मनोरंजन

तिहारका दुई चलचित्र कस्ता ?

काठमाडौं- नेपालीहरुको दोस्रो ठूलो चाड तिहारलाई लक्षित गरी दुई वटा चलचित्र शुक्रबारबाट प्रदर्शनमा आएका छन् ।  दुई फरक धारका चलचित्र ‘परदेशीको उमङ्ग’ र ‘राधा’ एकैसाथ प्रदर्शनमा आएका हुन् । शिव शर्माद्वारा पहिलोपटक निर्देशित चलचित्र ‘परदेशीको उमङ्ग’ वैदेशिक रोजगारीको सत्य घटनामा आधारित रहेको छ ।  निर्देशक शर्मा लामो समयदेखि नृत्य निर्देशक पेसामा आबद्ध हुनुहुन्थ्यो । त्यस्तै ‘राधा’ योगेश घिमिरेको निर्देशनमा बनेको प्रेम कथामा आधारित चलचित्र हो ।

यो चलचित्रमा केहीकेही हाँस्य रस पनि समावेश गरिएको छ । ‘राधा’मा प्रेम कथालाई मुख्य विषय बनाएको भए पनि नेपाली नारीको सङ्घर्ष र पीडालाई पनि समावेश गरिएको निर्देशक घिमिरेले बताउनुभयो । चलचित्रको कथा भने प्रदीप भारद्ववाजले लेख्नुभएको छ ।

यता ‘परदेशीको उमङ्ग’को झण्डै ८० प्रतिशत छायाङ्कन संयुक्त अरब इमिरेट्सको दुबई र बाँकी काठमाडौं, बाग्लुङ र गुल्मीमा गरिएको छ । चलचित्रका निर्मातासमेत रहेका कुमार जिसीको यसमा मुख्य भूमिका रहेको छ । त्यस्तै बिनिता बराल, रामबाबु रेग्मी, सिपी पौडेल, शिला श्रेष्ठ आदि कलाकारको अभिनय छ ।

चलचित्रमा अर्जुन पोखरेलको शब्द तथा सङ्गीतको साथमा भारतीय गायक नाकाश अजिजको समेत पाश्र्व गायन छ । त्यसैगरी ७२ लाख रुपैयाँको लागतमा निर्माण भएको चलचित्र ‘राधा’ पूर्वको झापा र इलामसँगै भारतको दार्जिलिङमा समेत छायाङ्कन गरिएको छ ।

निर्देशक घिमिरेका यसअघि ‘नोटबुक’, ‘भुल भूलैया’ जस्ता चलचित्र प्रदर्शनमा आइसकेका छन् ।  चलचित्रकर्मीहरु राम्रो चलचित्र बनाउँदैनन् तर, राम्रो व्यापारको लागि एक वर्ष अघि देखि लामो विदाको प्रतिक्षामा रहेका हुन्छन् । यो वर्षको दसैंमा चलचित्र किस्मत–२ र सुब्बा साब प्रदर्शनमा आए पनि आशातित परिणाम हात पार्न सकेनन् । तिहारमा प्रदर्शनमा आएका यी चलचित्रको अवस्था पनि उस्तै देखिने निश्चित भएको छ । यी दुबै चलचित्रको प्रचार प्रसार लगायत विविध पक्षलाई मूल्यांकन गर्दा यस्तो अवस्था देखिएको हो ।

जीवन लुइँटेल र संचिता लुइँटेलको  मुख्य टर्निङ पोइन्टका रुपमा हेरिएको यो चलचित्र खासै बाहर ल्याउन नसक्ने प्रिमियर हेरेका निर्माता, निर्देशक र रंगपत्रकार लगायतले समिक्षा गरेका छन् । तर,  निर्माण कम्पनीले भने चलचित्र उत्कृष्ट रेहेको दाबी गर्न भने पछि परेको छैन । जसले जेसुकै दाबी गरे तापनि चलचित्रले कस्तो व्यापार गर्ने हे भन्ने कुरा नै प्रमुख हुन आउँछ ।

