मनोरंजन

चिकित्सकको निर्देशनमा दुई भिडियो

काठमाडौं, असोज । लन्डनमा बस्दै आएका दन्त चिकित्सक कपिल रिजालको निर्देशनमा तयार भएका दुई गीतको म्युजिकको भिडियो सार्वजनिक गरिएको छ । आइतबार अनामनगरस्थित युनियन हाउसमा आयोजना गरिएको कार्यक्रममा रामकृष्ण ढकाल र तारा रिजालको स्वरमा सजिएका दुई भिडियो सार्वजनिक गरिएको हो ।
रामकृष्ण ढकालको स्वरमा सजिएको गीतको रचना डा. भोला रिजालले गरेका हुन् भने तारा रिजालले नारायण गोपालले गाएको गीत कभर गरेकी हुन् । डा.कपिल गीतकार भोला रिजालका छोरा हुन् । उनले बुबाकै प्रेरणाले संगीत निकट रहेको बताए ।
‘बुबाको संगतकै कारण गीतसंगीतमा सानैदेखि रुची थियो । कामको सिलसिलामा लन्डनमा बसे पनि नेपाली गीत, संगीत र फिल्म प्रति रुची उस्तै छ,’दुई वर्षअघि रिलिज भुवन केसी निर्देशित फिल्म ‘ड्रिम्स’को निर्मातासमेत रहेका उनले भने,‘मैले अहिलेसम्म निर्माण गरेका आधा दर्जन बढी म्युजिक भिडियो भन्दा यो भिडियो अलिक पृथक किसिमको छ ।’ उनले भिडियोले परिवारको बीचमा संवाद कम हुनुमा नयाँ पुस्ता वा पुरानो पुस्ताभन्दा पनि समयका कारण ‘ग्याप’ भइरहेको अवस्थालाई चित्रण गरेको बताए ।‘भिडियोको कथा आफ्नै अनुभवबाट सिर्जितभन्दा पनि हुन्छ । मैंले चाहेर पनि बुबा वा ममीलाई समय दिन सक्दिन तर यसको मतलब यो होइन कि उहाँहरूलाई आदर गर्दिन । भिडियो पनि हामीले यस्तै थिममा बनाएका छौं,’ डा.कपिलले भने ।
बाबु, छोरा र नाति पुस्ताको सम्बन्धलाई देखाउने भिडियोमा नातिसँग रमाउने हजुरबुवा र हजुरबुवाप्रति उनका छोराले गर्ने व्यवहारको विषयलाई संयोगान्त रुपमा प्रस्तुत गरिएको छ । भिडियोमा अभिनेता सरोज खनाल हजुरबुवा, जीवन भट्टराई छोरा, सुरबिना कार्की बुहारी र बाल कलाकार कुसाग्र भट्टराईले नातिको भूमिकामा अभिनय गरेका छन् ।
शिखर सन्तोषको संगीतमा रामकृष्ण ढकालले स्वर दिएको गीतको भिडियोमा टेकेन्द्र शाहको सम्पादन र सुदिप बरालको छायांकन छ । गीतकार डा. रिजालले विषम परिस्थितिमा आफूले गीत सिर्जना गरेको बताए । ‘यो गीतको रेकर्ड गर्दा गायक रामकृष्णले रेकर्डिङ लगत्तै यो गीतमा सरोज खनाललाई खेलाउन पाए हुन्थ्यो भन्ने सोचेका रहेछन् । मैंले पनि त्यही सोचिरहेको थिएँ । नभन्दै भिडियोमा सरोज खनाललाई नै खेलाउन मौका पायौं । उहाँले हाम्रो सोचलाई असाध्यै न्याय गर्नु भएको छ,’ भोला रिजालले भने ।
कार्यक्रममा डा. कपिलकी छोरी तारा रिजालले गाएको ‘मलाई नसोध कहाँ दुख्छ घाउ’को कभर गीतको भिडियो पनि देखाइएको थियो । यो गीतका वास्तविक गायक नारायण गोपाल हुन् । यो भिडियोको निर्देशन पनि डा. कपिलले नै गरेका हुन् ।

Comments

उस्तै उस्तै खबरहरु

बक्स अफिस म्यूजिक भिडियो अवार्ड ३० विधामा, तयारी धमाधम

काठमाडाैं, जेठ । नेशनल बक्स अफिस म्यूजिक भिडियो अवार्डको तयारी तीव्र पारिएको छ । गत वर्षदेखि यो वर्षको बैशाखसम्म सार्वजनिक भएको विभिन्न गीत संगीतहरुलाई छनोट गरी बक्स अफिस म्यूजिक भिडियो अवार्ड प्रदान गर्न लागिएको आयोजक संस्था बक्स अफिस इन्टरनेशनल ग्रुपका अध्यक्ष रामबहादुर सुवेदी (आर.के.)ले बताए ।
नायक शिवले बनाउने भए ‘एउटा यस्तो प्रेम कहानी’

काठमाडौं, २ बैशाख । पुराना नायक शिव श्रेष्ठ पनि चलचित्र निर्माणमा जुटेका छन् । हालै काठमाडौंमा भएको एक कार्यक्रममा उपराष्ट्रपति नन्दकिशोर पुनको उपस्थितिमा चलचित्र ‘एउटा यस्तो प्रेम कहानी’को शुभ मुहूर्त गरिएको हो ।
ब्लकबस्टर अवार्ड भव्यरूपमा सम्पन्न

काठमाडौं, ३० चैत । बक्स अफिस फिल्मी क्लब नेपालको आयोजनामा ‘ब्लक बस्टर अवार्ड’ भव्यरुपमा सम्पन्न भएको छ । नयाँ वर्ष २०७५ सालको शुभकामना आदानप्रदानसँगै यो वर्षभरी प्रदर्शनमा आएका सफल चलचित्रका निर्माता तथा निर्देशकहरुलाई अवार्ड प्रदान गरिएको हो ।
बेलतायबाटै समाजसेवामा नेपाली चेली प्रसुना

काठमाडौं, चैत । लामो समयदेखि बेलायत बसेर आफ्नो छुट्टै पहिचान बनाएकी नेपाली चेली प्रसुना कँडेल पेशाले नर्स हुन् । नेपाल नर्सिङ एसोशिएसन यूकेकी अध्यक्ष समेत रहेकी उनी विरामीहरुको सेवामा अहोरात्र खटिन्छिन् । त्यतिमात्र नभएर उनी बहुमुखी प्रतिभाकी धनी छिन् ।
राधे औसत चलचित्रः निर्माता सुशील पोखरेल

काठमाडौं, १२ चैत । नयाँ वर्ष २०७५ को अवसर पारेर आयोजना हुन लागेको ब्लक बस्टर अवार्डको मनोनयनमा छनोट भएका एक दर्जन बढी चलचित्रभित्र पर्न सफल चलचित्र हो– राधे । वि.स. २०७४ सालमा प्रदर्शनमा आएका चलचित्रहरुको व्यावसायिक सफलतालाई मध्यनजर गरेर ब्लकबस्टर अवार्ड प्रदान गर्न लागिएको हो ।
‘उल्झन’को बेल्जियम र बेलायत प्रिमियर भव्य

काठमाडौं, चैत । आफ्नो मातृभूमि छोडेर विगत लामो समयदेखि बेल्जियममा कर्म थलो बनाएका नायक बेनीज्योति ढुंगाना र निर्माता तेजेन्द्र कँडेलले पछिल्लो पटक निर्माण गरेको चलचित्र उल्झनले बेल्जियम र बेलायतमा प्रिमियर शो सम्पन्न गरेको छ ।