राजनीति

मतदान अधिकृत र सामग्री मतदान केन्द्रमा

काठमाडौं, ६ मंसिर । मंसिर १० गते हुने प्रदेशसभा तथा प्रतिनिधिसभा सदस्य निर्वाचनका लागि ३२ जिल्लामा निर्वाचन सामग्री धमाधन पु¥याउन थालिएको छ । केही जिल्लाहरुमा अधिकृत र मतदान सामग्री पुगिसकेको छ भने केही जिल्लामा पुग्ने क्रममा रहेको छ । सवारी साधन नपुग्ने तथा दुर्गम मतदान केन्द्रमा हेलिकोप्टरमार्फत मतदान सामग्री पु¥याउने प्रबन्ध मिलाएको निर्वाचन आयोगले जनाएको छ ।
यसैबीच, नुवाकोट, रसुवा, सिन्धुपाल्चोक जिल्लामा मतदान सामग्री पठाइसकिएको छ । त्यस्तै, गोरखाका मतदान केन्द्रमा मतदान अधिकृतसहित कर्मचारी खटिएका छन्। खटिएका कर्मचारीहरु मतदानका लागि आवश्यक पर्ने सामग्रीहरु बोकेर मतदान केन्द्रतिर लागेका हुन्।

दुई वटा प्रतिनिधिसभा र चार वटा प्रदेशसभा क्षेत्र रहेको गोरखामा २१३ मतदान स्थल र २८२ वटा मतदान केन्द्र रहेको छ। गोरखामा कुल एक लाख ८९ हजार ४ सय ४८ जना मतदाता छन्। रोजगारीका क्रममा घरबाहिर रहेका मतदाताहरु पनि गाउँ फर्कन थालेका छन्। निर्वाचनका लागि २२४२ जना कर्मचारी परिचालन गरिएको छ। निजामति कर्मचारीलाई पहिलो प्राथमिकता दिइएको छ भने अपुग ठाउँमा शिक्षकलाई खटाइएको मुख्य निर्वाचन अधिकृतको कार्यालयले जनाएको छ।

मतपेटिका, मतदान पत्र, नङमा लगाउने मसीलगायत ६४ प्रकृतिका निर्वाचन सामग्री बोकेर कर्मचारीहरु दुर्गमका मतदान केन्द्रतर्फ जान थालेका हुन्। एउटा मतदान केन्द्रमा सात जनाका दरले कर्मचारी खटाइएको छ।यस्तै सुरक्षाकर्मीहरु पनि परिचालन गरिएको छ। गाउँपालिकाहरुमा प्रहरी नायब उपरीक्षक नेतृत्वमा रहेको नेपाल प्रहरीको टोली परिचालन गरिएको छ भने म्यादी प्रहरी, सशस्त्र र नेपाली सेना पनि परिचालन गरिएका छन्। सशस्त्र दोस्रो र सेना तेस्रो घेरामा रहनेछन्।

दुर्गम भेगका मतदान केन्द्रमा भने हेलिकोप्टरबाट निर्वाचन सामग्री र मतदान अधिकृतहरु पठाउने तयारी गरिएको छ। अन्य कर्मचारीहरु भने मतदान केन्द्रतर्फ पैदल गइरहेका छन्। कैयौँ दिन हिँडेर मतदान केन्द्र पुग्नुपर्ने कर्मचारीलाई बाध्यता छ।

गोरखाका प्रमुख जिल्ला अधिकारी जितेन्द्र बस्नेतले भौगोलिक हिसाबले दुर्गम रहेका क्षेत्रमा आज नेपाली सेनाको हेलिकोप्टरमार्फत् निर्वाचन सामग्री र मतदान अधिकृत पठाइएको जानकारी दिए।
पहिलो चरणको चुनाव बैशाख १० गते विहान ७ बजे देखि हुनेछ । चुनावका लागि सबै जिल्लाको सुरक्षा व्यवस्था कडा बनाइएको छ । पहिलो चरणमा ३२ जिल्लामा चुनाव हुँदैछ । प्रतिनिधिसभातर्फ ३७ र प्रदेशसभातर्फ ७४ सिटका लागि ७ सय २ जना चुनावी मैदानमा छन् । विहीबार राति १२ बजेबाट मौन अवधि शुरु हुनेछ ।