उस्तै उस्तै खबरहरु

  • बक्स अफिस म्यूजिक भिडियो अवार्ड ३० विधामा, तयारी धमाधम

    बक्स अफिस म्यूजिक भिडियो अवार्ड ३० विधामा, तयारी धमाधम काठमाडाैं, जेठ । नेशनल बक्स अफिस म्यूजिक भिडियो अवार्डको तयारी तीव्र पारिएको छ । गत वर्षदेखि यो वर्षको बैशाखसम्म सार्वजनिक भएको विभिन्न गीत संगीतहरुलाई छनोट गरी बक्स अफिस म्यूजिक भिडियो अवार्ड प्रदान गर्न लागिएको आयोजक संस्था बक्स अफिस इन्टरनेशनल ग्रुपका अध्यक्ष रामबहादुर सुवेदी (आर.के.)ले बताए ।

  • नायक शिवले बनाउने भए ‘एउटा यस्तो प्रेम कहानी’

    नायक शिवले बनाउने भए ‘एउटा यस्तो प्रेम कहानी’ काठमाडौं, २ बैशाख । पुराना नायक शिव श्रेष्ठ पनि चलचित्र निर्माणमा जुटेका छन् । हालै काठमाडौंमा भएको एक कार्यक्रममा उपराष्ट्रपति नन्दकिशोर पुनको उपस्थितिमा चलचित्र ‘एउटा यस्तो प्रेम कहानी’को शुभ मुहूर्त गरिएको हो ।

  • ब्लकबस्टर अवार्ड भव्यरूपमा सम्पन्न

    ब्लकबस्टर अवार्ड भव्यरूपमा सम्पन्न काठमाडौं, ३० चैत । बक्स अफिस फिल्मी क्लब नेपालको आयोजनामा ‘ब्लक बस्टर अवार्ड’ भव्यरुपमा सम्पन्न भएको छ । नयाँ वर्ष २०७५ सालको शुभकामना आदानप्रदानसँगै यो वर्षभरी प्रदर्शनमा आएका सफल चलचित्रका निर्माता तथा निर्देशकहरुलाई अवार्ड प्रदान गरिएको हो ।

  • बेलतायबाटै समाजसेवामा नेपाली चेली प्रसुना

    बेलतायबाटै समाजसेवामा नेपाली चेली प्रसुना काठमाडौं, चैत । लामो समयदेखि बेलायत बसेर आफ्नो छुट्टै पहिचान बनाएकी नेपाली चेली प्रसुना कँडेल पेशाले नर्स हुन् । नेपाल नर्सिङ एसोशिएसन यूकेकी अध्यक्ष समेत रहेकी उनी विरामीहरुको सेवामा अहोरात्र खटिन्छिन् । त्यतिमात्र नभएर उनी बहुमुखी प्रतिभाकी धनी छिन् ।

  • राधे औसत चलचित्रः निर्माता सुशील पोखरेल

    राधे औसत चलचित्रः निर्माता सुशील पोखरेल काठमाडौं, १२ चैत । नयाँ वर्ष २०७५ को अवसर पारेर आयोजना हुन लागेको ब्लक बस्टर अवार्डको मनोनयनमा छनोट भएका एक दर्जन बढी चलचित्रभित्र पर्न सफल चलचित्र हो– राधे । वि.स. २०७४ सालमा प्रदर्शनमा आएका चलचित्रहरुको व्यावसायिक सफलतालाई मध्यनजर गरेर ब्लकबस्टर अवार्ड प्रदान गर्न लागिएको हो ।

  • ‘उल्झन’को बेल्जियम र बेलायत प्रिमियर भव्य

    ‘उल्झन’को बेल्जियम र बेलायत प्रिमियर भव्य काठमाडौं, चैत । आफ्नो मातृभूमि छोडेर विगत लामो समयदेखि बेल्जियममा कर्म थलो बनाएका नायक बेनीज्योति ढुंगाना र निर्माता तेजेन्द्र कँडेलले पछिल्लो पटक निर्माण गरेको चलचित्र उल्झनले बेल्जियम र बेलायतमा प्रिमियर शो सम्पन्न गरेको छ ।