राजनीति

संविधान संशोधनमा राजपाका तीन रणनीति

काठमाडौं, ३० साउन । राजपाले मंगलबार संसद्मा प्रस्तुत हुने संविधान संशोधन प्रस्ताव पारित गराउन एमालेलाई लिखित आग्रह गर्ने तयारी गरेको छ । संविधान संशोधन प्रस्ताव पारित गर्न आवश्यक ३९५ मतमध्ये अहिले २२ मत अपुग भएपछि कमल थापा नेतृत्वको राप्रपा र एमालेको समर्थन जुटाउन राजपाले औपचारिक पहल गर्न लागेको छ ।

कमल थापा नेतृत्वको राप्रपा विभाजित भई पशुपतिशमशेर राणको नेतृत्वमा २२ सांसद गएपछि ३७ सांसदमध्ये थापासँग १५ सांसद मात्रै छन् । पार्टी विभाजनपछि थापाले संशोधनमा असहयोग गर्ने निर्णय गरिसकेका छन् । जसले गर्दा संशोधनका लागि दुईतिहाइ मत पुग्न २२ मत कम हुने भएको हो ।

१ कमल थापालाई मनाउने
संसद्मा मंगलबार प्रस्तुत हुने सविधान संशोधन प्रस्ताव पारित गराउन राजपाले कमल थापा नेतृत्वको राप्रपालाई मनाउन प्रयत्न गर्नेछ । पार्टी विभाजित भएपछि थापा नेतृत्वको राप्रपाले संविधान संशोधनमा सहयोग नगर्ने बताएको छ । पार्टी विभाजनपछि थापासँग १५ सांसद छन् । थापालाई भेटेरै विगतको समर्थनबारे स्मरण गराउने तयारी भइरहेको राजपा महामन्त्री केशव झाको भनाइ छ ।

२ एमालेलाई फकाउने
राजपा र एमालेबीच केही दिनयता सम्बन्ध बाक्लो बन्न थालेका छ । सोहीअनुसार उसलाई लिखित र मौखिक रूपमा संशोधनको पक्षमा मत दिन आग्रह गरिने राजपाका नेताहरूको भनाइ छ । २ असोजको निर्वाचनमा तालमेल गर्नेसम्मको तयारीसहित एमालेलाई संशोधनको पक्षमा ल्याउन राजपाले पहल गर्नेछ ।

३ सात सांसद खोजी गर्ने
संविधान संशोधनका लागि ३९५ मत आवश्यक पर्छ । कमल थापा नेतृत्वको राप्रपाले संशोधनको विपक्षमा मत हाल्ने भनेपछि २२ मत अपुग हुन्छ र राप्रपालाई मनाउन सकिएको अवस्थामा सात मत अपुग हुन्छ । राजापा नेताहरूको भनाइमा कमल थापालाई मनाउन सकिने अवस्था छ । त्यसकारण बाँकी सात मत पुर्याउन राजपाले अन्य साना दलसँग सोमबारदेखि नै घनीभूत छलफल गर्ने भएको छ । नयाँ पत्रिकाबाट ।

Comments

उस्तै उस्तै खबरहरु

‘नेकपा’ बन्याे इतिहासकै शक्तिशाली पार्टी

काठमाडौं, ४ जेठ । नेकपा एमाले र माओवादीकेन्द्र मिलेर बनेको नयाँ पार्टी ‘नेपाल कम्युनिष्ट पार्टी’ इतिहासकै शक्तिशाली पार्टी बनेको छ । टुटफुटको इतिहास बोकेका दुई ठूला कम्युनिष्ट पार्टीको ऐतिहासिक एकीकरणले जन्मिएको नेकपा दक्षिण एसियाकै ठूलो कम्युनिष्ट पार्टी बनेको छ ।
एमाले–माओवादी मिलेर ‘नेपाल कम्युनिष्ट पार्टी’ घोषणा

काठमाडौं, जेठ । एमाले–माओवादी पार्टीबीच एकता भएको छ । बिहीबार अपरान्ह राष्ट्रिय सभागृहमा भएको घोषणा सभामा दुवै पार्टी एकीकरण गरी नयाँ ‘नेपाल कम्युनिष्ट पार्टी’ घोषणा गरिएको हो । एकतापछि नयाँ पार्टीमा ४४१ सदस्यीय केन्द्रीय समिति बनाइएको छ ।
‘मोदीको नेपाल भ्रमण ऐतिहासिक’

काठमाडौं, ३० बैशाख । सरकारले भारतीय प्रधानमन्त्री नरेन्द्र मोदीको नेपाल भ्रमण सफल र ऐतिहासिक भएको बताएको छ । दुई दिने राजकिय भ्रमण सकेर शनिबार भारतीय प्रधानमन्त्री नरेन्द्र मोदी स्वदेश फर्किए लगत्तै अन्तराष्ट्रिय विमानस्थलमा सञ्चारकर्मीलाई प्रतिक्रिया दिँदै
राष्ट्रपति भण्डारी र मोदीबीच भेट

काठमाडौं, २८ बैशाख । नेपालको दुई दिने राजकीय भ्रमणमा रहेका भारतका प्रधानमन्त्री नरेन्द्र मोदीले राष्ट्रपति विद्या भण्डारीलाई भेटेका छन्। राष्ट्रपति कार्यालय शीतल निवास पुगेर प्रधानमन्त्री मोदीले राष्ट्रपति भण्डारीसँग भेटवार्ता गरेका हुन्। यस अघि उनले उपराष्ट्रपति नन्दबहादुर पुनलाई भेटेका थिए।
टुँडिखेलमा मोदीलाई गार्ड अफ अनर

काठमाडाैं, २८ बैशाख । नेपालको दुईदिने धार्मिक भ्रमणमा आएका भारतीय प्रधानमन्त्री नरेन्द्र मोदी काठमाडौं आइपुगेसँगै राजनीतिक भेटवार्तामा सक्रिय भएका छन् । भारतबाट एयर इन्डियाको विशेष विमानमार्फत जनकपुर आइपुगेका मोदी केहीबेर दिउँसाे काठमाडाैं अाएका हुन् ।
भारतीय प्रधानमन्त्रीकाे नेपाल भ्रमण (LIVE)

जनकपुर, २८ बैशाख । नेपालको दुई दिने राजकीय भ्रमणमा रहेका भारतीय प्रधानमन्त्री नरेन्द्र मोदीलाई जनकपुरमा भव्य स्वागत गरिएको छ । जानकी मन्दिरमा पूजा आरधना र रामायण सर्किटको उद्घाटनपछि माेदीलार्इ