राजनीति

कांग्रेस केन्द्रीय समिति बैठक बस्दै

काठमाडौं, २० असोज । सरकारको नेतृत्व गरिहेको नेपाली कांग्रेसले नयाँ राजनीतिक परिस्थितबारे छलफल गर्न शुक्रबार पार्टी केन्द्रीय समितिकै बैठक बस्दैछ । दुई दिनसम्म बसेको पार्टी केन्द्रीय कार्य सम्पादन समितिको बैठकले केन्द्रीय समितिकै बैठक बोलाएको हो ।

एमाले, माओवादी केन्द्र र नयाँ शक्ति पार्टीबीच प्रदेश सभा र प्रतिनिधि सभा निर्वाचनमा चुनावी तालमेल गर्ने र पार्टी एकीकरण गर्ने सहमति गरेपछि उत्पन्न परिस्थितिबारे छलफल गर्न काँग्रेसले केन्द्रीय कार्य समिति बैठक बोलाइएको हो ।

विहीबार सम्पन्न पार्टी केन्द्रिय कार्य सम्पादन समिति बैठकले ६ दलबीच लोकतान्त्रिक गठबन्धन बनाउन गरेको सहमतिलाई पनि केन्द्रीय समिति बैठकबाट अनुमोदन गराउने निर्णय गरिएको नेता डा. प्रकाशशरण महतले जानकारी दिए । उनले प्रदेश सभा र प्रतिनिधि सभा निर्वाचनका लागि उठाउने उम्मेदवारको मापदण्ड पनि केन्द्रिय समिति बैठकले तय गर्ने पनि स्पष्ट पारे ।

काँग्रेसले विभिन्न ६ दलबीच लोकतान्त्रिक गठबन्धन कायम गरी निवाचनमा जाने निर्णय गरिसकेको छ । आगामी मंसीर १० र २१ गते २ चरणमा प्रदेश सभा र प्रतिनिधि सभा निर्वाचन हुँदैछ ।

कार्यदलले पूर्णता पायो

यसैबीच, ६ पार्टीबाट सात सदस्यीय कार्यदल गठन गर्ने बुधबार भएको सहमतिअनुसार गठबन्धनका विविध पक्षबारे छलफल सुरु भएको थियो । बिहीबार औपचारिक बैठक बस्न नसके पनि उम्मेदवारी चयन, घोषणापत्र लेखनलगायका विषयमा छलफल भएको कार्यदल सदस्य विक्रम पाण्डेले जानकारी दिए ।

कार्यदलमा कांग्रेसबाट विमलेन्द्र निधि र मिनेन्द्र रिजाल, राजपाबाट सर्वेन्द्रनाथ शुक्ला, संघीय समाजवादी फोरमबाट रामसहाय यादव, नेपाल फोरम लोकतान्त्रिकबाट गोपाल दहित, राप्रपा प्रजातान्त्रिकबाट बुद्धिमान तामाङ र राप्रपा नेपालबाट बिक्रम पाण्डे रहेका छन् ।

लोकतान्त्रिक गठबन्धनमा सहभागी हुन आह्वान

कांग्रेसले वामपन्थी गठबन्धनमा सहभागी नभएका दलहरुलाई लोकतान्त्रिक गठबन्धनमा सहभागी हुन आह्वान गरेको छ । केन्द्रिय कार्य सम्पादन समितिको बैठकले दलहरुलाई लोकतान्त्रिक गठबन्धनमा सहभागी हुन अपिल गरेको हो ।

Comments

उस्तै उस्तै खबरहरु

‘नेकपा’ बन्याे इतिहासकै शक्तिशाली पार्टी

काठमाडौं, ४ जेठ । नेकपा एमाले र माओवादीकेन्द्र मिलेर बनेको नयाँ पार्टी ‘नेपाल कम्युनिष्ट पार्टी’ इतिहासकै शक्तिशाली पार्टी बनेको छ । टुटफुटको इतिहास बोकेका दुई ठूला कम्युनिष्ट पार्टीको ऐतिहासिक एकीकरणले जन्मिएको नेकपा दक्षिण एसियाकै ठूलो कम्युनिष्ट पार्टी बनेको छ ।
एमाले–माओवादी मिलेर ‘नेपाल कम्युनिष्ट पार्टी’ घोषणा

काठमाडौं, जेठ । एमाले–माओवादी पार्टीबीच एकता भएको छ । बिहीबार अपरान्ह राष्ट्रिय सभागृहमा भएको घोषणा सभामा दुवै पार्टी एकीकरण गरी नयाँ ‘नेपाल कम्युनिष्ट पार्टी’ घोषणा गरिएको हो । एकतापछि नयाँ पार्टीमा ४४१ सदस्यीय केन्द्रीय समिति बनाइएको छ ।
‘मोदीको नेपाल भ्रमण ऐतिहासिक’

काठमाडौं, ३० बैशाख । सरकारले भारतीय प्रधानमन्त्री नरेन्द्र मोदीको नेपाल भ्रमण सफल र ऐतिहासिक भएको बताएको छ । दुई दिने राजकिय भ्रमण सकेर शनिबार भारतीय प्रधानमन्त्री नरेन्द्र मोदी स्वदेश फर्किए लगत्तै अन्तराष्ट्रिय विमानस्थलमा सञ्चारकर्मीलाई प्रतिक्रिया दिँदै
राष्ट्रपति भण्डारी र मोदीबीच भेट

काठमाडौं, २८ बैशाख । नेपालको दुई दिने राजकीय भ्रमणमा रहेका भारतका प्रधानमन्त्री नरेन्द्र मोदीले राष्ट्रपति विद्या भण्डारीलाई भेटेका छन्। राष्ट्रपति कार्यालय शीतल निवास पुगेर प्रधानमन्त्री मोदीले राष्ट्रपति भण्डारीसँग भेटवार्ता गरेका हुन्। यस अघि उनले उपराष्ट्रपति नन्दबहादुर पुनलाई भेटेका थिए।
टुँडिखेलमा मोदीलाई गार्ड अफ अनर

काठमाडाैं, २८ बैशाख । नेपालको दुईदिने धार्मिक भ्रमणमा आएका भारतीय प्रधानमन्त्री नरेन्द्र मोदी काठमाडौं आइपुगेसँगै राजनीतिक भेटवार्तामा सक्रिय भएका छन् । भारतबाट एयर इन्डियाको विशेष विमानमार्फत जनकपुर आइपुगेका मोदी केहीबेर दिउँसाे काठमाडाैं अाएका हुन् ।
भारतीय प्रधानमन्त्रीकाे नेपाल भ्रमण (LIVE)

जनकपुर, २८ बैशाख । नेपालको दुई दिने राजकीय भ्रमणमा रहेका भारतीय प्रधानमन्त्री नरेन्द्र मोदीलाई जनकपुरमा भव्य स्वागत गरिएको छ । जानकी मन्दिरमा पूजा आरधना र रामायण सर्किटको उद्घाटनपछि माेदीलार्इ