राजनीति

चुनावी तालमेल र पार्टी एक बनाउने ६ बुँदे सहमति

काठमाडौं, १८ असोज । नेकपा एमाले, माओवादी केन्द्र र नयाँ शक्ति पार्टीका बीचमा आगामी चुनाव लगत्तै एउटै कम्युनिष्ट पार्टी बनाउने विषयमा ६ बुँदे सहमति भएको छ । सहमतिपत्रमा एमाले अध्यक्ष केपी शर्मा ओली, माओवादी अध्यक्ष पुष्पकमल दाहाल प्रचण्ड र नयाँ शक्तिका संयोजक डा. बाबुराम भट्टराईले हस्ताक्षर गरेका छन् । यसका लागि ८ सदस्यीय पार्टी एकता संयोजन समिति गठन गरिएको छ । समितिमा एमालेबाट चार, माओवादीबाट तीन र नयाँ शक्तिबाट एक सदस्य रहनेछन् । पार्टी एकीकरणको संयोजन समितिको प्रमुख नेतामा एमाले अध्यक्ष केपी शर्मा ओली र माओवादी अध्यक्ष प्रचण्ड रहने समझदारी भएको छ । पार्टी एकताको खाका र कार्ययोजना बनाउनुका साथै सहमति हुन बाँकी विषयहरु टुंग्याउने जिम्मेवारी पाएको यो समितिले सहमतिका आधारमा निर्णय गर्नेछ । साथै पार्टीको नीति कार्यक्रम घोषणापत्र बनाउन दस्ताबेज मस्यौदा समिति बनाउने सहमति भएको छ ।
तीन दलले अन्य कम्युनिष्ट तथा वामपन्थी पार्टीलाई एकीकरणमा आउन आह्वान पनि गरेका छन् । आज भएको सहमति घोषणामा तीनओटै राजनीतिक दलका शीर्ष नेताले सहमति कुनै पार्टी विशेषप्रति लक्षित नभएको स्पष्ट पारेका छन । कार्यक्रममा एमाले अध्यक्ष केपी शर्मा ओलीले भुगोल, भाषा र जातीका आधारमा द्वन्द्वका भड्काउने विजय हासिल गरेको बताउनुभयो । उहाँले मुलुकमा शान्ति कायम गरी समृद्धिको दिशामा अघि बढ्न चाहेको बताउनुभयो ।
त्यस्तै माओवादी केन्द्रका अध्यक्ष पुष्पकमल दाहालले चुनावका लागि एकिकरण प्रयास भएको भन्दै कसैका विरुद्ध गठबन्धन नभएको बताउनुभयो । उहाँले ३ पार्टीका बीचमा भएको सहमति काँग्रेसविरुद्ध नभएको समेत बताउनुभयो । कार्यक्रममा नयाँ शत्तिः पार्टी नेपालका संयोजक डा. वावुराम भट्टराईले आर्थिक समृद्धिका लागि पार्टी एकिकरणको प्रयास भएको बताउनुभयो । उहाँले समाजवादतर्फ देशलाई लैजान हिमाल, पहाड र तराईलाई एकतावद्ध गर्न एकिकरण महत्वपुर्ण कदम भएको बताउनुभयो ।
सहमतिअनुसार नयाँ शक्ति पार्टीले आगामी चुनावमा सूर्य चिन्हकै प्रयोग गर्नेछ भने माओवादी केन्द्रले भने आफ्नै चुनावी चिन्ह लिएर चुनावमा जानेछन् । सरकारमा रहेको माओवादी र प्रतिपक्षमा रहेको एमालेबीच आगामी चुनावमा सहकार्य गर्ने सहमति भएपनि वर्तमान सरकारको गठबन्धनका के हुने भन्ने विषयमा भने २ पार्टी मौन छन् । बीचमा प्रतिनिधिसभा र प्रदेशसभाको चुनावको पूर्वसंध्यामा एमाले र माओवादीले चुनावी तालमेल गर्दै पार्टी एकता गर्ने सहमति गरेका थिए । तीन दलले आगामी प्रतिनिधिसभा र प्रदेशसभा चुनावमा तालमेल गर्ने सहमति पनि गरेका छन् । साथै चुनावमा सहकार्य गर्न लोकतान्त्रिक र प्रगतिशील शक्तिलाई आह्वान गरेका छन् ।

