ । नेकपा एमाले र माओवादीकेन्द्र मिलेर बनेको नयाँ पार्टी ‘नेपाल कम्युनिष्ट पार्टी’ इतिहासकै शक्तिशाली पार्टी बनेको छ । टुटफुटको इतिहास बोकेका दुई ठूला कम्युनिष्ट पार्टीको ऐतिहासिक एकीकरणले जन्मिएको नेकपा दक्षिण एसियाकै ठूलो कम्युनिष्ट पार्टी बनेको छ ।
एमाले–माओवादी मिलेर ‘नेपाल कम्युनिष्ट पार्टी’ घोषणा

काठमाडौं, जेठ । एमाले–माओवादी पार्टीबीच एकता भएको छ । बिहीबार अपरान्ह राष्ट्रिय सभागृहमा भएको घोषणा सभामा दुवै पार्टी एकीकरण गरी नयाँ ‘नेपाल कम्युनिष्ट पार्टी’ घोषणा गरिएको हो । एकतापछि नयाँ पार्टीमा ४४१ सदस्यीय केन्द्रीय समिति बनाइएको छ ।
‘मोदीको नेपाल भ्रमण ऐतिहासिक’

काठमाडौं, ३० बैशाख । सरकारले भारतीय प्रधानमन्त्री नरेन्द्र मोदीको नेपाल भ्रमण सफल र ऐतिहासिक भएको बताएको छ । दुई दिने राजकिय भ्रमण सकेर शनिबार भारतीय प्रधानमन्त्री नरेन्द्र मोदी स्वदेश फर्किए लगत्तै अन्तराष्ट्रिय विमानस्थलमा सञ्चारकर्मीलाई प्रतिक्रिया दिँदै
राष्ट्रपति भण्डारी र मोदीबीच भेट

काठमाडौं, २८ बैशाख । नेपालको दुई दिने राजकीय भ्रमणमा रहेका भारतका प्रधानमन्त्री नरेन्द्र मोदीले राष्ट्रपति विद्या भण्डारीलाई भेटेका छन्। राष्ट्रपति कार्यालय शीतल निवास पुगेर प्रधानमन्त्री मोदीले राष्ट्रपति भण्डारीसँग भेटवार्ता गरेका हुन्। यस अघि उनले उपराष्ट्रपति नन्दबहादुर पुनलाई भेटेका थिए।
टुँडिखेलमा मोदीलाई गार्ड अफ अनर

काठमाडाैं, २८ बैशाख । नेपालको दुईदिने धार्मिक भ्रमणमा आएका भारतीय प्रधानमन्त्री नरेन्द्र मोदी काठमाडौं आइपुगेसँगै राजनीतिक भेटवार्तामा सक्रिय भएका छन् । भारतबाट एयर इन्डियाको विशेष विमानमार्फत जनकपुर आइपुगेका मोदी केहीबेर दिउँसाे काठमाडाैं अाएका हुन् ।
भारतीय प्रधानमन्त्रीकाे नेपाल भ्रमण (LIVE)

जनकपुर, २८ बैशाख । नेपालको दुई दिने राजकीय भ्रमणमा रहेका भारतीय प्रधानमन्त्री नरेन्द्र मोदीलाई जनकपुरमा भव्य स्वागत गरिएको छ । जानकी मन्दिरमा पूजा आरधना र रामायण सर्किटको उद्घाटनपछि माेदीलार्इ