राजनीति

यसरी गर्नुस् मतदान (भिडियो सहित)

काठमाडौं, २९ कार्तिक । निर्वाचन आयोगले आगामी प्रतिनिधिसभा र प्रदेशसभाको चुनावमा बदर मत घटाउने हेतुले मतदाता शिक्षा कार्यक्रम प्रभावकारी रुपमा अघि बढाएको छ । पहिलो चरणको निर्वाचन हुन अब दुई हप्ता पनि समय बाँकी छैन । पहिलो चरणमा चुनाव हुने ३२ जिल्लाका ३७ वटा निर्वाचन क्षेत्रमा चुनावका लागि चाहिने सबै सामग्री सम्बन्धित क्षेत्रमा पुगिसको निर्वाचन आयोगले जनाएको छ ।

३२ जिल्लामा मंसिर १० र बाँकी ४५ जिल्लामा मंसिर २१ गते प्रतिनिधिसभा र प्रदेशसभाको चुनाव हुँदैछ । दुईवटा चुनाव एकैपटक हुने भएकाले दुवै तहका लागि प्रत्यक्ष र समानुपातिक गरी दुईदुई ठाउँमा छाप लगाउनुपर्छ । निर्वाचन आयोगले प्रत्यक्षतर्फको मतपत्र फरक फरक बनाएको छ भने समानुपातिकतर्फको मतपत्र एउटै पानाको माथि प्रतिनिधिसभा र तल प्रदेशसभाका लागि छाप लगाउनुपर्छ । मतदानका लागि जाँदा निर्वाचन आयोगले दिएको परिचयपत्र वा अरु आधिकारिक प्रमाणपत्र लिएर जानुपर्छ । मतदान केन्द्रमा पुगेपछि कर्मचारीले परिचयपत्र रुजु गरेपछि नङमा कालो मसी लगाइदिन्छन् । आसन्न चुनावमा तीनवटा मतपत्रमा चार ठाउँमा छाप लगाउनु पर्छ ।

मतदान अधिकृतले प्रतिनिधिसभाको प्रत्यक्षतर्फको हल्का निलो रंगको मतपत्र दिनेछन् । त्यो मतपत्रमा स्वस्तिक छाप लगाएर मतपेटिकामा खसालेपछि सँगै रहेका कर्मचारीले प्रदेशसभाको प्रत्यक्षतर्फको अर्को मतपत्र दिनेछन् । त्यो मतपत्र कालो रंगको हुन्छ । त्यसलाई पनि छाप लगाएर बाकसमा खसालेपछि समानुपातिकतर्फको हल्का रातो रंगको मतपत्र अर्का कर्मचारीले दिनेछन् । त्यसको माथिल्लो भागमा प्रतिनिधिसभा र तल्लो भागमा प्रदेशसभाका लागि एक एकवटा चिन्हमा छाप लगाएर नजिकैको मतभेटिका खसाल्नुपर्छ ।

मत खसाल्ने तरिका सिकाउन निर्वाचन आयोगले गाउँ घरमै मतदाता शिक्षा कार्यकर्ता खटाएको छ । यसका साथै कतैकतै राजनीतिक दलका कार्यकर्ताले मतदान गर्ने तरिका सिकाइरहेका छन् । तर दलका कार्यकर्ताले सिकाउँदा आफ्नो दलको चिन्हमा मात्र मतदान गर्न सिकाउने गरेको पाइएको छ । त्यसैले मतदाता शिक्षा कार्यकर्तासँग मतदान गर्ने तरिका र चुनावका बारे अझ धेरै जानकारी लिन सकिन्छ ।

मतदान कसरी गर्ने हेरौं भिडियो

Comments

उस्तै उस्तै खबरहरु

‘नेकपा’ बन्याे इतिहासकै शक्तिशाली पार्टी

काठमाडौं, ४ जेठ । नेकपा एमाले र माओवादीकेन्द्र मिलेर बनेको नयाँ पार्टी ‘नेपाल कम्युनिष्ट पार्टी’ इतिहासकै शक्तिशाली पार्टी बनेको छ । टुटफुटको इतिहास बोकेका दुई ठूला कम्युनिष्ट पार्टीको ऐतिहासिक एकीकरणले जन्मिएको नेकपा दक्षिण एसियाकै ठूलो कम्युनिष्ट पार्टी बनेको छ ।
एमाले–माओवादी मिलेर ‘नेपाल कम्युनिष्ट पार्टी’ घोषणा

काठमाडौं, जेठ । एमाले–माओवादी पार्टीबीच एकता भएको छ । बिहीबार अपरान्ह राष्ट्रिय सभागृहमा भएको घोषणा सभामा दुवै पार्टी एकीकरण गरी नयाँ ‘नेपाल कम्युनिष्ट पार्टी’ घोषणा गरिएको हो । एकतापछि नयाँ पार्टीमा ४४१ सदस्यीय केन्द्रीय समिति बनाइएको छ ।
‘मोदीको नेपाल भ्रमण ऐतिहासिक’

काठमाडौं, ३० बैशाख । सरकारले भारतीय प्रधानमन्त्री नरेन्द्र मोदीको नेपाल भ्रमण सफल र ऐतिहासिक भएको बताएको छ । दुई दिने राजकिय भ्रमण सकेर शनिबार भारतीय प्रधानमन्त्री नरेन्द्र मोदी स्वदेश फर्किए लगत्तै अन्तराष्ट्रिय विमानस्थलमा सञ्चारकर्मीलाई प्रतिक्रिया दिँदै
राष्ट्रपति भण्डारी र मोदीबीच भेट

काठमाडौं, २८ बैशाख । नेपालको दुई दिने राजकीय भ्रमणमा रहेका भारतका प्रधानमन्त्री नरेन्द्र मोदीले राष्ट्रपति विद्या भण्डारीलाई भेटेका छन्। राष्ट्रपति कार्यालय शीतल निवास पुगेर प्रधानमन्त्री मोदीले राष्ट्रपति भण्डारीसँग भेटवार्ता गरेका हुन्। यस अघि उनले उपराष्ट्रपति नन्दबहादुर पुनलाई भेटेका थिए।
टुँडिखेलमा मोदीलाई गार्ड अफ अनर

काठमाडाैं, २८ बैशाख । नेपालको दुईदिने धार्मिक भ्रमणमा आएका भारतीय प्रधानमन्त्री नरेन्द्र मोदी काठमाडौं आइपुगेसँगै राजनीतिक भेटवार्तामा सक्रिय भएका छन् । भारतबाट एयर इन्डियाको विशेष विमानमार्फत जनकपुर आइपुगेका मोदी केहीबेर दिउँसाे काठमाडाैं अाएका हुन् ।
भारतीय प्रधानमन्त्रीकाे नेपाल भ्रमण (LIVE)

जनकपुर, २८ बैशाख । नेपालको दुई दिने राजकीय भ्रमणमा रहेका भारतीय प्रधानमन्त्री नरेन्द्र मोदीलाई जनकपुरमा भव्य स्वागत गरिएको छ । जानकी मन्दिरमा पूजा आरधना र रामायण सर्किटको उद्घाटनपछि माेदीलार्इ