समाचार

नेविसंघमा यस्तो छ भिडन्त

काठमाडाैं– शक्तिकेन्द्रमा रहनुको फाइदा शक्तिको उपयोग मात्र होइन, दुरूपयोग पनि हो । उहीले गिरिजाप्रसाद कोइरालाले हाँकेको कांग्रेसमा उनको बोली काफी हुन्थ्यो । मुस्किलले सभापति जितेका शेरबहादुरले अहिले आफूलाई गिरिजापथमा डोर्याउन थालेका छन् । उहिले गगन थापालाई नेविसंघको अध्यक्ष हुनबाट रोकेका गिरिजाको दम्भ अहिले देउवाले देखाउन थालेका छन् ।

यद्यपि, नेविसंघमा कडा भिडन्त हुने नै पक्का भएको छ । नैनसिंह महर र मनोजमणि आचार्यबीच अध्यक्षका लागि भिडन्त हुन लागेको हो । नेपाली कांग्रेसको भ्रातृ संगठन नेपाल विद्यार्थी संघमा ३ सय ६० फर्जी मतदाताको कलह भइरहेको बेला देउवाले जसरी पनि निर्वाचन गराउने दम्भ अघि सारेका छन् । खासगरी रामचन्द्र पौडेल पक्षले असन्तुष्टि जनाए उनीहरू बाहेककै नेविसंघको नयाँ नेतृत्व चयनका लागि देउवाले ठाडो निर्देशन पनि दिएका छन् ।

देउवाले विवाद र तनावकै बीच संघको निर्वाचन प्रक्रिया अघि बढाउने घोषणा गरेपछि वरिष्ठ नेता रामचन्द्र पौडेल समूह असन्तुष्ट बनेको छ । पौडेलले प्रतिनिधि विवाद देखाएर आइतबार अधिवेशन रोक्न सभापति देउवालाई आग्रह गरेका थिए । सोमबार दिनभरि पनि विवाद कायम रह्यो । ‘३ सय ६० मतदाताको कुरामा समस्या आइरहेको थियो। नाम नभएका र नपरेका मान्छे हटाउनुपर्छ भन्ने अडान हामीले राखेका थियौँ’, नेविसंघ पूर्वमहामन्त्री मनोजमणि आचार्यले भने,‘तानाशाही हिसाबले काम हुँदैन, हामी मान्दैनौँ भन्ने अडानकाबीच नयाँ सहमति बनेको छ, चुनावअघि बढ्छ ।’

प्रतिनिधिको विवादका कारण कांग्रेस मुख्यालयमा पौडेल पक्षमा विद्यार्थीमाथि सोमबार प्रहरी पनि लगाएको थियो । खासगरी गृहमन्त्रालय देउवाका खास मान्छे, विमलेन्द्र निधिले सम्हाल्नासात पौडेल पक्षका विद्यार्थीमाथि लाठी चार्ज भएको थियो ।
परिणाम आफ्नो पक्षमा नआउने देखेपछि पौडेल पक्ष निर्वाचन रोक्ने योजनामा लागेको देउवा पक्षले आरोप लगाएको छ भने पौडेल पक्षले संस्थापन पक्षबाट नेविसंघ कब्जा गर्न रातरात फर्जी प्रतिनिधि खडा गरिएको बताएको छ ।

फर्जी मतदाता नामावली नसच्याएसम्म निर्वाचन प्रक्रियामा सहभागी नहुने निर्णय पौडेल पक्षले लिएको थियो । पूर्वमहामन्त्री प्रकाशमान सिंहको निवास चाक्सीबारीमा आइतबार बिहान भएको पौडेल पक्षीय भेलाले आमरण अनशनलाई सम्बोधन गर्ने नाममा भागबन्डाबाट आएका ‘गैरविद्यार्थी’ लाई नहटाएसम्म निर्वाचन प्रक्रियामा सहभागी नहुने निर्णय लिएको थियो ।

आमरण अनशन बसेका कुन्दन काफ्ले पक्षका विद्यार्थी र नैनसिंह महरबीच भागबन्डा भइसकेको स्रोतले जनाएको छ । महरले अध्यक्ष लिने र काफ्ले समूहलाई महामन्त्रीसहित सहमहामन्त्री र ४ प्रदेशका उपाध्यक्षसमेत दिन महर राजी भएपछि पौडेलपक्षलाई बायस गरेर अघि बढ्ने योजना बनिसकेको स्रोतले जनाएको छ । त्यसो भए पौडेल प्यानल चुनावमै आएपनि जित्न सक्ने आकलन महर प्यानलले गरेको छ । आजको जनप्रहार साप्ताहिकमा खबर छापिएको छ।

उस्तै उस्तै खबरहरु

  • वासिंटन डिसीमा नेजाको अन्तरक्रिया, नेपाली दुतावासमा कर्मचारी अभाव भएको गुनासो

    वासिंटन डिसीमा नेजाको अन्तरक्रिया, नेपाली दुतावासमा कर्मचारी अभाव भएको गुनासो विश्व प्रेस स्वतन्त्रता दिवस मे ३ मा अमेरिकाको डीसी मट्रो क्षेत्रमा अवस्थित अमेरिकाका लागि नेपाली दूतावासको कार्यालयमा राजदूत प्रा. श्रीधर खत्रीसँग नेपाल अमेरिका पत्रकार संघ (नेजा) ले अन्तरक्रिया गरेको छ । सो अन्तरक्रियामा राजदूत प्रा‍. खत्रीले दूतावासले आफ्नो स्रोत र साधनले भ्याएसम्म सेवा प्रवाहमा विशेष ध्यान दिइरहेको बताउनुभयो ।

