राजनीति

निर्वाचनसम्म माओवादीले सरकार नछाड्ने

काठमाडौं, २२ असोज । नेकपा माओवादी केन्द्रले प्रदेश सभा र प्रतिनिधि सभा निर्वाचन सम्पन्न नभएसम्म सरकार नछाड्ने भएको छ। माओवादी पोलिटब्यूरो बैठकले आगामी मंसिर १० र २१ गते हुने प्रदेश सभा र प्रतिनिधि सभा निर्वाचन सम्पन्न नभएसम्म सरकार नछाडने निर्णय गरेको हो।
निर्वाचन घोषणा भइसकेको अवस्था र सत्ता साझेदार नेपाली कांग्रेसका सभापति तथा प्रधानमन्त्री शेरबहादुर देउवाले निर्वाचनसम्म सरकारमै रहन गरेको आग्रहका कारण पोलिटब्युरोले सरकारबाट बाहिर नआउने निर्णय गरेको माओवादी नेता रामनारायण विडारीले बताए।
निर्वाचन सम्पन्न गराउने दायित्व पूरा गर्न सरकारमा सहभागी भएकाले सोही अनुसार अघि बढ्ने निर्णय भएको पार्टीका नेता वर्षमान पुनले जानकारी दिए । माओवादी केन्द्रले संविधान कार्यान्वयन र चुनाव सम्पन्न गर्ने दायित्व पूरा गर्न केन्द्रित हुन सत्तारुढ कांग्रेसको समेत ध्यानाकर्षण गराएको छ।
पोलिटब्युरो बैठकले नयाँ शक्ति पार्टीसँग चुनावी तालमेल र पार्टी एकीकरण गर्ने सहमति इमान्दारीका साथ पालना गर्ने निर्णय पनि गरेको छ । वाम एकताको वैचारिक आधार तय गर्न आवश्यक बहस अघि बढाउने निर्णय लिइएको नेता विडारीले बताए।
सातबुँदेको अनुमोदन
माओवादी केन्द्र र नेकपा एमाले दुवै दलले एकीकरण गरी एउटै कम्युनिस्ट पार्टी निर्माण गर्ने भनी गरेको सातबुँदे सहमतिलाई अनुमोदन गराएका छन् । माओवादीले पोलिटब्युरोबाट अनुमोदन गरेको हो भने एमालेले स्थायी समिति बैठकबाट गरेको हो।
एमाले पार्टी कार्यालय धुम्वाराहीमा भएको बैठकले उक्त सहमतिलाई अनुमोदन गरेको हो । स्थायी समिति बैठकले वाम गठबन्धनका लागि भएको सातबुँदे सहमतिलाई पनि सर्वसम्मत रुपमा अुनमोदन गरेको स्थायी कमिटी सदस्य किरण गुरुङले बताए । वाम एकीकरणपछि पहिलो पटक बसेको एमाले स्थायी समिति बैठकले आगामी निर्वाचनमा सशक्त रुपमा एक भएर जान कार्यकर्तालाई आग्रह समेत गरेको छ ।
राष्ट्रिय सभा गृहमा भएको माओवादीको बैठकले एकीकरण सहमतिपछि बाहिर रहेका वामपन्थी दलहरुलाई एकीकृत गर्न पहल गर्ने निर्णय समेत गरेको छ ।

Comments

उस्तै उस्तै खबरहरु

‘नेकपा’ बन्याे इतिहासकै शक्तिशाली पार्टी

काठमाडौं, ४ जेठ । नेकपा एमाले र माओवादीकेन्द्र मिलेर बनेको नयाँ पार्टी ‘नेपाल कम्युनिष्ट पार्टी’ इतिहासकै शक्तिशाली पार्टी बनेको छ । टुटफुटको इतिहास बोकेका दुई ठूला कम्युनिष्ट पार्टीको ऐतिहासिक एकीकरणले जन्मिएको नेकपा दक्षिण एसियाकै ठूलो कम्युनिष्ट पार्टी बनेको छ ।
एमाले–माओवादी मिलेर ‘नेपाल कम्युनिष्ट पार्टी’ घोषणा

काठमाडौं, जेठ । एमाले–माओवादी पार्टीबीच एकता भएको छ । बिहीबार अपरान्ह राष्ट्रिय सभागृहमा भएको घोषणा सभामा दुवै पार्टी एकीकरण गरी नयाँ ‘नेपाल कम्युनिष्ट पार्टी’ घोषणा गरिएको हो । एकतापछि नयाँ पार्टीमा ४४१ सदस्यीय केन्द्रीय समिति बनाइएको छ ।
‘मोदीको नेपाल भ्रमण ऐतिहासिक’

काठमाडौं, ३० बैशाख । सरकारले भारतीय प्रधानमन्त्री नरेन्द्र मोदीको नेपाल भ्रमण सफल र ऐतिहासिक भएको बताएको छ । दुई दिने राजकिय भ्रमण सकेर शनिबार भारतीय प्रधानमन्त्री नरेन्द्र मोदी स्वदेश फर्किए लगत्तै अन्तराष्ट्रिय विमानस्थलमा सञ्चारकर्मीलाई प्रतिक्रिया दिँदै
राष्ट्रपति भण्डारी र मोदीबीच भेट

काठमाडौं, २८ बैशाख । नेपालको दुई दिने राजकीय भ्रमणमा रहेका भारतका प्रधानमन्त्री नरेन्द्र मोदीले राष्ट्रपति विद्या भण्डारीलाई भेटेका छन्। राष्ट्रपति कार्यालय शीतल निवास पुगेर प्रधानमन्त्री मोदीले राष्ट्रपति भण्डारीसँग भेटवार्ता गरेका हुन्। यस अघि उनले उपराष्ट्रपति नन्दबहादुर पुनलाई भेटेका थिए।
टुँडिखेलमा मोदीलाई गार्ड अफ अनर

काठमाडाैं, २८ बैशाख । नेपालको दुईदिने धार्मिक भ्रमणमा आएका भारतीय प्रधानमन्त्री नरेन्द्र मोदी काठमाडौं आइपुगेसँगै राजनीतिक भेटवार्तामा सक्रिय भएका छन् । भारतबाट एयर इन्डियाको विशेष विमानमार्फत जनकपुर आइपुगेका मोदी केहीबेर दिउँसाे काठमाडाैं अाएका हुन् ।
भारतीय प्रधानमन्त्रीकाे नेपाल भ्रमण (LIVE)

जनकपुर, २८ बैशाख । नेपालको दुई दिने राजकीय भ्रमणमा रहेका भारतीय प्रधानमन्त्री नरेन्द्र मोदीलाई जनकपुरमा भव्य स्वागत गरिएको छ । जानकी मन्दिरमा पूजा आरधना र रामायण सर्किटको उद्घाटनपछि माेदीलार्इ