Comments

उस्तै उस्तै खबरहरु

‘नेकपा’ बन्याे इतिहासकै शक्तिशाली पार्टी

काठमाडौं, ४ जेठ । नेकपा एमाले र माओवादीकेन्द्र मिलेर बनेको नयाँ पार्टी ‘नेपाल कम्युनिष्ट पार्टी’ इतिहासकै शक्तिशाली पार्टी बनेको छ । टुटफुटको इतिहास बोकेका दुई ठूला कम्युनिष्ट पार्टीको ऐतिहासिक एकीकरणले जन्मिएको नेकपा दक्षिण एसियाकै ठूलो कम्युनिष्ट पार्टी बनेको छ ।
एमाले–माओवादी मिलेर ‘नेपाल कम्युनिष्ट पार्टी’ घोषणा

काठमाडौं, जेठ । एमाले–माओवादी पार्टीबीच एकता भएको छ । बिहीबार अपरान्ह राष्ट्रिय सभागृहमा भएको घोषणा सभामा दुवै पार्टी एकीकरण गरी नयाँ ‘नेपाल कम्युनिष्ट पार्टी’ घोषणा गरिएको हो । एकतापछि नयाँ पार्टीमा ४४१ सदस्यीय केन्द्रीय समिति बनाइएको छ ।
‘मोदीको नेपाल भ्रमण ऐतिहासिक’

काठमाडौं, ३० बैशाख । सरकारले भारतीय प्रधानमन्त्री नरेन्द्र मोदीको नेपाल भ्रमण सफल र ऐतिहासिक भएको बताएको छ । दुई दिने राजकिय भ्रमण सकेर शनिबार भारतीय प्रधानमन्त्री नरेन्द्र मोदी स्वदेश फर्किए लगत्तै अन्तराष्ट्रिय विमानस्थलमा सञ्चारकर्मीलाई प्रतिक्रिया दिँदै
राष्ट्रपति भण्डारी र मोदीबीच भेट

काठमाडौं, २८ बैशाख । नेपालको दुई दिने राजकीय भ्रमणमा रहेका भारतका प्रधानमन्त्री नरेन्द्र मोदीले राष्ट्रपति विद्या भण्डारीलाई भेटेका छन्। राष्ट्रपति कार्यालय शीतल निवास पुगेर प्रधानमन्त्री मोदीले राष्ट्रपति भण्डारीसँग भेटवार्ता गरेका हुन्। यस अघि उनले उपराष्ट्रपति नन्दबहादुर पुनलाई भेटेका थिए।
टुँडिखेलमा मोदीलाई गार्ड अफ अनर

काठमाडाैं, २८ बैशाख । नेपालको दुईदिने धार्मिक भ्रमणमा आएका भारतीय प्रधानमन्त्री नरेन्द्र मोदी काठमाडौं आइपुगेसँगै राजनीतिक भेटवार्तामा सक्रिय भएका छन् । भारतबाट एयर इन्डियाको विशेष विमानमार्फत जनकपुर आइपुगेका मोदी केहीबेर दिउँसाे काठमाडाैं अाएका हुन् ।
भारतीय प्रधानमन्त्रीकाे नेपाल भ्रमण (LIVE)

जनकपुर, २८ बैशाख । नेपालको दुई दिने राजकीय भ्रमणमा रहेका भारतीय प्रधानमन्त्री नरेन्द्र मोदीलाई जनकपुरमा भव्य स्वागत गरिएको छ । जानकी मन्दिरमा पूजा आरधना र रामायण सर्किटको उद्घाटनपछि माेदीलार्इ