  • ग्रेटर न्यूयोर्क नेपाली चेम्बर अफ कमर्शको अध्यक्षमा प्रदीप श्रेष्ठ

    ग्रेटर न्यूयोर्क नेपाली चेम्बर अफ कमर्शको अध्यक्षमा प्रदीप श्रेष्ठ न्यूयोर्क । अमेरिकाको न्यूयोर्क आसपासमा व्यवसाय गरिरहेका नेपाली एवं नेपाली मूलका अमेरिकी व्यवसायीहरु संगठित भएका छन् । उनीहरुले ग्रेटर न्यूयोर्क नेपाली चेम्बर अफ कमर्श गठन गरेका हुन् । न्यूयोर्क, न्यूजर्सी र कनेक्टिकट राज्यमा व्यवसाय गर्ने नेपाली एवं नेपाली भाषी व्यवसायीहरु संलग्न रहेको यो संस्थामा ७४ वटा व्यवसायिक कम्पनी आवद्ध भएका छन् । एक वर्षसम्मको तयारीपछि गरिएको साधारणसभाले प्रदीप श्रेष्ठको अध्यक्षतामा सात सदस्यीय कार्यसमिति निर्वाचित गरेको छ ।

  • नेवाः गुठी न्यूयोर्कले मनायो विश्व नेवाः दिवस

    नेवाः गुठी न्यूयोर्कले मनायो विश्व नेवाः दिवस न्यूयोर्क । नेवाः गुठी न्यूयोर्कले सातौं विश्व नेवाः दिवस विशेष कार्यक्रम गरी मनाएको छ । गुठीका अध्यक्ष विजयमान सिं को अध्यक्षतामा भएको उक्त कार्यक्रममा विभिन्न संघसंस्थाका प्रतिनिधिहरुले शुभकामना मन्तव्य व्यक्त गरेका थिए । कार्यक्रममा नेपाली महावाणिज्य दुतावासकी उपवाणिज्य दुत संगिता न्यौपाने, न्यूयोर्कका लागि पर्यटन प्रबर्द्धक एवं पत्रकार गोकुल श्रेष्ठ, आदिवासी जनजाति महासंघ, अमेरिकाका अध्यक्ष तोरण गुरुंग, हिमालयन बुद्धिष्ट कम्युनिटीका अध्यक्ष हृदय तुलाधर, नेवाः गुठीका संस्थापक एवं सल्लाहकार विके नेवाः र गुठीका संस्थापक अध्यक्ष, सल्लाहकार एवं विश्व नेवाः अर्गनाईजेशनका सल्लाहकार आदित्य महर्जनले विश्व नेवाः दिवसको उपलक्षमा शुभकामना मन्तव्य व्यक्त गर्नु भएको थियो ।

  • ललितपुरका मयेर चिरिबाबुलाई न्यूयोर्कमा स्वागत

    ललितपुरका मयेर चिरिबाबुलाई न्यूयोर्कमा स्वागत न्यूयोर्क । अमेरिका भ्रमणमा रहनुभएका ललितपुर महानगरपालिकाका मेयर चिरिबाबु महर्जनलाई नेवाः गुठी न्यूयोर्कले स्वागत गरेको छ । न्यूयोर्कमा आयोजना गरिएको कार्यक्रममा गुठीले मेयर महर्जनलाई स्वागत तथा सम्मान गरेको हो ।

  • नेजाको साधारण सभा बोस्टनमा

    नेजाको साधारण सभा बोस्टनमा नेपाल अमेरिका पत्रकार संघ (नेजा) ले आफ्नो १७औं साधारण सभा म्यासाच्युसेट्स राज्यको बोस्टन सहरमा गर्ने भएको छ । टेक्सासको अस्टिनमा भएको नेजाको बैठकले आगामी मे २५ र २६ मा आफ्नो १७औं साधारण सभा गर्ने निर्णय गरेको जनाएको छ । साधारण सभाका लागि नेजाका क्षेत्रीय संयोजक (उत्तर–पूर्व) सुपेन्द्र बस्नेतलाई संयोजक चयन गरिएको महासचिव बाबुराम दाहालले जारी गरेको बक्तव्यमा उल्लेख छ ।

  • तेश्रो लगानी सम्मेलनका लागि अमेरिकी लागनीकर्तालाई महावाणिज्य दुतावासको आव्हान

    तेश्रो लगानी सम्मेलनका लागि अमेरिकी लागनीकर्तालाई महावाणिज्य दुतावासको आव्हान अमेरिकी व्यवसायी एवं लगानीकर्तालाई नेपालमा हुन लागेको तेश्रो लगानी सम्मेलनमा सहभागि हुन नेपाली महावाणिज्य दुतावास न्यूयोर्कले आव्हान गरेको छ । न्यूयोर्कस्थित महावाणिज्य दुतावासमा हिजो आयोजना गरिएको “नेपालमा व्यापार, पर्यटन र लगानीका अवसरहरू“ विषयक गोलमेच छलफलमा कार्यवहाक महावाणिज्य दुत विष्णु प्रसाद गौतमले यस्तो आग्रह गर्नु भएको हो ।