समाचार

काभ्रे बस दुर्घटनाः ज्यान गुमाउने २६ को सनाखत

काठमाडौं– काभ्रेको बिर्ता देउरालीमा सोमबार भएको बस दुर्घटनामा ज्यान गुमाउने मध्ये २६ जनाको सनाखत भएको छ । काठमाडौंबाट काभ्रेको कोशीपारी जाँदै गरेको बा. ३ ख १०६ नम्बरको बस विर्ता देउरालीस्थित खहरे खोलामा खस्दा २६ जनाको घटनास्थलमै मृत्यु भएको हो भने एक जनाको उपचारका क्रममा काठमाडौंमा मृत्यु भएको हो । दुर्घटनामा अन्य ४० भन्दा बढी घाइते भएका छन् ।
बसमा क्षमता भन्दा बढी लोड भएका कारण दुर्घटना भएको प्रारम्भिक अनुसन्धानबाट खुलेको छ । प्रहरीका अनुसार मृतकमध्ये २६ जनाको सनाखत भएको छ ।

मृतकको नामावली
1.    दिपक गौतम, बर्ष ४५, कात्तिके देउराली ७
2.    गोविन्द गौतम, बर्ष ६५, कात्तिके देउरली ७
3.    सुनिल बर्देवा, बर्ष ३५, कात्तिके देउराली ७
4.    निलकण्ठ गौतम, बर्ष ६५, मादनकुँडारी ५
5.    विनोद गौतम, बर्ष ४८, मादनकुँडारी ५
6.    एलिसा तामाङ, बर्ष ८, मादनकुँडारी १
7.    विष्णुप्रसाद बाँस्कोटा, कात्तिके देउराली ३
8.    उमेश बाँस्कोटा, कात्तिके देउराली ४
9.    पञ्जा तामाङ, मादनकुँडारी १
10.    रेशम विक, बर्ष २१, गोठपानी गाविस
11.    छविलाल चौलागाई, मादनकुँडारी ५
12.    सिता गिरी, नाम ठेगाना नखुलेका
13.    कुनामाया परियार, वर्ष ३५, कात्तिके देउराली ७
14.    सिता परियार, वर्ष २५, कात्तिके देउराली ७
15.    इन्द्रकुमारी लामा, ठेगाना खुलेन
16.    सानुमाया तामाङ, वर्ष २५, मादन कुँडारी १
17.    माईली तामाङ, मादनकुँडारी ३
18.    कृष्ण दमै परियार, ठेगाना खुलेन
19.    लिलानाथ गौतम, ठेगाना खुलेन
20.    सुष्मा लामा मगर, वर्ष ३०, मादनकुँडारी
21.    सिता बर्देवा, कात्तिके देउराली
22.    ठुलिकान्छी सुनुवार, ठेगाना खुलेन
23.    विष्णु सापकोटा, ठेगाना खुलेन
24.    इन्द्रकुमारी तामाङ, ठेगाना खुलेन
25.    औलात सिं, मादन कुँडारी
26.    जुनकिरी गौतम, रामेछाप जिल्ला लखनपुर–१

यसैबीच गृहमन्त्री विमलेन्द्र निधिले साँझ ट्रमा सेन्टर पुगेर घाइतेहरू स्वास्थ्य अवस्थाको बारेमा जानकारी लिनुभएको छ । उनीहरुको उपचारमा सरकारकातर्फबाट कुनै कसर बाँकी नराख्ने बताउनुभयो । घाइतेको सम्पूर्ण उपचारखर्चसमेत सरकारले नै बहोर्ने गृह मन्त्रालका प्रवक्त यादव कोइरालाद्वारा जारी विज्ञप्तिमा जनाइएको छ ।
काभ्रेमा भएको भयानक दुर्घटनासँगै गृहमन्त्रालयले लामो रुटको यातायात सेवामा सिट क्षमताभन्दा बढी यात्रुहरू राख्न नदिने कार्यलाई कडाइका साथ कार्यान्वयन गर्न स्थानीय प्रशासन र प्रहरीलाई निर्देशनसमेत दिएको छ ।

 

उस्तै उस्तै खबरहरु

  • वासिंटन डिसीमा नेजाको अन्तरक्रिया, नेपाली दुतावासमा कर्मचारी अभाव भएको गुनासो

    वासिंटन डिसीमा नेजाको अन्तरक्रिया, नेपाली दुतावासमा कर्मचारी अभाव भएको गुनासो विश्व प्रेस स्वतन्त्रता दिवस मे ३ मा अमेरिकाको डीसी मट्रो क्षेत्रमा अवस्थित अमेरिकाका लागि नेपाली दूतावासको कार्यालयमा राजदूत प्रा. श्रीधर खत्रीसँग नेपाल अमेरिका पत्रकार संघ (नेजा) ले अन्तरक्रिया गरेको छ । सो अन्तरक्रियामा राजदूत प्रा‍. खत्रीले दूतावासले आफ्नो स्रोत र साधनले भ्याएसम्म सेवा प्रवाहमा विशेष ध्यान दिइरहेको बताउनुभयो ।

