समाचार

सिन्धुपाल्चकवासीलाई सधैँको सास्ती

काठमाडौं । भोटेकोशी नदीमा आएको बाढी अझै नरोकिएकाले सिन्धुपाल्चोकको बाह्रबिसे तथा तातोपानी आसपासका क्षेत्र जोखिममा छन् । तातोपानी, कोदारी र बाह्रबिसे बाढीको उच्च जोखिममा रहेको प्रहरीले जनाएको छ ।

पानी पर्ना साथ नदीको बहाव बढ्ने भएकाले जोखिमयुक्त क्षेत्रका बासिन्दाको सुरक्षा तथा स्थानान्तरण लगायत विषयमा जिल्ला दैवी प्रकोप उद्धार समितिसहित सरोकारवाला निकायको बैठक बस्दैछ । सिन्धुपाल्चोकका प्रहरी प्रमुख एसपी रविन्द्र केसीका अनुसार भोटेकोशीको बाढीले अहिलेसम्म ७३ वटा घर बगाइसकेको छ । ८७ जनाको उद्धार गरी सुरक्षित ठाउँमा पठाइएको छ ।


२०७० साउन १६ गते यता सिन्धुपाल्चोकवासीले यस्ता प्राकृतिक प्रकोपका घटना व्यहोर्दै आएका छन् ।  जुरेमा आएको पहिरोको पिडा त छदैछ । त्यसपछि  २०७२ बैशाख १२ गतेको विनासकारी भुकम्पले ल्याएको विपत्ति पनि ताजै छ ।

यी दुइ ठूला विपत्तिको सामना गरेका सिन्धुवासी अहिले फेरि भोटेकोसीमा आएको बाढिको चपेटामा छन् । एक साता अगाडी तिब्बतिय हिमश्रृङखलामा ठुलो वर्षात पछि आएको बाढिमा कसैले ज्यान त गुममाउनु परेको छैन तर, भएका ज्यानलाइ अब कसरी जोगाउने भन्ने पिडाले भने पिरोल्न थालेको छ ।

भोटेकोसी बाढी पीडित मनवीय क्षतिबाट यो विपतमा जोगिएका दर्जनौ परिवारहरु सुरक्षित स्थानको खोजीमा थातथलो छाडेका छन् । थातथलो छाड्न नसकेकाहरु त्रासैत्रासमा बस्न बाध्य छन् ।

भोटेकोसीमा आएको बाढीले अहिलेसम्म झन्डै ७३ वटा भन्दा बढि घर कटान गरिसकेको छ भने सडक सञ्जालबाट सिन्धुपाल्चोकका ९ वटा गाविसहरु टुटेका छन् । मार्मिङ गाविसको वडा नम्बर ९ चाकु बजार र फुल्पिङकट्टी ४ को हिम्दी बजारमाथिबाट पहिरो खस्ने क्रम नरोकिदा स्थानीय त्रासमा बसेका छन् ।

३० असार,२०७३ ।

उस्तै उस्तै खबरहरु

  • वासिंटन डिसीमा नेजाको अन्तरक्रिया, नेपाली दुतावासमा कर्मचारी अभाव भएको गुनासो

    वासिंटन डिसीमा नेजाको अन्तरक्रिया, नेपाली दुतावासमा कर्मचारी अभाव भएको गुनासो विश्व प्रेस स्वतन्त्रता दिवस मे ३ मा अमेरिकाको डीसी मट्रो क्षेत्रमा अवस्थित अमेरिकाका लागि नेपाली दूतावासको कार्यालयमा राजदूत प्रा. श्रीधर खत्रीसँग नेपाल अमेरिका पत्रकार संघ (नेजा) ले अन्तरक्रिया गरेको छ । सो अन्तरक्रियामा राजदूत प्रा‍. खत्रीले दूतावासले आफ्नो स्रोत र साधनले भ्याएसम्म सेवा प्रवाहमा विशेष ध्यान दिइरहेको बताउनुभयो ।

