खेलकुद

सिंगापुर ७ विकेटले पराजित, नेपाल समूह विजेता

काठमाडौं, २९ भदौ । मलेसियामा जारी एसीसी यू–१९ एसिया कप छनोटमा नेपालले लगातार तेस्रो जित निकालेको छ । छनोट अन्तर्गत समूह चरणको अन्तिम खेलमा बिहीबार सिंगापुरलाई ७ विकेटले पराजित गर्दै नेपालले लगातार तेस्रो जित निकालेको हो । 
सिंगापुरमाथिको जितसँगै समूह ए को नेपालले समूह बिजेताको रुपमा सेमिफाइनलमा स्थान बनाएको छ । एक खेल अगाबै सेमिफाइनलमा पुगिसकेको नेपालले ३ खेलमा सतप्रतिशत नतिजा ल्याएर ६ अंक जोडेको छ । अघिल्ला दुई खेलमा जित निकालेको सिंगापुर पनि समूह उपविजेता बन्दै सेमिफाइनलमा पुगेको छ ।
यो जितसँगै  नेपालले एसिया कपमा छनोट हुने सम्भावना कायम राखेको छ । छनोटको फाइनलमा पुग्ने दुई टोली एसिया कपको लागि छनोट हुनेछन् । अब नेपालले फाइनल प्रवेशको लागि समूह बि को उपविजेतासँग खेल्नेछ । नेपालले समूह बि मा रहेको आयोजक मलेसिया र हङकङबीचको एक टोलिसँग खेल्नेछ । यो समूहको बिजेता र उपविजेता तय भैसकेको छैन ।
मलेसियाको क्लब अमान ओभलमा सिंगापुरले दिएको ६८ रनको लक्ष्य नेपालले १३ ओभर ४ बलमा मात्र २ विकेट गुमाएर पुरा गर्यो । नेपालको जितमा ओपनर सन्दिप सुनारले २० तथा अनिल कुमार साहले १८ रन जोडे । त्यस्तै सुमित महर्जन  ११ र सन्दिप जोरा ७  रनमा अविजित रहदा आसिफ शेख ६ रन बनाए ।  सिंगापुरका अभी दिक्षितले २ तथा अनश भर्गावाले एक विकेट लिए । 
यसअघि टस जितेर पहिले ब्याटिङ गरेको सिंगापुरले २८ ओभर ३ बलमा अलआउट हुँदै ६७ रन बनाएको थियो । नेपाली बलरले किफायती बलिङ प्रदर्शन गरेपछि सिंगापुरका सिधान्त र अर्यमान सुनीलले समान २० – २० रन तथा रोहण रङराजनले ११ रन बनाउनु बाहेक अन्य ब्याट्सम्यानले उलेख्य रन जोड्न सकेनन्  । 
सिंगापुरलाई सस्तैमा समेट्न नेपालका पवन सराफ एक्लैले ६ विकेट लिए । पवनले ८ ओभरमा ४ मदनसहित मात्र १२ रन खर्चिएका थिए । यस्तै नेपालका लागि किशोर महतोले २ तथा कप्तान दिपेन्द्र सिंह एरीले १ विकेट लिए ।

उस्तै उस्तै खबरहरु

  • डीपीएलको उपाधि कस्को पोल्टामा, काठमाडौं कि धनगढी ?

    डीपीएलको उपाधि कस्को पोल्टामा, काठमाडौं कि धनगढी ? काठमाडौं, ३० चैत । धनगढीमा जारी दोस्रो संस्करणको धनगढी प्रिमियर लिग (डीपीएल) क्रिकेटको उपाधि भिडन्त आज हुँदैछ । उपाधिका लागि काठमाडौं गोल्डेन्सल र टिम चौराहा धनगढी भिड्दैछन् ।

  • डिपिएल क्रिकेटमा सुनको जुत्ता पुरस्कार !

    डिपिएल क्रिकेटमा सुनको जुत्ता पुरस्कार ! काठमाडौं, १२ चैत । आगामी चैत १७ गतेबाट हुने दोस्रो संस्करणको धनगढी प्रिमियर लिग (डिपिएल–२) को मोष्ट भ्यालुएबल खेलाडीले नेपाली जुत्ताको ब्राण्ड गोल्डस्टारको सुनको जुत्ता पाउने भएका छन् । डिपिएल आयोजक धनगढी क्रिकेट एकेडेमी (डीसीए) र गोल्डस्टार जुत्ताको किरन सुज

  • कुन कुन देशले खेल्ने भए विश्वकप क्रिकेट ?

    कुन कुन देशले खेल्ने भए विश्वकप क्रिकेट ? काठमाडौं, १० चैत । आईसीसी विश्वकप क्रिकेट छनोट खेलमा सुपर सिक्स चरणका खेल समाप्तीसँगै विश्वकपमा खेल्ने १० राष्ट्रको टुंगो लागेको छ । सुपरसिक्सको अन्तिम खेलमा अफगानिस्तानले आयरल्याण्डलाई पराजित गरेसँगै उसले विश्वकपमा स्थान बनाएको हो ।

  • ब्राजिल, अर्जेन्टिना र पोर्चुगल विजयी

    ब्राजिल, अर्जेन्टिना र पोर्चुगल विजयी काठमाडौं, १० चैत । विश्वकप तयारी स्वरुप शुक्रबार राति भएको अन्तर्राष्ट्रिय मैत्रीपूर्ण फुटबल खेलमा ब्राजिल, अर्जेन्टिना र पोर्चुगल विजयी भएका छन् । खेलमा साविक विश्वकप विजेता जर्मनी स्पेनसँग १–१ को बराबरीमा रोकिएको छ । स्पेनका रोड्रिगो मोरेनोले टोलीलाई

  • बडी बिल्डिङको अध्यक्षमा विक र महासचिवमा बज्राचार्य

    बडी बिल्डिङको अध्यक्षमा विक र महासचिवमा बज्राचार्य काठमाडौं, ३ चैत । हिमालय किङडम नेप्लिज फेडेरेसन अफ बडी बिल्डिङ एन्ड फिट्नेसको अध्यक्षमा शिव लामिछाने विक निर्विरोध निर्वाचित भएका छन् । संघको पहिलो साधारणसभाले विकको अध्यक्षतामा २६ सदस्यीय केन्द्रीय कार्यसमिति समेत निर्विरोध चयन गरेको हो ।

  • नेपाललाई ऐतिहासिक उपलब्धि, क्रिकेटमा एक दिवसीय मान्यता

    नेपाललाई ऐतिहासिक उपलब्धि, क्रिकेटमा एक दिवसीय मान्यता काठमाडौं, चैत । नेपाली क्रिकेट टोलीले इतिहास रच्दै पहिलो पटक अन्तर्राष्ट्रिय एक दिवसीय क्रिकेटको मान्यता पाएको छ । विश्वकप यात्रा टुंगिए पनि आईसीसी विश्वकप छनोटको पहिलो प्लेअफ खेलमा नेपालले पपुवा न्यूगिनीविरुद्ध शानदार जित हात पार्दै अन्तर्राष्ट्रिय एक दिवसीय क्रिकेटको मान्यता पाउन सफल भएको हो