  • ग्रेटर न्यूयोर्क नेपाली चेम्बर अफ कमर्शको अध्यक्षमा प्रदीप श्रेष्ठ

    ग्रेटर न्यूयोर्क नेपाली चेम्बर अफ कमर्शको अध्यक्षमा प्रदीप श्रेष्ठ न्यूयोर्क । अमेरिकाको न्यूयोर्क आसपासमा व्यवसाय गरिरहेका नेपाली एवं नेपाली मूलका अमेरिकी व्यवसायीहरु संगठित भएका छन् । उनीहरुले ग्रेटर न्यूयोर्क नेपाली चेम्बर अफ कमर्श गठन गरेका हुन् । न्यूयोर्क, न्यूजर्सी र कनेक्टिकट राज्यमा व्यवसाय गर्ने नेपाली एवं नेपाली भाषी व्यवसायीहरु संलग्न रहेको यो संस्थामा ७४ वटा व्यवसायिक कम्पनी आवद्ध भएका छन् । एक वर्षसम्मको तयारीपछि गरिएको साधारणसभाले प्रदीप श्रेष्ठको अध्यक्षतामा सात सदस्यीय कार्यसमिति निर्वाचित गरेको छ ।

  • नेवाः गुठी न्यूयोर्कले मनायो विश्व नेवाः दिवस

    नेवाः गुठी न्यूयोर्कले मनायो विश्व नेवाः दिवस न्यूयोर्क । नेवाः गुठी न्यूयोर्कले सातौं विश्व नेवाः दिवस विशेष कार्यक्रम गरी मनाएको छ । गुठीका अध्यक्ष विजयमान सिं को अध्यक्षतामा भएको उक्त कार्यक्रममा विभिन्न संघसंस्थाका प्रतिनिधिहरुले शुभकामना मन्तव्य व्यक्त गरेका थिए । कार्यक्रममा नेपाली महावाणिज्य दुतावासकी उपवाणिज्य दुत संगिता न्यौपाने, न्यूयोर्कका लागि पर्यटन प्रबर्द्धक एवं पत्रकार गोकुल श्रेष्ठ, आदिवासी जनजाति महासंघ, अमेरिकाका अध्यक्ष तोरण गुरुंग, हिमालयन बुद्धिष्ट कम्युनिटीका अध्यक्ष हृदय तुलाधर, नेवाः गुठीका संस्थापक एवं सल्लाहकार विके नेवाः र गुठीका संस्थापक अध्यक्ष, सल्लाहकार एवं विश्व नेवाः अर्गनाईजेशनका सल्लाहकार आदित्य महर्जनले विश्व नेवाः दिवसको उपलक्षमा शुभकामना मन्तव्य व्यक्त गर्नु भएको थियो ।

  • ललितपुरका मयेर चिरिबाबुलाई न्यूयोर्कमा स्वागत

    ललितपुरका मयेर चिरिबाबुलाई न्यूयोर्कमा स्वागत न्यूयोर्क । अमेरिका भ्रमणमा रहनुभएका ललितपुर महानगरपालिकाका मेयर चिरिबाबु महर्जनलाई नेवाः गुठी न्यूयोर्कले स्वागत गरेको छ । न्यूयोर्कमा आयोजना गरिएको कार्यक्रममा गुठीले मेयर महर्जनलाई स्वागत तथा सम्मान गरेको हो ।

  • नेजाको साधारण सभा बोस्टनमा

    नेजाको साधारण सभा बोस्टनमा नेपाल अमेरिका पत्रकार संघ (नेजा) ले आफ्नो १७औं साधारण सभा म्यासाच्युसेट्स राज्यको बोस्टन सहरमा गर्ने भएको छ । टेक्सासको अस्टिनमा भएको नेजाको बैठकले आगामी मे २५ र २६ मा आफ्नो १७औं साधारण सभा गर्ने निर्णय गरेको जनाएको छ । साधारण सभाका लागि नेजाका क्षेत्रीय संयोजक (उत्तर–पूर्व) सुपेन्द्र बस्नेतलाई संयोजक चयन गरिएको महासचिव बाबुराम दाहालले जारी गरेको बक्तव्यमा उल्लेख छ ।

  • तेश्रो लगानी सम्मेलनका लागि अमेरिकी लागनीकर्तालाई महावाणिज्य दुतावासको आव्हान

    तेश्रो लगानी सम्मेलनका लागि अमेरिकी लागनीकर्तालाई महावाणिज्य दुतावासको आव्हान अमेरिकी व्यवसायी एवं लगानीकर्तालाई नेपालमा हुन लागेको तेश्रो लगानी सम्मेलनमा सहभागि हुन नेपाली महावाणिज्य दुतावास न्यूयोर्कले आव्हान गरेको छ । न्यूयोर्कस्थित महावाणिज्य दुतावासमा हिजो आयोजना गरिएको “नेपालमा व्यापार, पर्यटन र लगानीका अवसरहरू“ विषयक गोलमेच छलफलमा कार्यवहाक महावाणिज्य दुत विष्णु प्रसाद गौतमले यस्तो आग्रह गर्नु भएको हो ।