  • ग्रेटर न्यूयोर्क नेपाली चेम्बर अफ कमर्शको अध्यक्षमा प्रदीप श्रेष्ठ

    ग्रेटर न्यूयोर्क नेपाली चेम्बर अफ कमर्शको अध्यक्षमा प्रदीप श्रेष्ठ न्यूयोर्क । अमेरिकाको न्यूयोर्क आसपासमा व्यवसाय गरिरहेका नेपाली एवं नेपाली मूलका अमेरिकी व्यवसायीहरु संगठित भएका छन् । उनीहरुले ग्रेटर न्यूयोर्क नेपाली चेम्बर अफ कमर्श गठन गरेका हुन् । न्यूयोर्क, न्यूजर्सी र कनेक्टिकट राज्यमा व्यवसाय गर्ने नेपाली एवं नेपाली भाषी व्यवसायीहरु संलग्न रहेको यो संस्थामा ७४ वटा व्यवसायिक कम्पनी आवद्ध भएका छन् । एक वर्षसम्मको तयारीपछि गरिएको साधारणसभाले प्रदीप श्रेष्ठको अध्यक्षतामा सात सदस्यीय कार्यसमिति निर्वाचित गरेको छ ।

  • नेवाः गुठी न्यूयोर्कले मनायो विश्व नेवाः दिवस

    नेवाः गुठी न्यूयोर्कले मनायो विश्व नेवाः दिवस न्यूयोर्क । नेवाः गुठी न्यूयोर्कले सातौं विश्व नेवाः दिवस विशेष कार्यक्रम गरी मनाएको छ । गुठीका अध्यक्ष विजयमान सिं को अध्यक्षतामा भएको उक्त कार्यक्रममा विभिन्न संघसंस्थाका प्रतिनिधिहरुले शुभकामना मन्तव्य व्यक्त गरेका थिए । कार्यक्रममा नेपाली महावाणिज्य दुतावासकी उपवाणिज्य दुत संगिता न्यौपाने, न्यूयोर्कका लागि पर्यटन प्रबर्द्धक एवं पत्रकार गोकुल श्रेष्ठ, आदिवासी जनजाति महासंघ, अमेरिकाका अध्यक्ष तोरण गुरुंग, हिमालयन बुद्धिष्ट कम्युनिटीका अध्यक्ष हृदय तुलाधर, नेवाः गुठीका संस्थापक एवं सल्लाहकार विके नेवाः र गुठीका संस्थापक अध्यक्ष, सल्लाहकार एवं विश्व नेवाः अर्गनाईजेशनका सल्लाहकार आदित्य महर्जनले विश्व नेवाः दिवसको उपलक्षमा शुभकामना मन्तव्य व्यक्त गर्नु भएको थियो ।

  • ललितपुरका मयेर चिरिबाबुलाई न्यूयोर्कमा स्वागत

    ललितपुरका मयेर चिरिबाबुलाई न्यूयोर्कमा स्वागत न्यूयोर्क । अमेरिका भ्रमणमा रहनुभएका ललितपुर महानगरपालिकाका मेयर चिरिबाबु महर्जनलाई नेवाः गुठी न्यूयोर्कले स्वागत गरेको छ । न्यूयोर्कमा आयोजना गरिएको कार्यक्रममा गुठीले मेयर महर्जनलाई स्वागत तथा सम्मान गरेको हो ।

  • नेजाको साधारण सभा बोस्टनमा

    नेजाको साधारण सभा बोस्टनमा नेपाल अमेरिका पत्रकार संघ (नेजा) ले आफ्नो १७औं साधारण सभा म्यासाच्युसेट्स राज्यको बोस्टन सहरमा गर्ने भएको छ । टेक्सासको अस्टिनमा भएको नेजाको बैठकले आगामी मे २५ र २६ मा आफ्नो १७औं साधारण सभा गर्ने निर्णय गरेको जनाएको छ । साधारण सभाका लागि नेजाका क्षेत्रीय संयोजक (उत्तर–पूर्व) सुपेन्द्र बस्नेतलाई संयोजक चयन गरिएको महासचिव बाबुराम दाहालले जारी गरेको बक्तव्यमा उल्लेख छ ।

  • तेश्रो लगानी सम्मेलनका लागि अमेरिकी लागनीकर्तालाई महावाणिज्य दुतावासको आव्हान

    तेश्रो लगानी सम्मेलनका लागि अमेरिकी लागनीकर्तालाई महावाणिज्य दुतावासको आव्हान अमेरिकी व्यवसायी एवं लगानीकर्तालाई नेपालमा हुन लागेको तेश्रो लगानी सम्मेलनमा सहभागि हुन नेपाली महावाणिज्य दुतावास न्यूयोर्कले आव्हान गरेको छ । न्यूयोर्कस्थित महावाणिज्य दुतावासमा हिजो आयोजना गरिएको “नेपालमा व्यापार, पर्यटन र लगानीका अवसरहरू“ विषयक गोलमेच छलफलमा कार्यवहाक महावाणिज्य दुत विष्णु प्रसाद गौतमले यस्तो आग्रह गर्नु भएको हो ।