Comments

उस्तै उस्तै खबरहरु

‘नेकपा’ बन्याे इतिहासकै शक्तिशाली पार्टी

काठमाडौं, ४ जेठ । नेकपा एमाले र माओवादीकेन्द्र मिलेर बनेको नयाँ पार्टी ‘नेपाल कम्युनिष्ट पार्टी’ इतिहासकै शक्तिशाली पार्टी बनेको छ । टुटफुटको इतिहास बोकेका दुई ठूला कम्युनिष्ट पार्टीको ऐतिहासिक एकीकरणले जन्मिएको नेकपा दक्षिण एसियाकै ठूलो कम्युनिष्ट पार्टी बनेको छ ।
एमाले–माओवादी मिलेर ‘नेपाल कम्युनिष्ट पार्टी’ घोषणा

काठमाडौं, जेठ । एमाले–माओवादी पार्टीबीच एकता भएको छ । बिहीबार अपरान्ह राष्ट्रिय सभागृहमा भएको घोषणा सभामा दुवै पार्टी एकीकरण गरी नयाँ ‘नेपाल कम्युनिष्ट पार्टी’ घोषणा गरिएको हो । एकतापछि नयाँ पार्टीमा ४४१ सदस्यीय केन्द्रीय समिति बनाइएको छ ।
‘मोदीको नेपाल भ्रमण ऐतिहासिक’

काठमाडौं, ३० बैशाख । सरकारले भारतीय प्रधानमन्त्री नरेन्द्र मोदीको नेपाल भ्रमण सफल र ऐतिहासिक भएको बताएको छ । दुई दिने राजकिय भ्रमण सकेर शनिबार भारतीय प्रधानमन्त्री नरेन्द्र मोदी स्वदेश फर्किए लगत्तै अन्तराष्ट्रिय विमानस्थलमा सञ्चारकर्मीलाई प्रतिक्रिया दिँदै
राष्ट्रपति भण्डारी र मोदीबीच भेट

काठमाडौं, २८ बैशाख । नेपालको दुई दिने राजकीय भ्रमणमा रहेका भारतका प्रधानमन्त्री नरेन्द्र मोदीले राष्ट्रपति विद्या भण्डारीलाई भेटेका छन्। राष्ट्रपति कार्यालय शीतल निवास पुगेर प्रधानमन्त्री मोदीले राष्ट्रपति भण्डारीसँग भेटवार्ता गरेका हुन्। यस अघि उनले उपराष्ट्रपति नन्दबहादुर पुनलाई भेटेका थिए।
टुँडिखेलमा मोदीलाई गार्ड अफ अनर

काठमाडाैं, २८ बैशाख । नेपालको दुईदिने धार्मिक भ्रमणमा आएका भारतीय प्रधानमन्त्री नरेन्द्र मोदी काठमाडौं आइपुगेसँगै राजनीतिक भेटवार्तामा सक्रिय भएका छन् । भारतबाट एयर इन्डियाको विशेष विमानमार्फत जनकपुर आइपुगेका मोदी केहीबेर दिउँसाे काठमाडाैं अाएका हुन् ।
भारतीय प्रधानमन्त्रीकाे नेपाल भ्रमण (LIVE)

जनकपुर, २८ बैशाख । नेपालको दुई दिने राजकीय भ्रमणमा रहेका भारतीय प्रधानमन्त्री नरेन्द्र मोदीलाई जनकपुरमा भव्य स्वागत गरिएको छ । जानकी मन्दिरमा पूजा आरधना र रामायण सर्किटको उद्घाटनपछि माेदीलार्इ